PAWTDAWNA THU 14:29 - PATHIAN LEKHABU THIANGTHO (BSI)

²⁹ Himaleh, Israelte chu Tuipi sung ah chun lei hul chung in a chiau ah, tuite chu amau â ding ah changlam leh veilam ah bâng ahi tai.

PAWTDAWNA THU 14:29 ပူးပေါင်းရင်းမြစ်များ

2 LENGTE 2:8

Elijah chun a puan chu a la, a zialtom ah, tui chu a khen a; tui chu a langkhat leh a langkhat gêl in a hung kikhen ah, amau teni chun lei keu chung in a kai phei tau hi.

NEHEMIAH 9:11

Chuleh, lei hul ah a gâl kâi theina ding un, a ma-âng un Tuipi San chu la la khên tan a; himaleh, amau delzuite chu suangtum, tuili lai ah kikhelut gual in, tuili sung in la sep lut tai.

SAM 106:9

Tuipi San chu a vau a, tichun, a kang ta’n; gamkeu ah chia gual in tuipi thûk tak in a pui theng tai.

SAM 136:13

Tuipi San phelni sua’pa kiang ah chun, a ngilneina chu kumkhua’n um ding ahi ngal a;

SAM 78:13

Tuisuagiat khên tan in a chia thensak ta’n; tuite chu bangkhat sia khawm gual in a dinsak hi.

PAWTDAWNA THU 14:22

Israelte chu Tuipi sung ah lei hul ah chun a lut tau ah; chuleh, tuite chu amau â dingin changlam leh veilam in bâng in a pang ta mai hi.

PAWTDAWNA THU 15:19

Pharaoh sakolte chu a sakol kângtalaite tawh, a sakol chungchuang mi sepai honte chu tawh, Tuipi sung ah chun a tai lut zaw phat un, Lalpa’n Tuipi tuite chu amau chung in a luan khumsak tai: himaleh, Israelte chu Tuipi luanna lei hul chung in a chia gâlkâi tau hi.

PAWTDAWNA THU 15:8

La nâk khawn git in tuite kaikhawm in a um un, tuikhang chu bu vum gual in a kitung a; Tuipi lailung ah chun tui thûknate chu, sukdet in a um hi.

ISAI 11:15

Aiguptate tuisuagiat likawi chu, Lalpa‘n susia dim dem intin; thil kânggawp thei khop ah huilum chun, Luilian chu a kât gawpsak theina dingin, a khut hun lâm ta’n a; tichun, luicha sagi ah khenjak in, keng ah pal kâi thei hun sua ta’n a.

ISAI 43:2

Tuili thûk la hawthen tak leh le, hun umpi ing ka tin; luiliante hawtheng lechinle, hun chup pua’n tin; meikuang paltheng ma lechinle, hun kâng diak pua’n tin; meikuang in hun kângtum lo ding ahi.

ISAI 51:10

Nangma hilo maw tuisuagiat leh, tuili thûk takte sukang ah, tuisuagiat lithûk ah le tatsate, chia gâlkâina ding lampi hon piak kha?

ISAI 51:13

Nangma hun Siampa Lalpa chu la hemil ta’n, ama’n vante kaimal in, lei pumpi kingaknate a lem hi. Hi’mangthai ziang ding ah um hita, a hun nuaisiate lungnatna chu lau in, sun nitum in la um ui. Mi nuaisiate lungnatna chu, khoilam tung zo a tam?

1 KORINTH 10:1

Suapite haw, zia hi la hetlo ding uh ka dawi puai, I pu leh pateu kha sûmpi nuai in a um un, a leng un tuipi a kân ui.

JOSHUA 3:16

saklamah kipat tui hung luang suk chu a chawl ta’n, saklam deu tak ah Zarethan kiang ah Adam khawpi kiang ah chun a bêm in a ding ta mai ah; chuleh, Arabah tuipi, Tuipi Thi lam ah luang suk chu a kangtan tai. Tichun, mipite chu Jeriko khua jawn ah chun a gâl kâi tau a.