PAWTDAWNA THU 14:16 - PATHIAN LEKHABU THIANGTHO (BSI)

¹⁶ Ahi’n, nang in la mol kha lâm inla, la khut chu Tuipi chung in vak jak inla, Tuipi chu vak khen in; tichun, Israelte chu Tuipi lai tak ah chun lei hul chung in chia theng ding ahi ngal un.

PAWTDAWNA THU 14:16 ပူးပေါင်းရင်းမြစ်များ

2 LENGTE 4:29

Gehazi kiang ah chun, “La kawng gâk det in, ka tiangkhut kha chawi in la, chia in. Mi la kituakpi leh le chibai bawl malam kin, mi khatto in chibai a hun bûk guat leh le limsak kin; chuleh ka tiangkhut hi naupang mai chung ah vazam in,” a tia.

PAWTDAWNA THU 14:15

Ziaphatchun, Lalpa chun Mosi kiang in, “Bang ding ah kap la hem? Israelte chu ma lam zuan ah chia dingin hil in.

PAWTDAWNA THU 14:26

Ziaphatchun, Lalpa chun Mosi a hun ho ah: “La khut chu Tuipi chung ah vak jak in, Aiguptate leh a sakol kângtalaiteu leh a sakolchungchuang mite zosia chung ah tui a luan mat kit theina dingin,” a tia.

PAWTDAWNA THU 17:5

Lalpa chun Mosi kiang in, “Mipite malam in chia pek inla, chuleh, Israel upate lak ah khenkhat le pui inla; chuleh, Nail luipi la khetna tiang kha chawi inla, chun chia in.

PAWTDAWNA THU 17:6

Horeb ah Suangpi chung in la ma-âng ah a la ding di ka hi. Suangpi chu jep in la tin, zia kipat chun mipite dawn ding tui hung pawt ding ahi,” a tia. Zia gual chun, Israel upate mit mu ah chun Mosi’n a bawl tai.

PAWTDAWNA THU 4:17

Chuleh, la khut in zia mol hi chawi in la tin, zia mol hi mang in teptênate bawl ding la hi,” ti’n a gen tai.

PAWTDAWNA THU 4:2

Lalpa’n a kiang in, “La khut ah um kha bang a hem?” ti’n a dong a. Ama’nle, “Mol ahi,” ti’n a dawnhu a.

PAWTDAWNA THU 4:20

Tichun, Mosi chun a ji tawh a chapate ni a pui ah, a sabiltung pakhat chung in a chuansak ah, Aigupta gam lam ah chun a chia tau a; chuleh, Mosi’n a khut in Pathian mol chu a chawi hi.

PAWTDAWNA THU 7:19

Lalpa chun, Mosi kiang in, “Aron kiang in, la tiang kha la’n la, Aigupta gam sung ah tuite, luite, tuilamte, tuikhukte leh dil zosia chung ah la khut jakdok in; tui zosia chu thisan a hung suak theina dingin: Tichun, Aigupta gam zosia ah chun thing kuangkûmte leh suang bêlte zosia sung ah thisan um ding ahi ngal in, ti’n gen in,” a tia.

PAWTDAWNA THU 7:9

“Pharaoh in, ‘Thilmak bawl un,’ ti a hun phût phat leh Aron kiang in, ‘La tiangkhut la’n la, Pharaoh âng ah hin septha lechin gul hung suak in ah,’ ti’n a gen a.”

ISAI 10:26

Sepai honte Lalpa‘n, Oreb Suangpi Midiante a la jep gual leh, Aiguptate chung ah a mol a chuk gual khan, a mol chu tuisuagiat chung ah lâm intin, Assuriate chung in chu ta’n a.

HABAKKUK 3:8

Aw Lalpa, luite chun a hun hi’thangtawm la hem? La sakol chung ah chuang ah, la sakol kângtalai gâl zo ding ah la chuan lai ah khan, luite chung ah lungna la hem, ahiloleh, tuisuagiat chung ah lungna la hi tam?

KISIMNA LEKHABU 20:11

Ziaphatchun, Mosi chun a khut a lâm ah, suangpi chu a tiangkhut in nivei a khên ah; tichun, tui tam tak a hung luangdok tai. Mipi zosia tawh a ganchateu zosia’n a dawn tau hi.

JOSHUA 8:18

Ziaphatchun, Lalpa‘n Joshua kiang in, “La khut ah chemjam chu Âi khua lam in lek ta’n; zia khua chu la khut ah hun pia ding ka hi’ngâl ah,” ti’n a hun gen ta’n. Tichun, Joshua’n le a khut ah chemjam chu khawpi lam in a vak lek tai.