PAWTDAWNA THU 14:14 - PATHIAN LEKHABU THIANGTHO (BSI)

¹⁴ Lalpa’n nang uh â dingin gâl hun do piak intin, thipbek in um hiat hiat mai un,” a tia.

PAWTDAWNA THU 14:14 ပူးပေါင်းရင်းမြစ်များ

2 KHANGTHU 20:15

Ama chun, “Ngai un, aw Judai gam ah mite leh Jerusalem khua chêngte leh Lengpa Jehoshaphat: Lalpa‘n zia gual hin la kiang un thu a hun gen ta ahi: Zia mipi tam takte hi lau kiu inla, lungdong diak kiu in; kidona hi nanghaw â a hipua’n, Pathian â a hizaw ngâl a.

2 KHANGTHU 20:17

Aw, Judai gam leh Jerusalem khua mite haw, zia kidona hin nanghaw la pan uh ngai pua’n ah; la panmun chiat un ding chil chel un la, nanghaw â ding ah Lalpa‘n a hun zaw piak dan chu en mai un! Lau kiu in la, lungdong ziang kiu in; jing leh gâldo dingin kuandok un la, Lalpa‘n hun kithuapi ding ahi,” ti’n a gen a.

2 KHANGTHU 20:29

Israelte mêlmate zosia Lalpa‘n do piak ahi ti a het ziak un, a kîmvêl ua lenggam zosiate chun Pathian launa a hun nei chiat tau hi.

NEHEMIAH 4:14

Thil umdante chu ka etchian nung in, ka dingdok ah, miliante, vaihawm mite leh mipi zosia kiang ah chun, “Amau lawi chu lau him him kiu in. Lalpa a lopi dan leh a lau um dante chu hezing un; la chanauteu, la chapateu, la chanuteu, la jiteu leh la Inteu hûk dingin gâl chu do un,” ti’n ka gen a.

NEHEMIAH 4:20

pengkul git la het phat phat ua leh ei hun del ziang un. I Pathian un gâl ei do piak ding ahi,” ti’n ka hil a.

NEHEMIAH 9:11

Chuleh, lei hul ah a gâl kâi theina ding un, a ma-âng un Tuipi San chu la la khên tan a; himaleh, amau delzuite chu suangtum, tuili lai ah kikhelut gual in, tuili sung in la sep lut tai.

SAM 35:1

Lalpa, ei kilanpite chu nang in kilanpi inla, ei do-te chu nang in do ta’n.

SAM 50:3

I Pathian uh a hung in, thipbek in a um puai; a ma lam in kâkmang mei leh, a kîmvêl ah huipi nasa tak a hâng hi.

SAM 83:1

Aw Pathian, thip hiat hiat kin; aw Pathian, thipbek in um kin la, um hiat hiat ziang kin!

PAWTDAWNA THU 14:15

Ziaphatchun, Lalpa chun Mosi kiang in, “Bang ding ah kap la hem? Israelte chu ma lam zuan ah chia dingin hil in.

PAWTDAWNA THU 14:25

A sakol kângtalai kengteu chu a puaidaw piak ah; tichun, a naw hat thei ta puau a. Ziaphatchun, Aiguptate chun, “Israelte ah kipat hin tai mang mai hitiu, Lalpa amau lam in a pang ah, Aiguptate hi a do piak ahi,” a tiu a.

PAWTDAWNA THU 15:3

Lalpa chu galdona hat; A min Lalpa chu ahi.

ISAI 30:15

Lalpa Pathian, Israel Mithiangtho chun, zia gual hin a gen ngal a: Hung kile’kit in chawldam leu chin, hukdam in um in la tiu in, thip hiat hiat in ei ging leu chin, hatna nei inla; ahi’n la, nang uh la nuam puau hi.

KÂ LATE 3:26

Min Lalpa hukdamna chu, ngâk hiat hiat leh a pha’i.

DAN LEKHABU 1:30

Lalpa la Pathian nang uh hun puipa chun, Aigupta gam ah la mitmuu ah thil a hun bawl piak gual tho ah khan, la gâlteu chu hun do piak ding ahi;

DAN LEKHABU 20:4

gâl zaw’na hun pia ding ah la masang ua la gâlteu do ding ah kuandok, Lalpa la Pathian un a hun kitonpi zing ngâl ah,” ti in.

DAN LEKHABU 3:22

Lau him him kiu inla, Lalpa la Pathian un gâl hun do piak ding ahi ngâl ah,” ti in.

JOSHUA 10:10

Chun, Gibeon khua mun ah a mêlmateu tam tak that in, Beth-Horon zawtna kaltona tiang ah del zui in, Azekah leh Makkedah tiang ah a thalup gam tâk ziak un, Lalpa‘n Israelte ma-âng in amau chu a patau sak ta’n.

JOSHUA 10:14

Lalpa‘n Israelte â ding ah a do piak ziakin zia gual ah mihing aw a ngaithâkna ni chu masang leh tu’ni tiang hinle a um ngai puai.

JOSHUA 10:42

Zia lengte zosia leh a gam uh hi, Lalpa Israelte Pathian in Israelte a dopi ziakin, Joshua’n hun khat thu in a lak piak vek a hi.

JOSHUA 23:10

Lalpa la Pathian un a la kitiamsa gual in, nanghaw â dingin gâl hun do piak ding ahi; tichun, mi pakhat in sang khat del mang ta’n lau.

JOSHUA 23:3

Lalpa la Pathian un nangmau â ding ah a hun do piak dungzui in, nanghaw ziak ah Lalpa la Pathian un zia gam ah mite chung ah a bawldan zosia le la mu tau a.

VAIHAWMTE 5:20

Van ah kipat aksite’nle a hun do un, amau mun chiat ah kipat in, Sisera a hun do chiat ui.

1 SAMUEL 4:7

Philistinte chu a lauthawng tau ah; amau chun, “Pathiante chu a giabuk un a hung tung ui,” a tiu a. Chuleh, “I chung uh a gik na e! Zia gual thil hi a la tung kha nai paw’ngâl in.