PAWTDAWNA THU 15:21 - PATHIAN LEKHABU THIANGTHO (BSI)

²¹ Miriam in amau haw dawnhu in La a hun sa’n: “Lalpa chun lopi tak ah a zaw tâk ziakin, a min pakcha’n La sau inla; sakol leh a chung ah chuang mite, Tuipi sung in a pai lut ta’ngal in,” ti in.

PAWTDAWNA THU 15:21 ပူးပေါင်းရင်းမြစ်များ

2 SAMUEL 1:20

Gath khua chun gendok kiu inla, Ashkelon khawpi kotzingte chunle puangjak kiu in; achutiloleh, Philistin chanute chu, kipak talua khan tin uh, zektanlote chanute chu lim talua kha’n au.

2 SAMUEL 6:14

David chu Lalpa ma-âng ah chun a theitawp in a lâm ta’n; David chu thiampu puanâk ah kithuam ahi.

2 KHANGTHU 5:13

Pengkul mutte leh La sate mawpuakna chu: Lalpa pâkna leh kipak thugenna ding ah a thil githeiteu chu pakhat git gual ah hiat thei ding ah tumgit ahi, pengkul leh vai khutbette leh thil tumgit thei zosia tawh a awu hun sua in: “Ama a phat ziakin, a ngilneina chunle kumtuang a dai hi,” a tiu a; Ziaphatchun, Lalpa lopina sûmpi chun In chu a hun lua dim tai.

SAM 76:6

Aw Jakob Pathian, la vauna ziakin sakol leh, a chungchuang mite chu a tawimaw zo tau hi.

PAWTDAWNA THU 15:1

Ziaphatchun, Mosi leh Israelte chun Lalpa pâk in zia La hi a hun sa tau a: Lalpa pakna’n La sa’ng ka tin, lopi tak in gual ei zawsak ta’ngal a: sakol leh a chung ah chuangte chu, Tuipi sung in a pai lut tai.

PAWTDAWNA THU 15:4

Pharaoh kângtalaite leh a sepaite chu, Tuipi sung in a pai lut ah; a sepai doichuam hotute chule, Tuipi San in a tum tau hi.

THUPUAN 14:3

Ziate chun, lalchutpha leh thilhing palite leh upate ma ah chun La thak a sau a. Lei ah kipat tatdaw tâk mi nuai khat sîng li leh sang li te longal kuama’n zia La chu a hethei puau hi.

THUPUAN 15:3

Pathian suak Mosi La leh Belamno La chu a sau a: “Bangkim Hi’thei Lalpa Pathian, la thilhite chu a mak in a lopi hi; nang kumtuang Lal, la lampite chu a fel in a dik hi.

THUPUAN 5:9

La thak a hun sau a: “Nang, Lekhabu chu la ah, a teptênate tham ding ah ting pen chu la hi; tha inla um ah, chitin, namtin, pautin leh mipite lak ah chun, la thisan inla tandok a, Pathian kiang la tut ta’n;

VAIHAWMTE 5:3

Aw, nanghaw lengte haw, aw leng chate haw ngai un: Lalpa pâkna La sa’ng ka tin, Lalpa, Israel Pathian choihoina Lâ chu sa’ng ka.

1 SAMUEL 18:6

Philistin mipa that zo ah David In lam ah a hung kile’kit phat ah chun, Israelte khua zosia ah kipat numeite chu, lengpa Saul lamtua dingin, dakkhutbette, thilgitheite tawh lim tak in La sa kawm ah lâm in a hung pawtdok tau a.

1 SAMUEL 18:7

Chun, numeite chun a lopna’n zia gual hin La a kidawngtua in a sau ah: “Saul in a sâng ah sâng in a that in, David in a sîng ah sîng in a that hi,” ti in.