PAWTDAWNA THU 14:8 - PATHIAN LEKHABU THIANGTHO (BSI)

⁸ Lalpa chun Aigupta Lengpa Pharaoh lungthim chu a hikhau ah, Israelte hangsan tak ah pawtte chu a del zuisak tai.

PAWTDAWNA THU 14:8 ပူးပေါင်းရင်းမြစ်များ

SAM 105:43

Tichun, a mipite chu lim tak in, a têlchuamte chu La sa pum in a puidok hi.

SAM 86:13

Ka chung ah la ngilneina a nasat ziakin, ka hinna Sheol khûkthim pen ah, kipat in la hukhing tai.

PAWTDAWNA THU 10:27

Himaleh, Lalpa chun Pharaoh lungthim chu a hikhau ah; tichun, a mau chu a pawt dawsak nuam diak puai.

PAWTDAWNA THU 13:16

Bân thahat in, Lalpa chun Aigupta gam ah kipat ei puidok hi ti tepte’na dingin, la khut leh la chalkiu in mêlchikna la bawl diu ahi, a tia.

PAWTDAWNA THU 13:18

Tichun, Pathian in Tuipi San lam ah, gamthip lam in a pui kawi tai. Chuleh, Israelte chu Aigupta ah kipat in kigâlging zing in a chia to tau a.

PAWTDAWNA THU 13:9

Lalpa dan chu la kam ah a um zing theina dingin, zia hi nang â ding ah la khut ah tepte’na leh la chalkiu ah hetzingna hi’n a; khut thahât tak in Lalpa chun Aigupta ah kipat a puidaw la hi’ngal un.

PAWTDAWNA THU 14:17

Ziaphat chuleh, Aiguptate lungthim chu hun hikhau ing ka tin, amau chun hun del zui intin uh; chuleh, Pharaoh tawh a sakol kângtalai hotute, a sepai zosiate leh a sakol sepaite zosia chung ah chun keima’n choisânna ka chan theina dingin.

PAWTDAWNA THU 14:4

Keima’n Pharaoh lungthim hun sukhau ing ka tin, amau chun hun delzui intin uh, Pharaoh tawh a sepai zosiate chung ah chun choisa’n in um ding ka hi; tichun, Aigupta mite zosia chun keima hi Lalpa chu ka hi ti a hun hettheina ding un,” a tia. Zia gual chun a bawl tau hi.

PAWTDAWNA THU 14:7

Sakol kângtalai a pha diakte za guk tawh, Aigupta gam ah a sakol kângtalai zosia leh a hotuteu zosia tawh a pui a.

PAWTDAWNA THU 15:9

Mêlma chun, “Del ing ting, delpha têi ka, a gâllâk vanteu chu hawm ing ka tin; a chung ua ka duthusam chu buting in a. Ka chemjam jukdok ing ka tin, ka khut in amau chu sumangthai ing ka,” a tia.

PAWTDAWNA THU 4:21

Lalpa chun Mosi kiang in, “Aigupta gam lam ah la chia kit phat leh thilmak la bawlthei ding ah ka hun piak zosia kha Pharaoh ma-âng in la bawl suak na em ti enpha’n la; ahi’n, a lungthim hi’tâk ding ka hi; tichun, mipite chu pawtsak nuam pua’n a.

PAWTDAWNA THU 6:1

Ziaphatchun, Lalpa chun Mosi kiang in, “Tu’hin Pharaoh chung ah bang bang hun bawl ding ka hem ti hun mu’n la: Keima khut thahât tak ziakin amau chu hun pawt dawsak ding ahi ngal ah; ama chun keima khut thahâtna ziakin a gam sung ah kipat in hun nawdok ding ahi,” a tia.

PAWTDAWNA THU 9:12

Himaleh, Lalpa’n Pharaoh lungthim chu a hikhau ah; tichun, amau thu chu a limsak nuam diak puai, Mosi kiang ah Lalpa’n a gensa gual ah khan.

KÂ LATE 3:65

A lungthim uh beidon sak inla, la sapsiatna a chung un chu ta hen!

THIAMPUTE LEKHABU 26:13

Keima hi Lalpa la Pathian uh, a suak ua um kit talo ding ah Aigupta gam ah kipat hun puidokpa chu ka hi: la ngawngkolteu hi’bong ah, jang tak ah hun chiasak pa chu ka hi.

KISIMNA LEKHABU 33:3

Tha masa pen, a ni sawm leh nga tin ni chun Rameses in a kipandok un; Chiakân Kût zaw jing in, Israelte chu Aiguptate zosia mit mu in hangsan tak in a kipandok tau hi.

NASEPTE 13:17

Zia Israel mipite Pathian chun, I pu leh pateu a la têl in, Aigupta gam ah a la chên lai ua khanle a la chawisâng in, a bân thahât tak ah chun a la puidok a.

DAN LEKHABU 26:8

Lalpa‘n a khut hat tak chu lâm in, a thilhitheina tizat um takte sua in, thilmak leh tepte’na tam tak te bawl in, Aigupta gam ah kipat in ei la puidok ta’n;

DAN LEKHABU 32:27

himaleh, a mêlmateu in simmaw ah, a nuaisia bêk ding ziak un: ‘I gual zo tau hi; zia gual ah thilbawl hi Lalpa ahi puai,’ a ti khâk ding uh ka lau ngâl a.

JOSHUA 11:20

Mosi kiang ah Lalpa‘n thu a la piak gual ah a sukchimit sik sek ah, daidawp lo ah a sukmang dik dek theina dingin Lalpa‘n a lungthim uh sutâk in, Israelte chu a dosak sek ahi ngâl a.

VAIHAWMTE 4:7

keima’n Jabin sepai hotu Sisera chu a kângtalaite tawh a sepai zosia tawh, Kishon guam ah nang hun do sak ding ka hi; ama chu la khut ah hun pia ding ka hi,’ a ti ahi,” ti’n a vagensak tai.