PAWTDAWNA THU 15:20 - PATHIAN LEKHABU THIANGTHO (BSI)

²⁰ Ziaphatchun, jawlneinu Miriam, Aron suapinu chun khuangneu a la’, numei zosia chun khuangneu chawi chiat ah lâm kawm in a hun zui ua:

PAWTDAWNA THU 15:20 ပူးပေါင်းရင်းမြစ်များ

THILSIAM THU 31:27

Bang ziak ah a gûk ah tai mang ah, a gûk ah ei nusia, kipaknate, Lâte, khuangneute leh tingtangte tawh ka thâk theina ding ah ei gen masa lo hial la hem?

2 SAMUEL 1:20

Gath khua chun gendok kiu inla, Ashkelon khawpi kotzingte chunle puangjak kiu in; achutiloleh, Philistin chanute chu, kipak talua khan tin uh, zektanlote chanute chu lim talua kha’n au.

2 SAMUEL 6:14

David chu Lalpa ma-âng ah chun a theitawp in a lâm ta’n; David chu thiampu puanâk ah kithuam ahi.

2 SAMUEL 6:16

Lalpa thuthung thingkuang chu David khawpi a hun puak tung phat un, Saul chanu Mikhal in tukvan ah kipat chun Lalpa ma-âng ah Lengpa David lâm ah kichawm chawm chu a vak mu phât in, a lungthim in a jachatpi tai.

2 SAMUEL 6:5

David tawh Israel Inkuante zosia chu Lalpa ma-âng ah chun a theitawp uh sua ah La sa kawm in, mût-ham, pêkgit, khetgitthei zosia tawh vaikhutbet tawh thua in a lâm malam pek ui.

2 LENGTE 22:14

Tichun, thiampu Hilkiah tawh, Ahikam tawh, Akhbor tawh, Shapham tawh, Asahiah tawh, puan koikhawmna vengpa, Harhas tupa Tikvah chapa Shallum ji jawlneinu Huldah kiang ah chun a vachiau ah; amanu chu Jerusalem ah zilna mun ah um ahi’n; tichun, amanu chu tawh a vaholim tau a.

1 KHANGTHU 15:16

David in Levite lak ah hotute kiang ah chun, amau Inkuan lak ah kipat thilgithei gi tawh thua ah La sa dingte, khuangneu tawh, mût-ham thei chitin thua ah, a ngai thei pen ah kipakna La sa ding leh kiko ding mi guat lawk dinginle thu a pia’i.

1 KHANGTHU 6:3

Amram chate chu: Aron, Mosi leh Miriam a hiu a. Aron chate chu: Nadab, Abihu, Eleazar leh Ithamar a hiu.

NEHEMIAH 6:14

Aw ka Pathian, Tobiah leh Sanballat te hin a thilbawl dan zosiau hi hezing inla; chuleh, jawlneinu Noadiah leh jawlnei dangte, ei suklau gua kipei zosia hi hezing in.

SAM 149:3

Lâm pum in a min pâk uh hen la, khuangneu tawh tingtang in ama pâk in La sa tau hen!

SAM 150:4

Khuangneu tawh lâm kawm in pâk unla, tumgit leh mût git theite mang in pâk tau in!

SAM 30:11

Ka pûldona chu lim ah lâmna la chansak ta’n, ka saidip puan sil ei lipthâk piak in, kipakna’n lei thuam ta ahi;

SAM 68:11

Lalpa‘n thu khau tak in a pia, chanchin pawte chu pawl lian tak a hiu a:

SAM 68:25

La sa pawlte’n ma a pui un, a nunung in thilgit tumte, a lai un nungak khuangneu bêngte a um un:

SAM 68:26

“Kikhopnate ah chun Pathian pâk unla, Lalpa, nangma Israelte tuinâk ngei chu la hi!”.

SAM 81:2

Pâkna La sau inla, khuangneute, pekkhuang ngainop umte leh, tingtangte’n ama chawihoi un.

PAWTDAWNA THU 2:4

A u nu chun bang a hung ti em ti he ding in gâl kâng deu in a entha zing a.

THUGENTU 3:4

kâ hun a um ah, nui hun a um hi; lusûn hun a um ah, lâm hun a um hi;

JEREMIAH 31:4

Aw, nungak thiangtho Israel, hun tungding kit ing ka tin, tundin kit hung hita’n la! Tichun, la khuang neute chu pan inla, kipakna siam ah lâmte lak ah pang dingin kipandok in.

MIKAH 6:4

Aigupta gam ah kipat in ka hun puidok la hi’ngal un, suak la hi’nau ah kipat ka hun tatdok la hiu; a hun pui dingin, Mosi, Aron leh Miriam ka hun sawl ta kha.

KISIMNA LEKHABU 12:1

Chun, Hazeroth mun ah a um lai un, Miriam tawh Aron in Mosi’n Kush numei khat ji’ a nei ziakin a gensia tau a (ama’n Kush numei chu ji’n a la nei tak tak ahi ngâl a;)

KISIMNA LEKHABU 12:2

zia gual hin a gen tau a: “Lalpa chun Mosi kiang bep ah maw thu a gen? Lalpa‘n bang ding ah ei uh kiang ah le thu gen lo a hem?” a tiu a. Lalpa‘n zia chu a la he ta’n.

KISIMNA LEKHABU 20:1

Israel mipi zosia chu tha masa pen sung in Zin gamthip a hung tung un; mipite chu Kadesh mun ah chun a kichawl tau a. Zia tak ah chun Miriam a thi, a vui tau a.

KISIMNA LEKHABU 26:59

Amram ji min chu Levi chanu Jokebed ahi; Aigupta gam ah Levite Inkuan ah piang ahi; Amram ah kipat in Aron, Mosi tawh a suapinuu Miriam a piang ui.

LUKA 2:36

Zia tak ah chun jawlnei numei pakhat, Asher nam ah mi, Phanuel chanu, Anna kiti chule a um ah; a kichen nung ua a pawsal tawh kum sagi a la um khawm ta; a kumle tam tawk ta,

NASEPTE 21:9

Ama chun chanu pawsal neilo, thu genlawk theina nei pali a nei a.

1 KORINTH 11:5

Ahi’n la, numei a luchang khu’lo ah pauchap leh thugen chun, a luchang a himualpho ah, a luchang mêtkol tawh kibang ahi.

1 KORINTH 14:34

biak In ah chun numeite chu thip hiat hiat uh hen. Thu a gen uh phal ahi pua’n, dan thu’n le a gen gual in kingainiam zaw tau hen.

VAIHAWMTE 11:34

Ziaphatchun, Jephthah chu Mizpah khua a In a hung tung ta’n; a chanu chu khuangneu tawh lâm kawm in a pa dawn dingin a hung pawt ta’n. Ama chu a chanu nei sun ahi’n; ama tilo cha dang le a nei diak puai.

VAIHAWMTE 21:21

a la ngâk zing un; Shiloh khua nungakte chu lâmna mun ah a lâm ding ah a hung pawtdok phat ua leh, grep huante ah kipat hung pawt unla, mi zosia’n Shiloh nungakte chu la ji ding un kimat chiat in, Benjaminte gam lam in kipui mang ziang un.

VAIHAWMTE 4:4

Zia hun ah chun Lapidoth ji Deborah kiti, numei jawlnei chu Israelte lak ah vaihawm in a pang a.

1 SAMUEL 10:5

Ziazaw chuleh, Philistinte kikulna Gibeath-elohim hung tung in la tin; zia khawpi chu la lut phat leh jawlnei hon khat, pekkhuangte, khuangneute, lilute leh tingtangte tum ah, thoimual ah kipat hung suk tawh kituak in la tin; amau chu thagau a la chang intin uh.

1 SAMUEL 18:6

Philistin mipa that zo ah David In lam ah a hung kile’kit phat ah chun, Israelte khua zosia ah kipat numeite chu, lengpa Saul lamtua dingin, dakkhutbette, thilgitheite tawh lim tak in La sa kawm ah lâm in a hung pawtdok tau a.