PAWTDAWNA THU 15:27 - PATHIAN LEKHABU THIANGTHO (BSI)

²⁷ Chuleh, Tuinâk sawm leh pani tawh, tûmthing sawm sagi umna Elim mun chu a hung tung tau a: Tuipang ah chun a giak tau hi.

PAWTDAWNA THU 15:27 ပူးပေါင်းရင်းမြစ်များ

SAM 23:2

Ama’n hampa hing dip dep munte ah ei kualsak sek ah; tui kiting dai hii hiai munte ah ei pui in;

PAWTDAWNA THU 16:1

Israel mipite chu Elim ah kipat in a kipandok ua; chuleh, Israelte chu Aigupta gam ah kipat ah hung pawtdok ua kipat tha ni’na, a ni sawm leh nga tin ni chun Elim tawh Sinai kikâl ah um Sin gamthip a hung tung tau a.

ISAI 12:3

Hukdamna tuikulte ah kipat chun, kipak tak in tui thâldok ta’n lau;

EZEKIEL 47:12

A lui pang tuak ah chun, nêk thei thing chitin um in a. A tui chu mun thiangtho ah hung luangdok ahiziak in, thingduate chu vuai ngai pua’n tin, a ga le hût ngai pua’n a; thasin in ga thak suang zing zaw’n au; chuleh, zia thing gate chu nêk ding leh a duate chu sukdamna ding hita’n a,” a ti tai.

KISIMNA LEKHABU 33:9

Marah ah kipandok in, Elim mun a tung un; Elim mun ah chun tuihing nâk, sawm leh ni tawh, tûm thing sawmsagi umna mun in a giak tau a.

THUPUAN 22:2

Khawpi khawlai vêl leh zia luigâl langtua gêl ah chun, hinna thing a kiphu ah, ga chi sawm leh ni in tha si’n in a ga ah; a duate chu nam tinte damna ding ahi.

THUPUAN 7:17

Belamno, lalchutpha lailung ah um chu, amau vêngtu hita’n tin, hinna tuikhukte ah pui intin, Pathian in a mit ua kipat, mitthi zosia thiak-hul ta’n a,” a tia.