PAWTDAWNA THU 15:11 - PATHIAN LEKHABU THIANGTHO (BSI)

¹¹ “Aw Lalpa, kua a hem pathiante lak ah, nang tawh te’thei ding? Kua a hem nangma gual ah thianthona ah lopi, choihoina lam ah lau um leh, thilmakte bawl?

PAWTDAWNA THU 15:11 ပူးပေါင်းရင်းမြစ်များ

2 SAMUEL 7:22

Ziaziakchun, Aw Lalpa Pathian, nang chu la lopi hi; ka bil ua ka het dungzui un, nangma tawhbang kuama a um pua’n, nangma lo’ngal Pathian dang him him a um puai.

1 LENGTE 8:23

Zia gual hin a gen a: “Aw Lalpa, Israel Pathian, nang tawh bang Pathian chung lam van ah ahiloleh nuai lam lei ah a um puai, lunggil zosia tawh la ma ah um, la suakte â dingin thuthung leh hepina det tak la vop zing hi;

1 KHANGTHU 16:25

Lalpa chu a lopi ma ma ziakin, nasa tak ah pakchat ding ahi’n; pathian dang zosiate sâng ah ja zawk ding ahi.

2 KHANGTHU 2:5

Ka Pathian uh hi pathian dang zosia sâng ah chungnung zaw ahi gual ma in, a In ding ah ka sak ding chule thupi tak hi ding ahi.

2 KHANGTHU 6:14

Aw Lalpa, Israelte Pathian! Lei leh van ah nangma gual Pathian dang him him a um pua’n, a lungthim zosiau ah nangma hun zui la suakte chung ah hin, la thuthung supiting in la hepi sek a;

SAM 113:5

Chung lam lalchutpha kichu, Lalpa I Pathian gual chu kua a hia,

SAM 119:120

Ka taksa hi nangma lau in a kithing in, la vaihawmnate chu ka lau hi.

SAM 136:4

Ama bep thilmak bawlpa kiang ah chun, a ngilneina chu kumkhua’n um ding ahi ngal a;

SAM 145:17

Lalpa chu a tawidan zosia’n a dik a, a thilbawl zosia ah mi lungsiat thei tak ahi.

SAM 22:23

Lalpa ki’chate haw, ama chu pâk un! Jakob suan zosiate haw, ama chu chawihoi un! Israel suan zosiate haw, ama ja tak in ho tau in!

SAM 35:10

Ka gu leh châng zosia hin: “Aw Lalpa, nang in migenthei chu, a la’n zaw guallote lak ah kipat in la hukdok in, genthei leh tasamte amau hi’gampa lak ah hukhingpa, nangma gual kua a hem um ngai,” hun ti’n au.

SAM 60:2

Nang in gam hi la hotlîng in la puai hong ah; a kihaw lumletna kêkte chu la châlmat kit sek hi.

SAM 66:5

Hung unla, Pathian thil bawlte hi hung en ma tiam un: mihingte chung ah a thilbawl hi a huaisia ngal a.

SAM 77:11

Lalpa, la thilbawlte ngaitua zing ing ka tin; nidang lai ah la thilmak bawlte kha hezing ing ka.

SAM 77:14

Nang chu thil lamdang tak, bawl sek Pathian chu la hi’n; namtin lak ah la hât dan la lat sak sek hi.

SAM 77:19

La lampi’n tuisuagiat a haw theng in; la lamlian in tuisuagiat a hawtheng hi; ahi’n, la kengnung chu mu thei ahi puai.

SAM 86:10

Nang la lopi in, thilmakte la bawl sek hi; nangma bep Pathian la hi.

SAM 86:8

Aw Lalpa, pathian dangte lak ah, nangma gual a um pua’n, la thilbawlte gual bawlthei le a um puau hi.

SAM 89:18

Ka phawu hi Lalpa â ahi’n, ka lengpau hi Israel Mithiangtho â ahi.

SAM 90:11

La lungnatna thil hi’thei zia he’, la lau um gual tak ah la lungnatna nasat dan hi, kua a hem ngaitua sek?

PAWTDAWNA THU 18:11

Tu’hin, Lalpa chu pathian dang zosia sâng in a lianzawi ti ka he tai; a chung ua nunsia tak ah thu a nei khum zing lai un, a mipite chu Aigupta mite khut ah kipat in a hukdok ta’ngal in,” a tia.

PAWTDAWNA THU 20:3

Keima tilo Pathian dang him him la nei lo diu ahi.

PAWTDAWNA THU 3:20

Tichun, ka khut hun tha’ng ka tin, thilmak tak tak a gam sung ah ka bawl dingte mang in, Aigupta soisa ding ka hi; ziazaw phat chuleh, hun pawtsak bep ding ahi.

PAWTDAWNA THU 8:10

Ama chun, “Jing leh,” a tia. Mosi’n, “La ti gual ah chun hi hen: tichun, Lalpa ka Pathian uh tawhbang hi a um puai ti la hiattheina dingin.

PAWTDAWNA THU 8:6

Tichun, Aron in a khut chu Aigupta gam ah tuite chung in a vak jak ah; ukêngte chu a hung pawt un, Aigupta gam chu a tuam suak ziang tai.

PAWTDAWNA THU 9:14

Tu’chung ah ka hun gawtna ding hi nangma leh la miliante leh la mipite zosia chung ah tunsak ding ka hi; chutichun, keima gual hi lei chung zosia ah hin a dang umlo ahi ti la hettheina dingin.

ISAI 30:11

zia lampi chu nusiau inla, lampi chu pet mangsan tau in; Israel Mi Thiangthopa chu ka ngai nuam ta puau hi,” tiu in.

ISAI 40:18

Pathian chu kua tawh la te’ a, ahiloleh, bang lim tawh a kipua em?

ISAI 40:25

Kua tawh lei têpi diam uh? Kua a hem ka kibatpi? Mi Thiangthopa chun a tii.

ISAI 46:9

nidang lai ah thiltung te kha hezing un; Keima hi Pathian chu ka hi’n, kuama dang a um paw’ngal a. Keima hi Pathian ka hi, keima tawhbang kuama dang a um puai.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

ISAI 6:3

Zia gual hin a kidawngtua in a kiko ua: “Sepai honte Lalpa chu: A thiangtho hi, a thiangtho hi, a thiangtho hi; a lopina’n lei pumpi a lua dim hi,” ti in.

JEREMIAH 10:16

Jakob chanvo Lalpa chu, zia gual mai mai chu ahi puai Ama chu bangkim guanggalpa ahi ngal ah; Israel nam hi a gochan ahi’n, sepai honte Lalpa kiti chu a min ahi.

JEREMIAH 49:19

Jordan lui gâl nângbuk lak ah, sakeibaknei hung pawtdok in gantatna mun a hun zot gual in, Edomte chu phutlo halo in hun delmang ing ka tin; a chung ua vaihawm ding ah ka doitêl taphot hun guat ding ka hi. Kei tawhbang kua a hem um? Kua a hem ei ko ngam? Kua belampu a hem ei lang ngam um?

THIAMPUTE LEKHABU 19:2

Israelte kiang in zia gual hin gen in, a tia: La thiantho ding uh ahi, Keima Lalpa la Pathian uh ka thiangtho ngâl in;

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

LUKA 12:5

la lau ding uh chu ka hun hil masa ahi: A hun thalup nung ah le gawtmun ah hun pai lut thei nalai chu la lau diu ahi.

DAN LEKHABU 1:30

Lalpa la Pathian nang uh hun puipa chun, Aigupta gam ah la mitmuu ah thil a hun bawl piak gual tho ah khan, la gâlteu chu hun do piak ding ahi;

DAN LEKHABU 3:24

“Aw Lalpa Pathian, la suak hi la lopi dan leh la hât dan lei musak pan ta’ngâl ah; nangma thilbawl gual leh la thilbawl nasa takte gual ah bawlthei pathian dang him him lei leh van ah a um puai!

DAN LEKHABU 33:26

Aw Jeshurun, nang hung panpi ding ah, vante ah chuang in, chung lam vandum khêl ah, lopi tak ah um Pathian tawh bang dang a um puai.

DAN LEKHABU 4:34

Ahiloleh, nam dangte lak ah patepnate, teptênate, thilmakte, kidona ah a khut thahât takte bânjak ah, tizat um tak ah Aiguptate khut ah kipat Lalpa la Pathian un la mit mu ngei ua, ama â ding bîk ah a hun kipui daw gual ah hin, Pathian dang, zia gual bawlthei leh bawl kha hi la he’kha ngai him him awm?

THUPUAN 13:4

Zia sahâng thilhitheina pepa dragon chu a ho tau a. “Zia sahâng gual hi kua dang a um em? Ama do thei dingle kua dang um ding a hem?” ti’n sahâng chule a ho tau hi.

THUPUAN 15:4

Aw Lalpa, kua a hem nang lau lo ah, la min chawihoi lo ding um? Nang bep chu thiangtho la hi’n, nam zosia hung intiu in, la ma’n hung bokkhup ding a hiu, la dikna nasepte chu a kilat tâk ziakin,” ti in.

THUPUAN 4:8

Chuleh, zia thilhing palite chun thâ paguk chiat a nei ua; a kîmvêl leh a sung lam uh chu mit a dim a hiu. Amau haw chun sun leh jan chawl lo in zia La hi a sau ah: “Lalpa Pathian Bangkim Hi’thei, um tasa leh um lai tak leh hung um ding chu, A thiangtho hi, a thiangtho hi, a thiangtho hi,” a tiu a.

1 SAMUEL 2:2

Lalpa gual ah mithiangtho dang a um puai, nangma tilo ngâl chu; I Pathian uh tilo ngâl Suangpi dang a um puai.