PAWTDAWNA THU 15:2 - PATHIAN LEKHABU THIANGTHO (BSI)

² Lalpa chu ka hatna leh ka thâ ahi, ama chu ka hukdamna a hung hi tai: Zia hi ka Pathian ahi, ama pakcha’ng ka, ka pa Pathian, ama chu chawisâng ing ka.

PAWTDAWNA THU 15:2 ပူးပေါင်းရင်းမြစ်များ

THILSIAM THU 17:7

Kei leh nang leh la suante suan sawn sawnte tiang inle ka thuthung, nang â ding leh la nung ah la suante â dingin a Pathian uh hiding in kumkhua thuthung dingin hi’det ding ka hi.

THILSIAM THU 49:18

Aw Lalpa, la hukdamna chu ka ngâk zing hi.

2 SAMUEL 22:3

ka Pathian, ka suangpi leh ka kisêlna ahi’n, ka phaw leh ka hukdamna kî, ka kuldet leh ka kisêlna, ka hukdampa ahi; nang in thagum suate lak ah kipat in lei hukdok tai.

2 SAMUEL 22:47

Lalpa chu a hing hi! Ka suangpi chu pâk in um hen la; ka hukdamna suangpi leh ka Pathian chu, choisân in um hen;

2 SAMUEL 22:51

A lengpa â dingin ama chu, hukdamna Insâng ahi’n, David leh a suante, a sathaunu’te chung ah chun, kumtuang in ngilneina a latsak tai.

2 SAMUEL 7:24

Chun, la mipi Israelte hi kumtuang ah nang â a hi’theina ding un nang in la sudet ta’n; tichun, aw Lalpa, nangma chu a Pathian uh la hung hi tai.

2 SAMUEL 7:5

“Chia inla, ka suak David kiang in, Lalpa‘n zia gual hin a gen hi va ti’n: Ka chênna ding In chu maw nang in la sak ding?

1 LENGTE 8:13

Keima’n la In ding sang tak in ka sak piak ta’n, kumtuang ah la chênna ding mun chu ahi,” ti in.

1 LENGTE 8:27

Himaleh, Pathian chu leichung ah hin chêng tak tak ding la hem? Van leh van sang pen inle a hun dawl pua’n, zia ka In sak diak diak hin hun dawl pua’n a!

1 KHANGTHU 16:14

Ama chu Lalpa I Pathian uh ahi’n, khawvel zosia ah vaihawmpa chu ahi.

SAM 109:1

Aw ka chawihoi zing Pathian, thip dil del in um ziang kin.

SAM 118:14

Lalpa chu ka hatna leh ka tha ahi’n; ka hukhingpa a hung hi tai.

SAM 118:21

Ka pauchapna lei lawtin ziak leh, ka hukdampa la hung hi tâk ziakin, kipak thu ka hun gen hi.

SAM 118:28

Nang ka Pathian la hi, la kiang in kipak thu hun gen ing ka; nang ka Pathian la hi, hun chawisâng ing ka.

SAM 132:5

Lalpa â ding ah mun ka hawldaw masia, Jakob Pathian Hat chênna ding mun ngei chu,” a ti’n.

SAM 140:7

Aw Lalpa, ka Lalpa, ei hukhingpa hat, kido hun in ka luchang la liakhu tai.

SAM 145:1

Ka Pathian leh lengpa, nangma hun chawisâng in, la min kumtuang in pâk ing ka.

SAM 18:46

Lalpa chu a hing zing hi! Ka Suangpi chu pâk in um hen la; ka hukdamna Pathian chu chawihoi in um hen la,

SAM 22:10

Ka pian ah kipat in, la chung ah ngak ka la hita’n, ka nu’n ei hi’n ah kipat khan, nang chu ka Pathian la hi tai.

SAM 22:3

Ahi’n, nang vang la thiangtho ah, Israelte pakchatna mun ah chawisa’n la hi.

SAM 27:1

Lalpa chu ka vâk leh ei hukhingpa ahi’n; kua a hem ka lau ding? Lalpa chu ka bitna kulpi ahi; kua a hem ka lau ding?

SAM 28:8

Lalpa chu a mite â dingin a hatnau ahi’n; a sathaunu’ â ding ah hukhinna kulpi ahi.

SAM 30:1

Aw Lalpa, nang in lei choisa’n ziak leh, ei do-te ka chung ah la kipaksak lo ziak hin, hun chawisâng ing ka.

SAM 34:3

Aw, Lalpa ei choihoipiu inla, a min chawihoi khawm hitiu.

SAM 48:14

zia hi I Pathian uh, kumtuang, kuamtuang ah I Pathian uh chu ahi. Ama kumtuang ah ei puipa ding chu ahi, ti la hilsawn theina ding un.

SAM 59:17

Aw ka hatna, nangma pâk in La sâng ka tin; nangma ka Pathian leh ka kulpi sâng, ka chung ah ngilnei Pathian chu la hi.

SAM 68:20

I Pathian uh hi hukhinna Pathian ahi; thi’na kipat hukhinna chu Lalpa, I Pathian uh â ahi.

SAM 99:5

Lalpa I Pathian uh pâk unla, a kengbul ah chun chibai bûk un. Ama chu a thiangtho hi!

SAM 99:9

Lalpa I Pathian uh chawihoi unla, a tâng thiangtho ah chun chibai bûk tau in; Lalpa I Pathian uh a thiangtho ngal a.

PAWTDAWNA THU 14:13

Himaleh, Mosi’n mipite kiang ah chun, “Lau lo in ding det un, tu’ni a hun etsak ding Lalpa hukhinna chu en mai un; tu’ni la muu Aigupta mite hi bangmatik in mu kit talo ding la hi’ngal un;

PAWTDAWNA THU 3:6

Ama chun a gen zom pek ah, “Keima hi la pa Abraham Pathian, Isak Pathian leh Jakob Pathian chu ka hi,” a tia. Mosi’n Pathian a et ngam lo ziakin a mai chu a sêl tai.

PAWTDAWNA THU 4:22

Ziaphat chuleh, Pharaoh kiang in, Lalpa chun: ‘Israel hi ka chapa upa pen chu ahi:

PAWTDAWNA THU 40:34

Ziazaw chun, kikhopna biakbûk chu sûmpi’n a hun khû ta’n; tichun, Lalpa lopina chun biakbûk chu a hun lua dim tai.

PAWTDAWNA THU 6:7

Chuleh, nang uh ka mipite hi dingin hung kilâk ing ka tin, keile la Pathian uh hi’ng ka tin; tichun, Aigupta puakgik ah kipat hun puidok kha Kei Lalpa la Pathian uh ka hi, ti hun he ta’n lau.

ISAI 12:2

Ngaitia, Pathian chu ka hukdamna ahi; ama ah kinga’ng ka tin, lau pua’ng ka; Lalpa Pathian chu ka hâtna leh ka La ahi’n, ka hukdamna a hung hi tai.

ISAI 25:1

Aw Lalpa, nang chu ka Pathian la hi; la kumtuang lemguatna ginum leh thutak in la tuansua ah, thil lamdang tak la bawl ziakin, la min pâk in, hun chawihoi ing ka.

ISAI 45:17

Israelte chu kumtuang hukdamna’n, Lalpa chun a hukdam tai; kumkhua’n mualpho’na leh, buaina’n tâkbuak ta pua’n au.

ISAI 49:6

Israelte lak ah a suakcha sunte tundin kit ah, Jakob namte photdin kitna ding ah, ka suak ah la pan hi thil bailam ahi puai; kawlkil tiang ah mite kiang chan ah, ka hukdamna a tun theina dingin, namtin salvâk dingin hun siam ding ka hi.

ISAI 66:1

Lalpa‘n zia gual hin a gen hi: Van chu ka lalchutpha ahi’n, lei tual hi ka keng ngakna ahi; kei â ding ah khoi tak ah In ei sak piak ding la hiu ah, ka chawldamna ding mun chule khoi tak hiding a hem?

JEREMIAH 3:23

Mual leh tâng chung ah kithoi kibawlnate chu, kithepna mai mai ahi ti ka hechian tai. Israel hukdamna chu Lalpa I Pathian bep un, a um takzet hi.

JEREMIAH 31:33

Himaleh, ziazaw nung lam ah, Israel Inkuante kiang ah ka thutiam siam ding chu zia hi hi’n a, Lalpa‘n a tii: A lunggil sung un ka dan koi ing ka tin, a lungchang un zikdaw piak ing ka; chuleh, a Pathian uh hi’ng ka tin, amau chule ka mipite hung hita’n au.

JEREMIAH 32:38

Amau chu ka mite hung hi’n, keile a Pathian uh hung hita’ng ka.

HABAKKUK 3:13

La mite hukdok dingin la hung pawtdok ah, la sathaunu’ ngei hukdok dingin. Migilo Inkuan luchang chu la khet gawp piak ta’n, a suangphûm ah kipat a Inchung tiang un la hawkdaw piak tai. (Selah)

ZEKARIAH 13:9

Chuleh, a mun thumnate chu mei lak ah sep lut ing ka tin, dangka thik hâl thiantho gual in hâl thiangtho ta’ng ka. Ka min hun lam ta’n tiu in, ke’nle dawnhu ta’ng ka. “Amau chu ka mite a hiu,” ti’ng ka tin; amau inle, “Lalpa chu ka Pathian uh ahi,” ti ta’n au.

LUKA 1:77

a mite chu a gitlonau ngaidam ah, hukdamna chu hiatsak dingin.

LUKA 2:30

la hukdamna chu ka mit ngei in ka mu tak ziakin;

JOHAN 4:22

Nang un la hetlopiu la ho sek un; kei un vang ka biak uh chu ka hiau ahi; Judate lak ah kipat hukdamna chu hung pawt ding ahi ngal a.

JOHAN 5:23

Ziaziakchun, mi zosia’n Pa a ja gual un, Chapa le a ja diu ahi. Kuale, Chapa jalote chu, Pa, ama hun sawlpa jalo a hiu.

NASEPTE 4:12

Midang kuama kiang in hukdamna a um puai, van nuai mihing minsak lak ah ei hukdam thei ding min dang piak in a um pawngal a,” a ti’n.

2 KORINTH 5:19

Pathian in Khrista ah chun khawvel hi ama tawh kicham in a siam ah, a hi’khelnateu chu amau kãl ah guat lo in, kichamna nasepna ei vopsak tai.

EPHESA 2:22

Nanghaw le ama ah chun, Thagau ah Pathian chênna mun ding ah lepkhawm la hitau hi.

DAN LEKHABU 10:21

Ama chu pakchau in; la mit muu ah thil kidang leh tizat um tak tak te a la bawlpa, la Pathian uh ahi ngâl a.

PHILIPPI 2:11

leh Lei zosia’n Pa Pathian lopina ding ah, Jesu Khrista chu Lalpa ahi, ti a puanna ding un.

PHILIPPI 4:13

Ei hi’hatpa Khrista jal ah chun bangkim bawlthei ka hi.

KOLOSSA 2:9

Ama ah chun Pathian bukimna zosia chu taksa nei in a um zing ngal a.

THUPUAN 15:3

Pathian suak Mosi La leh Belamno La chu a sau a: “Bangkim Hi’thei Lalpa Pathian, la thilhite chu a mak in a lopi hi; nang kumtuang Lal, la lampite chu a fel in a dik hi.

THUPUAN 19:1

Ziazaw chun, mipi tam tak aw gi van ah kipat in ka he: “Halleluijah, hukdamnate, lopinate, choihoinate, leh thilhitheinate chu I Pathian â ahi.

VAIHAWMTE 5:21

Kishon tuikhang in amau a tok mang in, tuikhang hung luang suk, Kishon tuikhang ngei chu. Aw ka hinna, hat tak in chia pek in!