PAWTDAWNA THU 16:3 - PATHIAN LEKHABU THIANGTHO (BSI)

³ Israelte chun a kiang un, “Aigupta gam ah sabêl bul ah ka chut lai uh leh vaithum vâ tak ah ka nêk lai ua khan, Lalpa khut in ei la thi sak ta kha hizaw mai leh aw! Gamthip ah gilkial ah thi dingin mipite hi lei pui lût a hita hilam,” a tiu a.

PAWTDAWNA THU 16:3 ပူးပေါင်းရင်းမြစ်များ

2 SAMUEL 18:33

Lengpa chu a dâ ma ma ziang ta’n; tichun, kul kotkhak chung ah pindan ah lut in, a kap ta’n; a chia kawm kawm in, “Aw, ka chapa Absalom! Nang sâng in keima thi zaw mai leng ka nuam na e! Aw Absalom, ka chapa, ka chapa!” ti’n a kap malam pek tai.

JOB LEKHABU 3:1

Ziazaw chun, Job in a pian ni chu hânsia lawkhum in a hung paudok ta’n.

JOB LEKHABU 3:10

Ka nu sûlkot a la khâk lo in, buaina ei la pêlsak lo ziakin.

JOB LEKHABU 3:20

Bang ding ah genthei thuak mi khawvak kipia, lunggimte chu hinna kipia,

SAM 107:5

gilkial leh dangchâk ah hatsam in a um tau hi.

SAM 78:19

Pathian dem in thu a gen un, “Gamkeu ah hin Pathian in, ankuang ei lui piak thei diam?

SAM 78:25

Mihingte chun vansawlchâkte an chu a ne tau a; kiningting tak in an a hun pia tai.

PAWTDAWNA THU 14:11

Mosi kiang in, “Aigupta gam ah kivuina ding thân a umlo ziak ah, thalêk gamthip ah thi ding ah lei puidaw ahi em? Bangatia, zia gual ah ei bawl ding ah Aigupta gam ah kipat ei puidok mawng mawng la hem?

PAWTDAWNA THU 17:3

Himaleh, mipite chu tuidu in a dangchâk ta ma mau a; tichun, mipite chu Mosi chung in a phunchiak tau a, a kiang in, “Bang ding ah kei uh leh ka chateu leh ka ganchateu dangchâk ah thi’sak ding ah Aigupta ah kipat lei puidaw a hem?” a tiu a.

PAWTDAWNA THU 2:23

Chomkhat zaw in Aigupta lengpa chu a thi ta’n. Israel chate chu a saltânnau ah chun a thûm un, a kap tau a. A saltânnau ah a kâ thawmteu chu Pathian kiang a tung ta’n.

PAWTDAWNA THU 5:21

A kiang un, “Lalpa’n hun en hen la, la chung un vaihawm ta hen; Pharaoh leh a suakte mit mu ah huat um tak in lei siam tâk ziak un: a khut ua kei uh thâna ding chemjam la choisak ta’ngal un,” a tiu a.

JEREMIAH 2:6

Amau chun, Aigupta gam ah kipat ei puidok ah, gamthip leh gamkeu leh leikuak lak ah, gam gawchâk leh thim nuai ah kipat leh, kuama chia ngai lo’na leh, chên khak lo’na munte lak ah kipat, ei la puidokpa, Lalpa chu khoi ah um ahi tam? ti’n ei limsak ta puau hi.

JEREMIAH 42:14

“Ahipuai, Aigupta gam ah chia kit zaw phot ing kau, zia chun kidona he’pha talo in, pengkul mût git le he’pha talo in, gilkial, dangchâk ah thûm git het lona mun ah vaum mai ing kau,” la tiu chun;

JEREMIAH 44:17

Zia malak ah chun, kei haw tawh ka pu leh pateu, ka lengteu leh ka milian leh lalteu in, Judai gam ah khawpi leh Jerusalem kotzingte ah ka la hisek gual uh khan, van lengnu kiang ah thil piak leh uain latna ka kitiam dungzui un bawl ding ka hiu. Nêk leh châk ah buting leh lamzang tak ah um in, vangsiatna ka tuak kha puau hi.

KÂ LATE 4:9

Chemjam ah dawtlup ziangte chu, gilkial ma ma ah thite, a loulai thâiga ne pha diak lo ah, a hinnau a lua’n kang zaw nung ah, thite sâng in a kipak zawu hi.

KISIMNA LEKHABU 11:15

Zia gual ahi ei bawl ding la hi chun, la doisakna chang ka hileh–ei that vânglak ziang in, zia gual gentheina hi ei musak dâ mai in,” a ti’n.

KISIMNA LEKHABU 11:20

tha khat ving veng la nêk ua, la nâk hawm ua a hung pawt daw kit ah, la luaksuak hial masangsiau ne ding la hiu; nanghaw’n la lak ua um zing Lalpa ngaisak lo in, ama kiang ah la kap ua, Bang ding ah Aigupta gam ah kipat hung pawtdok I la hitau em? la ti tâk ziak un, ti’n gen in, a tia.

KISIMNA LEKHABU 14:2

Israelte zosia chu Mosi tawh Aron chung in a phun tau a; a leng un, “Aigupta gam ah khan a la thi ziang kha hizawleu hin phazaw gamcheng ding hive’n! ahiloleh, zia gamthip ah hin kithi ziang zaw mai leh!

KISIMNA LEKHABU 14:3

Mite chemjam ah thi ding bep ah bang ding ah Lalpa‘n ei la puidaw a hi tam? I ji leh chateu chu mi gâl anchâk ah a pan sâng un, Aigupta gam lam ah chia kit ziang leu hin phazaw ma ma lo ding a hem?” a tiu a.

KISIMNA LEKHABU 16:13

Nang in khuaizu leh bawngnawi ah luanna gam ah kipat lei puidok ah, tu’hin gamthip ah thagam ding lei gaw nalai sêt ah; chuleh, tu’hin ka chung un vai la hawm nâk lai hi thil neuthem leh bangma lo mai mai in la ngai nalai ah a hem?

KISIMNA LEKHABU 16:41

A jing phatin, Israelte zosia chu Mosi tawh Aron chung in a phunchiak tau a: “Lalpa mite la that ui,” a tiu a.

KISIMNA LEKHABU 21:5

Mipite chun Pathian leh Mosi a gensia tau a: “Bang ding ah zia gamthip ah hi thi ding bep ah Aigupta gam ah kipat lei puidaw a hem? Zia tak ah hin an la umlo, tui la umlo, zia an bep bep hi ka khop talua tau,” a tiu a.

NASEPTE 26:29

Paul in, sawt in sawt lo leh nang bep le ka ti puai, tu’ni ka thu ngaitha zosia le kei gual ah um dingin Pathian kiang in ka don ahi, kol haw hi vang but khel lo in, a tia.

1 KORINTH 4:8

Tu’hin chu la dawi zosia la nei tai! La hausa tau hi! Keimau panglo inle vai la hawm thei tau hi! Kei unle nang uh tawh vai ka hawmkhawm theina ding un, leng in hung pang leu chun ka nuam ngei!

2 KORINTH 11:1

Ka ngol deu nau ah hin lei ngaithiam uh ka nuam hi. Ei ngaithiam mai un!

DAN LEKHABU 28:67

La lungthim un la thil tuak ding uh la tizat ziak uh leh, mittha la muzing ziak un, jingkal sîn leh, “Nitâk hitaleh aw!” ti’n la tiu in; nitâk sîn leh, “Jingkal hitaleh aw!” ti kit ngen sek in lau.

DAN LEKHABU 8:3

Mihing hi an bep in a hing thei pua’n, Lalpa kam ah thu pawt taphot in a hing zawu hi, ti la hun hetchian theina ding un, haksatna a hun tuaksak ah, la gilkial uh a phal ah, la pu leh pateu leh nangmau in la het ngailo uh Manna in a hun vâkvâ la hiu kha.

JOSHUA 7:7

Joshua chun, “Tamaijen, Lalpa PATHIAN! Amorte khut ah sukmangthai ding bep ah, bang ding ah zia mipite hi Jordan lui gâl la pui kâi khel khel ahi tam? Bang ding ah Jordan lui gâl lam ah khan lungawi tak ah a la um zaw mai lo ka hitau em!