PAWTDAWNA THU 15:26 - PATHIAN LEKHABU THIANGTHO (BSI)

²⁶ A kiang un, “Lalpa la Pathian aw chu chingthei tak ah la ngai ua, a mit mu ah thil dik chu la bawl ua, a thupiakte la ngaisak ua, a dante la zop ua ahileh, Aigupta mite chung ah a tunsak hiveite haw hi khat chale la chung un hun tunsak lo ding ka hi: keima hi Lalpa, nanghaw hi’dampa chu ka hi’ngal in,” a tia.

PAWTDAWNA THU 15:26 ပူးပေါင်းရင်းမြစ်များ

1 LENGTE 11:33

kei ei nusia in, Sidonte pathiannu Ashteroth (Astarte le kiti,) Moabte pathian Khemosh leh, Ammon mite pathian Milkom a ho ta’n, a pa David hi gual ah ka lampite zui talo in, ka mit mu ah thil dik hi’dingte, ka thugelte leh ka dan bawlte vop talo ah a um ziak ahi.

1 LENGTE 11:38

La kiang ah ka thupiak zosia la ngaithâk ah, ka lampite la zui ah, ka suak David gual ah, ka thupiakte leh ka thugelte la vop ah, ka mit mu thil dik la bawl chun, hun umpi ing ka tin, David â ding ah ka bawl piak gual in, Inkuan mi bei talo ding hun bawl piak ing ka tin, Israelte hi hun pia ding ka hi.

2 LENGTE 2:21

Tichun, a chia ah tuinâk ah chun, chi chu a sep lut ah, “Lalpa‘n zia gual hin a gen hi, ‘Zia tui hi damna tui in ka siam tai; tu’kipat hin thi’na ahiloleh naunei theilo’na hung pawt ta pua’n ah’ a tii,” a tia.

2 LENGTE 20:5

“Kihei kit vak in chia inla, ka mite chung ah hotu Hezekiah kiang in zia gual hin vagen in: Lalpa, la pa David Pathian chun zia gual hin a gen hi: La pauchapna ka la he ta’n, la mitthi tuite le ka la mu tai; hun sudam kit ding ka hi; ni thum zaw tak leh Lalpa In ah chia to ding la hi.

2 LENGTE 22:2

Ama hin, a pa David lampi a haw ah; Lalpa mit mu in thil dik tak in a bawl ah, a veilam leh a changlam inle a pêtmang kha him him puai.

JOB LEKHABU 5:18

Ama’n a suliam ah, a tuam kit ah; a vua hen, a khut ma ma’n a sudam kit sek hi.

SAM 103:3

la manthei lona zosia a ngaidam ah, la natna zosia a hi’dam ah,

SAM 147:3

Thinlung thasete a sudam ah, a liamnateu a tuam piak hi.

SAM 81:9

Gamdang pathian la lak un umlo ding ahi’n; pathian dang le ho diak lo ding la hiu a.

PAWTDAWNA THU 12:29

Jankim lai tak in Lalpa chun Aigupta gam pumpi cha upa pen zosia, lalchutpha ah chu Pharaoh chapa upa pen ah kipat suangkul mun thim ah umpa chapa upa pen tiang leh gancha suak masa pen zosia tiang in a hun that gam ta’n.

PAWTDAWNA THU 19:5

tu’hin, ka thu la zop ua, ka thuthung la mat ua leh, mi zosia chung in nang uh hi kei â ding ah gobîk hi’n lau: lei chung zosia hi kei â ahi ngal a:

PAWTDAWNA THU 19:6

Chuleh, kei â dingin nang uh chu thiampu lenggam leh nam thiangtho hiding la hiu. Zia thute hi Israelte zosia kiang ah la gensawn ding ahi,” ti’n a gen a.

PAWTDAWNA THU 20:2

Keima hi Lalpa la Pathian uh, Aigupta gam ah la saltânnau In ah kipat hun puidokpa chu ka hi.

PAWTDAWNA THU 23:25

Lalpa la Pathian uh na la sep ding uh ahi: tichun, la an uh leh la tui uh hun maljawl ding ka hi; chuleh, la lak ua kipat natna lamang ding ka hi.

ISAI 55:3

La bil uh dawu inla, ka kiang lam ah hung un; la dam theina ding un ngai un. La kiang un kumtuang thuthung, David kiang ah ka hepina thutiam chu, hun pia ding ka hi.

ISAI 57:18

A chiana lampiu chu ka mu zing ah, maleh, sudam ding ka hi; amau chu kaibât in, thamuan kit ing ka tin, lusûnte chu thamuanna pia ta’ng ka.

JEREMIAH 11:7

Aigupta gam ah kipat ka puidaw lai ah kipat tu’ni tiang hin, a kiang un gunchu tak in, “Ka thu ngai un,” ti’n ka la hillawk zing a.

JEREMIAH 17:24

Lalpa‘n zia gual hin a gen a: Himaleh, ka thu la ngai ua, sabbath ni zia khawpi sung ah hi bangma la hun puak lut lo ua, sabbath ni chu chang thiangtho ah, na bangma la sep lo uh chun,

JEREMIAH 30:17

Amau in nang chu pâm pai ah um ahi tai, ti’n tiu in: “E he Zion hi! Kuama’n a ngaisak ta puau hi!” a hun ti ziak un, la hisêlna hun pia kit ing ka tin, la beliamte chu sudam kit ding ka hi ta’ngâl a, Lalpa‘n a tii.

JEREMIAH 33:6

Tungding kit in, sudam kit ding ka hi; sudam ing ka tin, hausakna kiningting tak leh bit tak in umsak kit ing ka.

JEREMIAH 7:23

Himaleh, zia hi ka thupiak chu ahi: Ka thu ngai un, tichun, la Pathian uh hi’ng ka tin, nang uh chule ka mite hi’n lau; chuleh, nang uh â ding ah thilpha a hitheina dingin ka thupiak gual bep in um un, ti in.

JEREMIAH 8:22

Gilead ah damdawi um talo a hem? Zia chun damdawi thiam umlo maw? Bang ding ah ka mipi gentheite chu, sukdam kit hilo a hiu em?

EZEKIEL 18:5

Kua a hem khat chu a dik ah, dan dungzui ah dik tak ah a um nâk chun;

HOSEA 11:3

Ephraim lamzawt dan hil chu la keima ka hi’ngal a; ka khut in amau ka kaibât ah; amau in la ka sukdam ahi lam uh a hepuau hi.

HOSEA 6:1

“Hung un, Lalpa kiang lam ah kile’kit hitiu; ei puaitel chu ama ahiziak in, ama’n ei hi’dam ding ahi, ei vaw liam maleh ei tuam piak ding ahi.

THIAMPUTE LEKHABU 26:13

Keima hi Lalpa la Pathian uh, a suak ua um kit talo ding ah Aigupta gam ah kipat hun puidokpa chu ka hi: la ngawngkolteu hi’bong ah, jang tak ah hun chiasak pa chu ka hi.

THIAMPUTE LEKHABU 26:3

Ka dan bawlte la zui ua, ka thupiakte vop ah la zui uh chun,

KISIMNA LEKHABU 12:13

Tichun, Mosi chun Lalpa a ko ta’n, “Aw Pathian, lungsiat tak in ama hi hi’dam in,” a tia.

DAN LEKHABU 12:25

Lalpa mit mu ah thil dik bawl la hiu ah, nanghaw leh la nung ua la chateu â ding tiang ah thilpha a hi’theina dingin, thisan chu la nêk him him lo ding uh ahi.

DAN LEKHABU 12:28

Lalpa la Pathian uh mit mu ah thilpha leh dik la hun bawl ding ziak un, nang leh la nung ua la chateu â ding ah kumkhua thilpha a hitheina dingin, tu’ni ka thu hun piak zosia hi zawm dingin chingthei tau in.

DAN LEKHABU 13:18

la pu leh pateu kiang ah a la kitiam dungzui in, Lalpa‘n a lungnatna kiheisan in, hun lainat ta’n tin; a hun lainat ziak ah a hun hi’pun theina dingin, hânsia lawsa thil kila khawmte chu la khut unle khoikha kiu in.

DAN LEKHABU 28:27

Sukdam theilo Aigupta gam ah uilut te, meimasia, thisan natna leh tithak te hin Lalpa‘n hun gawt in a.

DAN LEKHABU 28:58

Lalpa la Pathian uh min chungnung leh tizat um tak hi lau lo ah, zia lekhabu’ kizik dan thu zosia hi gunchu tak ah la zop lo ua ahi chun,

DAN LEKHABU 28:60

La lau leh la tizat uh, Aiguptate chung ah natna tung zosia kha a leng un la chung un tung intin, hun nusia ta pua’n a.

DAN LEKHABU 32:39

Keima, kei bep hi ka hi’n, pathian dang a um puai, ti he tau in. Ka that ah, ka hinsak ah; ka hi’liam ah, ka hi’dam sek; ka khut ah kipat in kuama’n a ladok thei puau hi.

DAN LEKHABU 5:1

Mosi’n Israelte zosia a ko khawm ah, a kiang un: Aw Israel mipite haw, tu’ni la kiang ua ka gen ding dante leh dan thupiakte hi a la ngai tiam un; ziate hi gunchu tak ah la zil ua, la zop ding uh ahi.

DAN LEKHABU 7:15

La lak ua kipat natna zosia Lalpa‘n la mang in ah; Aigupta gam ah natna la la thokteu zosia kha la chung ua tun sak lo in, la mêlmateu chung in tung zaw ta’n a.