PAWTDAWNA THU 17:14 - PATHIAN LEKHABU THIANGTHO (BSI)

¹⁴ Ziaphatchun, Lalpa chun Mosi kiang in, “Hetzingna dingin zia hi lekhabu khat in zik inla, Joshua het dingin gen kit in: Amalekte chu van nuai ah kipat in nuaimang ding ka hi,” a tia.

PAWTDAWNA THU 17:14 ပူးပေါင်းရင်းမြစ်များ

2 SAMUEL 1:1

Saul thi’ nung ah David in Amalekte a vazaw nung in, David chu Ziklag ah ni ni a um a.

2 SAMUEL 8:12

ziate chu Edomte, Moabte, Ammonte, Philistinte, Amalekte leh Zobah khua Rehab chapa, Lengpa Hadadezer ah kipat a gâl lâk cheng chu tawh ahi.

1 KHANGTHU 4:42

Chuleh, a lak ua khenkhat, Simeon Inkuan ah mi za nga ding vel chu Seir tâng lam in a chiau ah; amau lak ah hotu dingin Ishi chapate Pelatiah, Neariah, Rephaiah leh Uzziel cheng hi a mang ui;

1 KHANGTHU 4:43

Amalekte lak ah a dam nalai sunte chu a that gam ua, tu’ni tiang hin zia tak chu a lua den tau hi.

EZRA 9:14

la thupiakte botsia nalai ah, zia gual ah thil ki’dak um tak bawl mite hi tawh kichengpol nalai lai ding ka hiu em? A um nalai ding le um talo khop ah, a suakcha dingle um talo ding khop hial ah lei lungnat khum ma sia, ka chung un lungna zing talo ding la hia hem?

JOB LEKHABU 18:17

Lei ah amau hetzingna zosia bei ta’n tin, kotzing vêl ah le min nei ta pua’n au.

JOB LEKHABU 19:23

Aw, ka thugente hi zikdaw himaijen leh aw! Lekhabu zik lut a la himaijen leh chu aw!

SAM 9:6

Mêlmate chu kumtuang siatna’n a mangthai tau a; a khawpiteu la chomnâm ta’n; amau hetzingna a mangthai tai.

PAWTDAWNA THU 12:14

Zia ni hi nang uh â ding ah het zing ding hita’n a. La suanteu tiang ah Lalpa â ding ah Kût a la mat zing ding ua dan ah siam in, kumtuang ah Kût ah la mat diu ahi.

PAWTDAWNA THU 13:9

Lalpa dan chu la kam ah a um zing theina dingin, zia hi nang â ding ah la khut ah tepte’na leh la chalkiu ah hetzingna hi’n a; khut thahât tak in Lalpa chun Aigupta ah kipat a puidaw la hi’ngal un.

PAWTDAWNA THU 17:13

Tichun, Joshua’n Amalek leh a mipite chu a chemjam in a that zo tai.

PAWTDAWNA THU 24:4

Mosi chun Lalpa thugen zosia chu a zikdok ah. Jingkal matak in a tho ah, tângbul ah chun mâichâm pakhat a siam ah, Israel nam sawm leh ni tawh kituak in, khuam sawm leh ni a phut a.

PAWTDAWNA THU 32:33

Himaleh, Lalpa chun Mosi kiang in, “Ka chung ah gilo taphot chu ama ngei chu ka lekhabu kipat in nuaimang ding ka hi.

PAWTDAWNA THU 34:27

Lalpa chun Mosi kiang in: “Zia thute hi zik tiam in; zia dungzui ah hin nang leh Israelte kiang in thuthung ka siam ahi,” a tia.

THUPILTE 10:7

Midik hetzingna chu vangphatna ahi’n; mi nunsiate min chu muat mang kawm in a.

JEREMIAH 30:2

Israelte Pathian, Lalpa chun zia gual hin a hun gen a: La kiang ah ka thu gensa zosia kha lekhabu’n zik in.

JEREMIAH 36:2

Savun lekhabu zial la’n la, Josiah lal ah kipat tu’ni tiang ah, Israel leh Judah leh nam dang zosia kãl ah, la kiang ah ka thugen zosia kha zik lut tiam in.

KISIMNA LEKHABU 24:20

Chuleh, Amalekte lam a vak nga’n, a chungthuu zia gual hin a hun gendok a: “Amalekte hi nam zosia lak ah hatpen a hiu; himaleh, a tawp lam leh hisiat dim dem hi’n a,” ti in.

KISIMNA LEKHABU 33:2

Lalpa thupiak in, Mosi’n a kipatdawu ah kipat a chia dan uh leh, a giamunteu chu a kizom in a la zikdok pek ah; a hung kipatdawu ah kipat a chia dan uh chu zia gual hi ahi:

DAN LEKHABU 31:9

Chun, Mosi’n zia dan chu a zikdok ah, thiampute, Lalpa thuthung thingkuang pua ah pang, Levi chate leh Israel upate zosia kiang in a pia’n.

JOSHUA 4:7

Lalpa thuthung thingkuang ma-âng in Jordan lui tuite a kangtan in; chuleh, Jordan lui a jawn gâlkai lai un Jordan lui chu a kangtan hi, ti hil in la tiu in. Chutichun, zia suangte hi Israelte â ding ah kumtuang ah hetzingna hita’n a,” a tia.

1 SAMUEL 15:18

Amalekte hi vado inla, la tha gam sik sek masia la do ding a hi, a ti hen.

1 SAMUEL 30:1

Ziazaw a ni thum ni chun, Amalekte’n, Negeb leh Ziglak a la zaw’na nung un; David leh a lawite chu Ziglak a hung tung ua, Amalekte’n a la hâl tum zawu ahi tai.

1 SAMUEL 30:17

David in khawthim jul ah kipat jan khawvak leh a jing nitâk lam tiang in a do ta mai ah. A lak ua tangval za li, sangawngsau ah chuang ah taimangte tilo taphot chu a leng un a that gam zo tai.