PAWTDAWNA THU 16:8 - PATHIAN LEKHABU THIANGTHO (BSI)

⁸ Mosi chun, “Lalpa’n nitâk leh sa la nêk ding uh a hun piak ah, jingkal leh vaithum la vâ sêt uh a hun piak phat leh Lalpa’n a chung ah la phunchiaknau zosia chu a hia’i; kei uh hi bang ka hiu em? kei uh chung ah phunchiak la hi puau ah, Lalpa chung ah phunchiak la hi zawu hi,” a tia.

PAWTDAWNA THU 16:8 ပူးပေါင်းရင်းမြစ်များ

PAWTDAWNA THU 16:12

“Israelte phunchiakna chu ka het tak ziakin, a kiang un: nitâk khawthimbut phat leh sa ne’n la tiu in; jingkal phat leh vaithum ne ding la hiu; ziaphatchuleh, keima hi Lalpa la Pathian uh ka hi ti ei he ta’n lau,” a tia.

PAWTDAWNA THU 16:9

Ziaphatchun, Mosi chun Aron kiang in, “Israel mipite kiang in, Lalpa ma ah hin hung nai un, la phunchiakna teu ama’n a la he ta’ngal hen, vati’n,” a tia.

PAWTDAWNA THU 17:2

Tichun, mipite chun Mosi a kinakpi tau ah, a kiang in, “Ka dawn ding uh tui ei pia’n,” a tiu a. Mosi’n a kiang un, “Bang ding ah ei kinakpi la hiu em? Bang ding ah Lalpa patep la hiu em?” a tia.

ISAI 32:6

Mingol chun ngolhuai tak ah thugen in, thil phalo ngen a ngaitua a. Lalpa doi lo lam ngen bawl leh gen in, gilkialte an a pe ngai puau a, dangchâkte dawn dingle a pe ngai diak puau hi.

ISAI 37:29

Ka chung ah la lungnatna leh, la husiat dan ka la het tâk ziakin, la nâk ah nâkkhau thun ing ka tin, kamkhau la mûk ah hun vua ding ka hi; tichun, la hungna lampi khan hun kai kit ding ka hi, ti in.

KISIMNA LEKHABU 11:18

Chuleh, mipite kiang a: Jing â dingin kisuthiangtho un, nanghaw’n sa ne ta ding la hiu; nang un Lalpa kiang ah, Khatvei bêk sa kine ta maleh aw! Kei uh â dingin Aigupta gam ah um mai kha phazaw hive’n, ti ah kap leh mâu ah la um tâk ziak un. Ziaziakchun, Lalpa‘n sa hun pia’n tin, ne ding la hitau hi.

KISIMNA LEKHABU 14:27

Zia tak ah migilo pungkhawmte hi ka chung ah bang chan phunchiak ding a hiu em? Israelte phunchiakna, ka chung ah a phunchiaknau ngei chu ka he ta ngâl a.

KISIMNA LEKHABU 21:7

Mipite Mosi kiang ah hung in, “Lalpa tawh nangma ka gensiat uh hi ka la hi’khial tau; gûl haw hi la mang dingin Lalpa kiang ah ei dot piak in,” a tiu a. Tichun, Mosi chun mipite a dot piak tai.

MATTHAI 10:40

Kua’nle a la lop ua leh keima ei lop hi’n tiu in, chuleh, keima ei lop chu keima ei sawlpa lop ahi.

MATTHAI 9:4

Jesu’n a ngaitua nau chu a het phat in, “Bangatia, la lungthim ua thil gilo ngaitua la hiu em?

LUKA 10:16

Kuale nang uh thu ngai tapo chu keima thu ngai hi’n tiu in; nang uh hun musit chu keima ei musit hi’n au; kuale keima ei musit chu ei sawlpa musit ahi, a tia.

JOHAN 13:20

Titakzet in ka hil la hiu, kuale keima’n ka sawlte a la lop chun keima ei lop a hiu a; kuale keima ei lop chu keima ei sawlpa lop a hiu,” a tia.

ROMTE 13:2

Ziaziakchun, kuale a chung ah thuneite dodâl chu Pathian namdetna dodâl a hiu; zia gual ah dodâlte chun amau â ding ah thutanna kihawldaw bep in au.

1 KORINTH 10:10

Phunchiak puai tiu, a lak ua khenkhat a chutiu ah, hi’mangthaipa’n a sukmanthai khawlaw tâk kha.

1 THESSALONITE 4:8

Ziaziakchun, a khawksa lo chun mihing khawksa lo a hipua’n, Pathian, nangmau ah Thagau Thiangtho pepa chu khawksa lo ahi zawi.

1 SAMUEL 8:7

Lalpa‘n zia gual hin Samuel kiang in a hun gen ah, “La kiang ah mipite gen zosia chu ngaitua piak mai in; nang hun doilo ahi puau in, a chung ua lal ka hi’na ei doilo ahi zawu hi.