PAWTDAWNA THU 15:6 - PATHIAN LEKHABU THIANGTHO (BSI)

⁶ Aw Lalpa, la khut changlam chu, thil hitheina’n a lopi hi! Aw Lalpa, la khut changlam chun, mêlmate a mai chimit tai.

PAWTDAWNA THU 15:6 ပူးပေါင်းရင်းမြစ်များ

SAM 17:7

Lamdang tak in la ngilneina det dan hi’lang inla, aw, nangma bêlte hukdok ah, a mêlmateu ah kipat a khut changlam ah hukdok sekpa.

SAM 2:9

Thîk tiang in amau chu khên kêk in la tin, bêlsêkte’n lei bêl a khet phel gual un, amau khên kêk ding la hi,” a tii.

SAM 24:8

Zia lopina Lal chu kua a hem? Lalpa hât leh thil hi’thei tak, Lalpa, kido’na thilhi’thei tak chu ahi.

SAM 44:3

a chemjam ziak uh hilo in gam hi la zawsak a; amau bân thahât ziak bep ah kihukhing a hipuau hi; amau la doisakna ziakin la khut changlam leh, bân thahât leh la mêl vâk in a hizawi.

SAM 44:4

Nang ka Lal leh ka Pathian la hi; nang in, Jakob zaw’na thu la piai.

SAM 60:5

La doisakte humbit ah a umtheina ding un, la khut changlam in zaw’na ei pia’n la, ei hun dawnhu ta’n.

SAM 74:11

Bang ding ah la khut juk kit la hem? Bang ding ah la khut kiltua ah um nalai la hem?

SAM 77:10

Tichun, zia gual hin ka ti ta’i: “Chungnung Penpa khut chang lam sukdanglam ah a um hi, ka lungkhamna pen chu ahi,” ti in.

SAM 89:14

Dik tatna leh vaihawmna dik, la lalchutpha kingakna ahi’n; ngilneina leh ginumna la ma-âng in a chiau hi.

SAM 98:1

Aw Lalpa chawihoi in La thak sau inla; thil lamdang takte a bawl ta ngal a. A khut changlam leh a bân thiangtho chun, zaw’na a chang ta ngal a.

PAWTDAWNA THU 15:11

“Aw Lalpa, kua a hem pathiante lak ah, nang tawh te’thei ding? Kua a hem nangma gual ah thianthona ah lopi, choihoina lam ah lau um leh, thilmakte bawl?

PAWTDAWNA THU 15:12

La chang lam khut la jak daw leh, lei in amau chu a val zo tai.

PAWTDAWNA THU 15:16

Aw Lalpa, la mipite a gâlkâi ma siau, la chawk dawsa la mipite zosia chu a gâlkâi ma siau in, launa leh tizatna a chung un a chu ta’n, la bân thahâtna ziakin, amau chu suangtum gual in a thip tau hi.

PAWTDAWNA THU 18:8

Mosi chun, Lalpa’n Pharaoh leh Aigupta mite chung ah Israelte ziak ah a thilbawl zosia tawh, a hungnau lamkâl ah gentheina a chung ua tung zosia tawh, Lalpa’n zia haw zosia lak ah kipat a hukdaw dante chu a sungpa kiang in a hil tai.

PAWTDAWNA THU 3:20

Tichun, ka khut hun tha’ng ka tin, thilmak tak tak a gam sung ah ka bawl dingte mang in, Aigupta soisa ding ka hi; ziazaw phat chuleh, hun pawtsak bep ding ahi.

PAWTDAWNA THU 6:1

Ziaphatchun, Lalpa chun Mosi kiang in, “Tu’hin Pharaoh chung ah bang bang hun bawl ding ka hem ti hun mu’n la: Keima khut thahât tak ziakin amau chu hun pawt dawsak ding ahi ngal ah; ama chun keima khut thahâtna ziakin a gam sung ah kipat in hun nawdok ding ahi,” a tia.

ISAI 30:14

A kêk kâl chu bêlvêlte bêl kêk jak dim dem, a hal meiâm luakna ding leh, tuibêl ah tui thâlna thei le, um talo gual hiding ahi.

ISAI 51:9

Aw, Lalpa khutbân chu hung tho inla, hung thodok in, hatna’n hung kithuam ta’n! Nidang lai ah khangluite hun lai gual ah khan, hung thodok in! Nangma hilo maw Rahab a them them ah âttel ah, dragon sunlum kha?

ISAI 52:10

Nam tinte mit mu in Lalpa‘n, a khutbân thiangtho chu a lâmdok ta’n; tichun, kawl kîmvêl tiang ah mi zosia’n, I Pathian hukdamna chu hun mu ding a hiu.

ISAI 63:12

A khutbân lopi tak, Mosi khut changlam kitonpi zing a, kumtuang ah a minthanna ding ah, a ma-âng ua tuiliante khên tan a,

JEREMIAH 13:14

chuleh, amau chu kisuktua sak ing ka tin, nu leh pa chu a chateu tawh, ti’n Lalpa‘n a gen hi. Amau ka suksiat phat leh lainatna nei pua’ng ka tin, khat chale hawi lo ding ka hi, ti’n vagen in,” ei ti tai.

MATTHAI 6:13

Gilo ding ah thepna hun in ei puilût kin la, gilo lak in ei hukdok zaw’n: Gamte, thil hi’theinate, lopinate, kumtuang in nang â ahi, Amen,” ti in.

THUPUAN 2:27

ama chun a chung un thîk tiang in vai hun hawm intin; belvêlpa’n belte nêl dim diam ah a khetbuang gual hi’n a.

1 SAMUEL 2:10

Lalpa do-te chu suksiat hi’n tiu in; Chungnung Penpa chu vanah, van-gi’n hung ding ahi. Lalpa‘n kawlkil tiangah vaihawm intin, a lengpa kiang ah hatna pia’n tin, a sathaunu’te thilhitheina chu vang, chawisâng ding ahi, ti in.