PAWTDAWNA THU 15:8 - PATHIAN LEKHABU THIANGTHO (BSI)

⁸ La nâk khawn git in tuite kaikhawm in a um un, tuikhang chu bu vum gual in a kitung a; Tuipi lailung ah chun tui thûknate chu, sukdet in a um hi.

PAWTDAWNA THU 15:8 ပူးပေါင်းရင်းမြစ်များ

2 SAMUEL 22:16

Ziaphatchun, tuisuagiat lampite chu a hung kilang ta’n, Lalpa‘n a nâk hawm ah a hu thâdaw ah, a vauna ziakin, khawvel leilung kingaknate chu suklat ahi tai.

JOB LEKHABU 4:9

Pathian hu thâkhum mai inle a mangthai sek un, a lungnatna hui in a mût tum mai sek hi.

SAM 33:7

Ama’n tuisuagiat ah tuite chu, likli sung ah um gual in a koikhawm ah; tui thûk takte chu a khol khawm sek hi.

SAM 78:13

Tuisuagiat khên tan in a chia thensak ta’n; tuite chu bangkhat sia khawm gual in a dinsak hi.

PAWTDAWNA THU 14:29

Himaleh, Israelte chu Tuipi sung ah chun lei hul chung in a chiau ah, tuite chu amau â ding ah changlam leh veilam ah bâng ahi tai.

ISAI 11:4

himaleh, dik tak in migentheite vaihawm piak intin, lei ah mi nunnemte le kibang chiat in, thutanna bawl piak ta’n a; a kam ah mol chun lei hi jep intin, a mûk ah hû chun mi nunsiate that in a.

ISAI 37:7

A la ngai un! Amau ah thagau khat hun khum ing ka tin, thawmgi khat hiatsak ing ka tin, a gam lam un kile’kitsak ding ka hi; tichun, amau gam ngei ah chun chemjam ah that ding ka hi, ti’n vagen un,” a ti tai.

HABAKKUK 3:10

Tâng liante’n a hun muu in a kithing tau a; tuikhangliante’n a hawt vêl un, tui thûk takte’n a awu a suau hi. Nisa’n a bân sâng tak in a jak hi;

HABAKKUK 3:15

La sakol in tuisuagiat chu la chuanchil ta’n; tichun, tuiliante chu a kinawk phuan bul bul ta mai ui.

2 THESSALONITE 2:8

Zia chu lakmang ahi’phat leh, dan susepa chu hung kilang intin, Lalpa Jesu’n ama chu a kam ah hu thâ khum in that intin, a hung kilâkna chun hi’mangthai in a.

JOSHUA 3:13

Lei chung zosia ah Lalpa, Lalpa thuthung thingkuang jawn thiampute keng in Jordan lui tui a chotkhâk phat phat leh, Jordan lui tui saklam ah kipat hung luang suk chu tan intin, ding den in, kisia vûm ziang ta’n ah,” a tia.

JOSHUA 3:16

saklamah kipat tui hung luang suk chu a chawl ta’n, saklam deu tak ah Zarethan kiang ah Adam khawpi kiang ah chun a bêm in a ding ta mai ah; chuleh, Arabah tuipi, Tuipi Thi lam ah luang suk chu a kangtan tai. Tichun, mipite chu Jeriko khua jawn ah chun a gâl kâi tau a.