PAWTDAWNA THU 15:10 - PATHIAN LEKHABU THIANGTHO (BSI)

¹⁰ La hui in la mûtsak ah, Tuipi chun amau a chup mang ta’n; Tuipi nasa tak ah chun, ngêntum gual in a tum mang tau hi.

PAWTDAWNA THU 15:10 ပူးပေါင်းရင်းမြစ်များ

THILSIAM THU 8:1

Pathian in Noah leh long sung ah a kiang ah ganhing zosia leh gancha um zosiate chu a hezing ah. Tichun, Pathian in lei chung lam ah hin hui a nunsak ah; chun, tui chu a hung kiam pan ta’n;

2 SAMUEL 18:8

Kido’na chun gam sung pumpi chu a lua ziang ta’n; chuleh, zia ni chun chemjam ah thi sâng in gamman ziak ah thi a tam zaw hial ui.

NEHEMIAH 9:11

Chuleh, lei hul ah a gâl kâi theina ding un, a ma-âng un Tuipi San chu la la khên tan a; himaleh, amau delzuite chu suangtum, tuili lai ah kikhelut gual in, tuili sung in la sep lut tai.

SAM 135:7

Ama’n kawlmong ah kipat in sûmte a chiatosak sek in; kawlphete gua â dingin a siam in, a koikhawmna mun ah kipat in, hui a hun nun dawsak sek hi.

SAM 147:18

Thu a pia hen, vûk chu a tuitha tai; a huizang a hânsak ah, tuite chu a luansak hi.

PAWTDAWNA THU 14:21

Ziaphatchun, Mosi’n a khut Tuipi chung in a vak jak ah. Lalpa’n jankhua’n sualam hui hat tak a hân sak ah, Tuipi chu a le’luansak ah; Tuipi chu lei hul a suaksak ah; chun, tuite chu a kikhensak tai.

PAWTDAWNA THU 15:5

Tui kinawk in amau a chupmang ta’n; suangtum gual in tui nuai ah chun a tum tau hi.

THUPILTE 30:4

Kua a hem van ah kaldok ah hung kumtha kit chu? Kua a hem a khutpêk sung ah hui kichoi thei chu? Kua a hem puan ah tui chûn thei? Kua a hem lei chung kawlkil zosia phu det? Ama chu kua a hia, a chapa min le bang a hem? Nang in la he ma ma hi!

ISAI 11:15

Aiguptate tuisuagiat likawi chu, Lalpa‘n susia dim dem intin; thil kânggawp thei khop ah huilum chun, Luilian chu a kât gawpsak theina dingin, a khut hun lâm ta’n a; tichun, luicha sagi ah khenjak in, keng ah pal kâi thei hun sua ta’n a.

JEREMIAH 10:13

A aw a sua phat leh, van ah tuite a phul bul bul sek in, kawlmong langkhat lam ah kipat in, tuihu a lên dawsak sek hi. Gaw zukna dingin kawl a phet sak ah, hui chu a khol khawmna kipat in, a nun dawsak sek hi.

JEREMIAH 46:17

Aigupta Lengpa Pharaoh chu a min dingin, “Mi husia, A Hun pha Mangkhialpa,” ti’n ko un.

AMOS 4:13

Ngai in, tângte hun siam ah, huite siam ah, mihingte kiang ah a ngaituanate hiatsak ah, jingkal chu khawthim suaksak a, lei munsângte chuanden pa, a min Lalpa, sepai honte Pathian chu ahi ngal a!

MATTHAI 8:27

Mite chun lamdang a sa ma mau a, “Zia pa hi bang gual mi a hem, thigawpi leh tui nasan in a thu a mat ziang uh hi?” a tiu a.

DAN LEKHABU 11:4

Aigupta sepaite leh a sakolte leh a kângtalai chung chuangte’n a del zui lai ua, Tuipi San in a chupmang ah, tuilian ah Lalpa‘n a hi’mangthai dante leh;