PAWTDAWNA THU 14:31 - PATHIAN LEKHABU THIANGTHO (BSI)

³¹ Aiguptate do-na a chung ua Lalpa thilbawl lopi tak chu Israelte’n a muu a. Tichun, mipite chun Lalpa chu a lau tau a; chuleh, Lalpa leh a suak Mosi chule a taksang tau hi.

PAWTDAWNA THU 14:31 ပူးပေါင်းရင်းမြစ်များ

2 KHANGTHU 20:20

A jing ah chun ma tak ah tho in Tekoa gamthip lam in a chiauah; a kipatdaw ding phat un Jehoshaphat chu hung dingdok in, zia gual hin a hun gen a: “Aw Judah mipite leh Jerusalem khua chêngte haw, ka thugen hi ngai tiam un! Lalpa la Pathian uh chu ging un; chutileh, phudet in um bep ding la hiu; a jawlneite hile gingcha tau in,” ti’n a gen a.

NEHEMIAH 9:9

Aigupta gam ah ka pu leh pateu genthei dan kha la mu’n; chuleh, Tuipi San pang ah a pauchapnau khale la hia’i.

SAM 119:120

Ka taksa hi nangma lau in a kithing in, la vaihawmnate chu ka lau hi.

PAWTDAWNA THU 19:9

Ziaphatchun, Lalpa chun Mosi kiang in, “Sûmpi sâ tak in la kiang ah hung ding ka hi; tichun, mipite’n la kiang ah ka thugen hi a het ua, nangma chu a hun taksan zawk sêm theina ding un,” a tia. Tichun, Mosi’n mipite thugen chu Lalpa kiang in a tut kit a.

PAWTDAWNA THU 4:31

Mipite chun a taksang ngal tau ah: Lalpa chun Israel mipite a kantha tai ti leh, a gentheinateu le a mu tai ti a het phat un, a bokkhup ua, Pathian chibai a bûk tau hi.

LUKA 8:13

Chuleh, suangteu chung ah kethate chu ziate hi a hiu: Thu a het ua kipak tak ah pom ngal ziang; himaleh, zung him him a nei puau ah, sawt lo sung bep a ging un, thepna a hung um phat leh pûk kit ziang sekte hi a hiu.

JOHAN 11:45

Mari hun zui Judate tam tak haw khan, Jesu thilhite chu a mu phât un, ama chu a hun gingcha tau a.

JOHAN 2:11

Zia a thilmak bawl masak pen hi, Galili gam ah Kana khua a bawl ahi; a lopina chu a hi’lang ah, a nungzuite chunle ama a gingcha tau hi.

NASEPTE 8:13

Zia Simon ngei chunle a hun ging ta’n; baptisma a hun chan phat in, Philip mang ah thilmak kibawlte leh tepte’na kibawlte chu ngaitua kawm in, a kiang ah chun a um zing in, mak a sa thei ma mau a.

HEBRAITE 3:5

A vainung ah gen ding ah hiatsakna dingin Mosi chu Pathian Insung zosia ah nasem ahi’na ah chun a ginum pen hi.

JOSHUA 24:7

Lungkham tak ah Lalpa a hun ko phat un, Aigupta mite tawh la kikâl un thimpi ka ji’nsak ta’n; chuleh, tuisuagiat tuite’n amau chu a chupmang zo ta’n; Aiguptate chung ah ka thilbawl zosia chu la mit un a mu suak kêi ah. Zia nung ah chun, gamthip ah kum sawtpi la hung châm nalai ui.

JOSHUA 4:14

Zia ni chun, Israel mipi zosia mit mu in Lalpa‘n Joshua a chawihoi ta’n; Mosi a lau gual uh khan, a dam sung sia’n ama chule a lau tau a.

JOSHUA 4:24

tichun, lei chung ah nam zosia’n Lalpa bân thahat dan a het ua, nanghaw’n le Lalpa la Pathian uh kumtuang ah la lau zing theina ding un ahi,” ti’n a gen tai.

1 SAMUEL 12:16

Ziaziakchun, tu’hin a la um chiat unla, thil lopi tak Lalpa‘n a hun bawl dingte hi a la en un.

1 SAMUEL 12:18

Tichun, Samuel in Lalpa a ko ta’n; chuleh, Lalpa‘n zia ni chun van-gi leh gawpi a hun zuksak ah; tichun, mipite chun Lalpa leh Samuel chu a lau ma ma tau hi.