PAWTDAWNA THU 14:4 - PATHIAN LEKHABU THIANGTHO (BSI)

⁴ Keima’n Pharaoh lungthim hun sukhau ing ka tin, amau chun hun delzui intin uh, Pharaoh tawh a sepai zosiate chung ah chun choisa’n in um ding ka hi; tichun, Aigupta mite zosia chun keima hi Lalpa chu ka hi ti a hun hettheina ding un,” a tia. Zia gual chun a bawl tau hi.

PAWTDAWNA THU 14:4 ပူးပေါင်းရင်းမြစ်များ

NEHEMIAH 9:10

Nang in Pharaoh leh a suakte zosia leh, a mipite zosia’n ka pu leh pateu chung ah kiletsak takah a bawl uh thukna’n, tepte’na leh thilmak tam tak la la bawl khawlaw ta’n. Tichun, tu’ni tiang dai dingin la minthanna la koi tai.

PAWTDAWNA THU 10:2

Chuleh, la chate leh la tute tiang in Aiguptate bang gual ah a la soisa ka hem ti leh, a lak ua tepte’na thilmak ka bawlte hi la gen theina ding leh, keima hi Lalpa chu ka hi ti a hettheina ding un,” a tia.

PAWTDAWNA THU 10:27

Himaleh, Lalpa chun Pharaoh lungthim chu a hikhau ah; tichun, a mau chu a pawt dawsak nuam diak puai.

PAWTDAWNA THU 12:28

Israel upate chu a chiau ah, Lalpa chun Mosi tawh Aron thu a piak dungzui in a vabawl tau hi.

PAWTDAWNA THU 14:23

Aiguptate chun a del zui tau a, Tuipi sung tiang in Pharaoh sakolte, a sakol kângtalai natiang in a nung uh a del lut pek tau a;

PAWTDAWNA THU 14:25

A sakol kângtalai kengteu chu a puaidaw piak ah; tichun, a naw hat thei ta puau a. Ziaphatchun, Aiguptate chun, “Israelte ah kipat hin tai mang mai hitiu, Lalpa amau lam in a pang ah, Aiguptate hi a do piak ahi,” a tiu a.

PAWTDAWNA THU 14:3

Pharaoh chun Israelte chu, ‘Gam sung ah awk den a hitau: Gamthip gam chun amau ah khak khum tai,’ hun ti ding ahi.

PAWTDAWNA THU 14:5

Mipite chu a jamdok tau hi ti Aigupta lengpa a vahil phat un, Pharaoh tawh a miliante lungthim chu zia mipite siatna ding lam chun a lungthim uh heikawi in a um ta’n; tichun, “Israelte’n I nau a sepnau ah kipat hi bangtidan ah I pawtsak ziang uh ahi tam?” a tiu a.

PAWTDAWNA THU 14:8

Lalpa chun Aigupta Lengpa Pharaoh lungthim chu a hikhau ah, Israelte hangsan tak ah pawtte chu a del zuisak tai.

PAWTDAWNA THU 18:11

Tu’hin, Lalpa chu pathian dang zosia sâng in a lianzawi ti ka he tai; a chung ua nunsia tak ah thu a nei khum zing lai un, a mipite chu Aigupta mite khut ah kipat in a hukdok ta’ngal in,” a tia.

PAWTDAWNA THU 6:7

Chuleh, nang uh ka mipite hi dingin hung kilâk ing ka tin, keile la Pathian uh hi’ng ka tin; tichun, Aigupta puakgik ah kipat hun puidok kha Kei Lalpa la Pathian uh ka hi, ti hun he ta’n lau.

PAWTDAWNA THU 7:17

Zia gual hin Lalpa’n a gen hi: Zia hin Lalpa ka hi ti hia’n lau; ka khut ah tiangkhut hin Nail luipi tui chu jep leng thisan suak mai ding ahi.

PAWTDAWNA THU 7:3

Himaleh, Pharaoh lungthim hikhau ing ka tin; tichun, Aigupta gam ah chun ka teptênate leh thilmakte hi’pung ing ka.

PAWTDAWNA THU 7:5

Aigupta gam chung ah ka khut ka hun thâk ah, Israel mipite chu a lak ua kipat ka puidaw phat leh, Aigupta mite chun Lalpa ka hi ti hun he ta’n au,” a tia.

PAWTDAWNA THU 9:16

Himaleh, ka thilhitheina ka hun musak theina ding leh khawvel zosia ah ka min la puanjak theina dingin ka hun hinghoi nalai la hi.

EZEKIEL 20:9

Himaleh, a umnau Aigupta mite zosia het ah amau puidok ding ti ka la kihiatsak tâk ziakin, a mit muu ah ka min gensiat a hilona dingin, a mit mu ngei in amau ka la puidok tai.

EZEKIEL 28:22

Lalpa Pathian in zia gual hin a gen hi: Aw Sidon, ka hun do la hi, la lak un lopina chang ding ka hi. A sung ah vai ka hawm ah, ka thianthona ka tâklat phat leh, Lalpa ka hi ti hun he ta’n au.

EZEKIEL 32:15

Aigupta gam ka hisiat phat leh, a gam sung ah gothil zosia leh, a sung ah chêng zosia ka gawtmang phat leh, ziaphat chuleh, Keima hi Lalpa ka hi ti hun he ta’n au.

EZEKIEL 38:16

sûmpi’n lei chung a khû gual in, ka mipi Israelte do dingin hung kuan in lau. Hun nunung lam leh, ka gam do ding in hun pui ing ka tin, ka thiantho’na a muthei ding ua nang chung ah ka hun hilat phat leh, aw Gog, namtin in Keima ei hun he ta’n au.

EZEKIEL 38:23

Tichun, ka thupi’na leh ka thianthona chu tâklang ing ka tin, namtin mu dingin kitâklang ta’ng ka. Ziaphat chuleh, Keima hi Lalpa ka hi ti he ta’n au.

EZEKIEL 39:13

Gam sung ah mipi zosia’n mithi vui ta’n au; tichun, ka lopina ka etsak phat leh, amau inle ja’na chang ta’n au, Lalpa Pathian in a ti ahi.

THIAMPUTE LEKHABU 10:3

Ziaphatchun, Mosi’n Aron kiang in: “Lalpa‘n a la gen kha zia hi ahi: ‘Keima ei nai tapote kiang ah, thiangtho in kilang ing ka tin; tichun, mi zosiate âng ah chun, choisa’n in um ding ka hi,’ a la ti kha,” a tia. Aron in gen ding he lo in a thip tai.

ROMTE 11:8

Pathian Lekhabu chun: “Pathian in tu’ni tiang in i-mut vuanna thagau a pia’n, muthei lona mitte tawh, hetthei lona bilte tawh,” ti zik gual in.

ROMTE 9:17

Pathian lekha thu chun Pharaoh kiang ah chun, “Nangma ah ka thilhitheina a hung kilat ah, lei chung zosia ka min a hung kitâklat theina dingin, zia thiltup ziak tak ah chun ka hun tundin la hi,” a la ti kit a.

ROMTE 9:18

Ziaziakchun, ja a ngaina ding chung ah chun ja a ngai ah, a nop nople a lung uh a hi’tâk piak sek hi.

JOSHUA 11:20

Mosi kiang ah Lalpa‘n thu a la piak gual ah a sukchimit sik sek ah, daidawp lo ah a sukmang dik dek theina dingin Lalpa‘n a lungthim uh sutâk in, Israelte chu a dosak sek ahi ngâl a.

VAIHAWMTE 4:7

keima’n Jabin sepai hotu Sisera chu a kângtalaite tawh a sepai zosia tawh, Kishon guam ah nang hun do sak ding ka hi; ama chu la khut ah hun pia ding ka hi,’ a ti ahi,” ti’n a vagensak tai.