PAWTDAWNA THU 14:25 - PATHIAN LEKHABU THIANGTHO (BSI)

²⁵ A sakol kângtalai kengteu chu a puaidaw piak ah; tichun, a naw hat thei ta puau a. Ziaphatchun, Aiguptate chun, “Israelte ah kipat hin tai mang mai hitiu, Lalpa amau lam in a pang ah, Aiguptate hi a do piak ahi,” a tiu a.

PAWTDAWNA THU 14:25 ပူးပေါင်းရင်းမြစ်များ

2 KHANGTHU 20:29

Israelte mêlmate zosia Lalpa‘n do piak ahi ti a het ziak un, a kîmvêl ua lenggam zosiate chun Pathian launa a hun nei chiat tau hi.

NEHEMIAH 4:14

Thil umdante chu ka etchian nung in, ka dingdok ah, miliante, vaihawm mite leh mipi zosia kiang ah chun, “Amau lawi chu lau him him kiu in. Lalpa a lopi dan leh a lau um dante chu hezing un; la chanauteu, la chapateu, la chanuteu, la jiteu leh la Inteu hûk dingin gâl chu do un,” ti’n ka gen a.

NEHEMIAH 6:16

Ka mêlmateu zosia’n zia thu chu a het phat un, ka kîmvêl ua namdangte zosia chu a lau ta ma mau ah; ka Pathian un ei panpi’na jal ah zia chu mualsua ka hiu ti ei het ziak un, a mai uh a mual chiat tai.

NEHEMIAH 9:11

Chuleh, lei hul ah a gâl kâi theina ding un, a ma-âng un Tuipi San chu la la khên tan a; himaleh, amau delzuite chu suangtum, tuili lai ah kikhelut gual in, tuili sung in la sep lut tai.

JOB LEKHABU 11:20

Migilo mitte chun vang bangma mu pua’n a; a suachâtna ding lampiu zosia mansua intiu in, thi ding bep chu a kinepnau hita’n a.

JOB LEKHABU 20:24

Thik gâlvan lau in taidok maleu, dâk thik thalpi’n kâpthil tho tho ding ahi.

JOB LEKHABU 27:22

Daidawp lo hial in a sep un; a thilhitheina’ kipat, kin tak in a taidok tau hi.

SAM 35:1

Lalpa, ei kilanpite chu nang in kilanpi inla, ei do-te chu nang in do ta’n.

SAM 46:9

Ama’n kawl kîmvêl tiang in kido’na a hi’thip a; thalpi lawi bong in, cheicha a thiakbong ah; phawte chu mei in a hâl tum hi.

SAM 68:12

“Lengte leh sepaite chu a jamsia tau.” Inngak numeite chu gal lâk a kihawm un,

SAM 76:6

Aw Jakob Pathian, la vauna ziakin sakol leh, a chungchuang mite chu a tawimaw zo tau hi.

PAWTDAWNA THU 14:14

Lalpa’n nang uh â dingin gâl hun do piak intin, thipbek in um hiat hiat mai un,” a tia.

PAWTDAWNA THU 14:18

Chutia, Pharaoh leh a sakol kângtalaite leh a sakol sepaite chung ah choisân ah ka um tak chuleh, keima hi Lalpa chu ka hi ti hun he ta’n au,” a tia.

PAWTDAWNA THU 14:4

Keima’n Pharaoh lungthim hun sukhau ing ka tin, amau chun hun delzui intin uh, Pharaoh tawh a sepai zosiate chung ah chun choisa’n in um ding ka hi; tichun, Aigupta mite zosia chun keima hi Lalpa chu ka hi ti a hun hettheina ding un,” a tia. Zia gual chun a bawl tau hi.

PAWTDAWNA THU 15:3

Lalpa chu galdona hat; A min Lalpa chu ahi.

ISAI 31:4

Lalpa‘n zia gual hin ka kiang in a gen ngal a: Sakeibaknei, sakeibaknei vanglai in, a samat chung ah a kitum lai tak in, belamchingte chu a naw dingin a hon ah hung in, bang gual husa nei maleu, a lau diak lo gual un, Zion tâng leh a mual chung ah, sepai honte Lalpa chu, hung kuan suk ding ahi.

JEREMIAH 51:21

sakol leh a chung chuang mi, khetjakna’n ka hun mang a;

AMOS 1:14

Ziaziakchun, Rabah bâng mei in hâl ing ka tin, a kulpite chu kâng tum intin, kido ni ah kiko thawm tawh, chîmpei ni ah thigawpi tawh,

AMOS 5:19

Mi pakhat sakeibaknei lau ah tai, savom tuak kha gual a hem; ahiloleh, In sung ah lût ah, a khut bâng ah a ngat leh, gul in a la chuk piak gual chu ahi.

AMOS 9:1

Mâichâm bul ah Lalpa ding lai ka mu’n, zia gual hin a gen a: Kotbulte kithin hial masia khuampite chu khên in; a kithing bongte chun mipite luchang khen gawp hen la; zia thibang cheng chu chemjam in that ing ka; pakhatle tai mang lo in, khat ziang le suakcha pua’n au.

DAN LEKHABU 1:30

Lalpa la Pathian nang uh hun puipa chun, Aigupta gam ah la mitmuu ah thil a hun bawl piak gual tho ah khan, la gâlteu chu hun do piak ding ahi;

DAN LEKHABU 3:22

Lau him him kiu inla, Lalpa la Pathian un gâl hun do piak ding ahi ngâl ah,” ti in.

DAN LEKHABU 32:31

A dik tak in amau suangpi chu, ei uh Suangpi tawhbang ahi puai; I mêlmateu chu mingol ngen a hiu.

JOSHUA 10:14

Lalpa‘n Israelte â ding ah a do piak ziakin zia gual ah mihing aw a ngaithâkna ni chu masang leh tu’ni tiang hinle a um ngai puai.

VAIHAWMTE 4:15

Chun, Lalpa‘n Sisera leh a sakol kângtalai zosia leh a sepai zosia chu Barak ma-âng in a patausak ta’n; Sisera le a kângtalai ah kipat kumtha’n, a keng in a tai mang tai.