PAWTDAWNA THU 16:4 - PATHIAN LEKHABU THIANGTHO (BSI)

⁴ Ziaphatchun, Lalpa chu Mosi kiang in, “Van ah kipat in vaithum hun zuksak ding ka hi: mi tin chu pawtdok in, a nisi’n nêkkhop ding bep uh a kiluak chiat ding uh ahi. Ka thupiak hi zui ding a hiu em zui lo ding ti, zia gual a hin patepna bawl ding ka hi.

PAWTDAWNA THU 16:4 ပူးပေါင်းရင်းမြစ်များ

NEHEMIAH 11:23

Nisi’n ah La sa pawlte’n thilgithei a mamaw jat uh piak zing dingin lengpa thupiak a la um tasa ahi.

NEHEMIAH 9:15

A gilkial phat un van ah kipat in vaithum la pia, a dangchâk phat un suangpi ah kipat in tui la luandaw sak in; chuleh, a kiang ua piak la tiamna gam lam ah chia ah luaden dingin la hil tai.

NEHEMIAH 9:20

Amau zilsak dingin la thagau pha chu la pia; a kam ua kipat in la Manna la jukdok kit pua’n, a dangchâknau sudai dingin tuile la pia ahi.

SAM 105:40

A don un, tichun, vavêng a pia’n, van ah kipat an niang leh tai in a piai.

SAM 78:23

Himaleh, chung lam ah vante khi, van kotkhakte hun hong dingin thu a pia’n;

PAWTDAWNA THU 15:25

Ama chun Lalpa a ko ah; chuleh, Lalpa’n thing pakhat a kawkmu ah, zia thing chu tui lakah a se’lut phatin a tui chu a hung thum ta mai a. Zia mun ah chun Lalpa’n amau â dingin thupiak pakhat tawh, dan pakhat a siam piak ah, zia chun amau chu a enchian tai.

PAWTDAWNA THU 16:15

Israelte’n zia chu a mu phât un, “Bang a hem?” ti’n a kidong tua sau sau tau a. Bang ahi he kuama a um puau a. Mosi’n a kiang un, “Zia hi Lalpa’n la nêk ding ua a hun piak vaithum chu ahi;

THUPILTE 30:8

Ka mantheilona leh, zuautheina him him ei lâk mang piak inla; chatgana a hem leh neinunna, a khoi zawk zawk hile ei pe kin; ka mamaw jat an chun ei vak zaw’n;

MATTHAI 6:11

Nisi’n ka nekkhop uh an ei pia’n.

LUKA 11:3

Nisi’n ka nêkkhop uh an ei pia’n.

1 KORINTH 10:3

A leng un thagau an khat a nekhawm un,

DAN LEKHABU 8:16

la pu leh pateu in a het ngailo uh Manna’n a hun vâkvâ a; tichun, tu’nung ah la hung phat theina ding leh la kingainiam theina ding un, haksatna hun tuaksak in, a hun patep la hiu kha.

DAN LEKHABU 8:2

A thupiakte zawm ding la hiu em zawm lo ding ti leh, la lungthim uh hetna ding ah patepna la tuak uh leh, la kingaitawm theina ding ua, gamthip ah kum sawmli hial a hun pui dan zosia kha hezing tau in.

JOSHUA 24:15

Tu’hin Lalpa nasep ding chu nuam lo la hiu leh, tu’ni ma ma hin kua pen na sêm ding la hiu em, la pu leh pateu in Luipi gâl lam ah pathiante na a la sep piak uh kha ahi em; ahiloleh, la luanau gam ah Amorte pathiante a hizaw diam, ti têl ngâl un. Kei leh ka Inkuante’n vang Lalpa na bep sêm ing kau, ti’n a dawnhu a.