PAWTDAWNA THU 14:13 - PATHIAN LEKHABU THIANGTHO (BSI)

¹³ Himaleh, Mosi’n mipite kiang ah chun, “Lau lo in ding det un, tu’ni a hun etsak ding Lalpa hukhinna chu en mai un; tu’ni la muu Aigupta mite hi bangmatik in mu kit talo ding la hi’ngal un;

PAWTDAWNA THU 14:13 ပူးပေါင်းရင်းမြစ်များ

THILSIAM THU 15:1

Zia nung chun, Lalpa thu chu Abram kiang in a manglam gual in a hung tung ta’n; a kiang in, “Abram, lau kin, kei hi la phaw ka hi; la kipakman ding chu thupi tak hi’n ah,” a ti’n.

THILSIAM THU 26:24

Zia jan ah chun Lalpa a kiang in a hung kilâk ah, “Kei, la pa Abraham Pathian chu ka hi: Lau kin, la kiang in ka um zing hi, hun maljawl ing ka tin, ka suak Abraham ziakin la suante chu hi’pung ding ka hi,” a ti’n.

THILSIAM THU 46:3

Ama chun, “Kei Pathian, la pa Pathian chu ka hi: Aigupta gam ah chia suk ding hi lau kin; zia tak ah chun chi lian tak in hun siam ding ka hi’ngal in.

THILSIAM THU 49:18

Aw Lalpa, la hukdamna chu ka ngâk zing hi.

2 LENGTE 6:16

Ama’n a dawnhu a, “Lau kiu in, amau lam ah pangte sâng in ei uh lam ah pangte a tam zawu hi,” a tia.

1 KHANGTHU 11:14

himaleh, ama chu David tawh a paniu in loulai ah chun a pang zing un; Philistinte chu nasa tak ah nang in a that gam tau a; tichun, Lalpa‘n zaw’na nasa tak chu a pia tai.

2 KHANGTHU 20:15

Ama chun, “Ngai un, aw Judai gam ah mite leh Jerusalem khua chêngte leh Lengpa Jehoshaphat: Lalpa‘n zia gual hin la kiang un thu a hun gen ta ahi: Zia mipi tam takte hi lau kiu inla, lungdong diak kiu in; kidona hi nanghaw â a hipua’n, Pathian â a hizaw ngâl a.

2 KHANGTHU 20:17

Aw, Judai gam leh Jerusalem khua mite haw, zia kidona hin nanghaw la pan uh ngai pua’n ah; la panmun chiat un ding chil chel un la, nanghaw â ding ah Lalpa‘n a hun zaw piak dan chu en mai un! Lau kiu in la, lungdong ziang kiu in; jing leh gâldo dingin kuandok un la, Lalpa‘n hun kithuapi ding ahi,” ti’n a gen a.

NEHEMIAH 9:9

Aigupta gam ah ka pu leh pateu genthei dan kha la mu’n; chuleh, Tuipi San pang ah a pauchapnau khale la hia’i.

SAM 3:8

Hukdawna hi Lalpa â ahi; la mite chu maljawl ta’n! (Selah)

SAM 68:21

Ahi’n, Pathian in a mêlmate luchang, a gitlonau lampi sêlna sambuk lêt lût te, luchang chu sat phel in a.

SAM 78:53

Bit tak in a pui pek ah, bangma a lau puau; himaleh, Tuipi chun a mêlmateu a chup mang tai.

SAM 91:8

La mit in en in la tin, mi nunsiate gawtna chu mu ding la hi.

PAWTDAWNA THU 14:30

Zia ni chun Lalpa chun Israelte Aiguptate a kipat in a hukdok ah; Israelte chun Tuipi pang ah Aiguptate thi haw chu a muu a.

PAWTDAWNA THU 20:20

Mosi’n mipite kiang ah chun, “Lau kiu in, Pathian nang uh patep ding ah hung ahi, ama lau umna chu la mau ah a um zing ah, gitlona la bawl lona ding un a ti ahi,” a tia.

ISAI 26:3

A lungthim nangma chung bep ah nga’n, nang bep hun taksangte ngei chu, thamuanna dik tak piak hi’n au.

ISAI 30:15

Lalpa Pathian, Israel Mithiangtho chun, zia gual hin a gen ngal a: Hung kile’kit in chawldam leu chin, hukdam in um in la tiu in, thip hiat hiat in ei ging leu chin, hatna nei inla; ahi’n la, nang uh la nuam puau hi.

ISAI 35:4

Lungthim dawilokte kiang ah chun: “Kihatsak inla, lau kin! Ngai in, la Pathian chu phuba la ding ah, hung kuan ding ahi’n, tizat um tak ah dit kit ding ah hung intin, nangma hun hukdok ding ahi,” tiu in.

ISAI 43:11

Kei, Keima hi Lalpa chu ka hi, Keima tilo ngal hukdampa dang a um puai.

ISAI 7:4

a kiang in, Chingthei tak in um inla, thip hiat hiat in; zia meisel de liak liak gual bep, Rezin leh Suria tawh Remaliah chapa lungnatna huaisia takte ziak ah hi’n lau kin la, la lung thuaisak him him kin.

JEREMIAH 3:23

Mual leh tâng chung ah kithoi kibawlnate chu, kithepna mai mai ahi ti ka hechian tai. Israel hukdamna chu Lalpa I Pathian bep un, a um takzet hi.

KÂ LATE 3:26

Min Lalpa hukdamna chu, ngâk hiat hiat leh a pha’i.

HOSEA 1:7

Judah Inkuante chung ah vang lainatna nei ing ka tin, thalpi a hem, chemjam a hem, kidona a hem, sakol leh sakol chungchuang mi a hem in amau hukdam lo in, Lalpa a Pathian uh chun hukdam ing ka,” a ti’n.

HOSEA 13:4

Ahi’n la, kei chu Aigupta gam ah kipat, Lalpa la Pathian uh ka la hita’n; kei tilo Pathian dang la hepuau in; chuleh, kei ti lo hukdampa dang le a um puai, ti la hiau a.

HOSEA 13:9

Aw Israel, hun susia ding ka hi; kua’n hun panpi thei ding a hem?

HABAKKUK 3:13

La mite hukdok dingin la hung pawtdok ah, la sathaunu’ ngei hukdok dingin. Migilo Inkuan luchang chu la khet gawp piak ta’n, a suangphûm ah kipat a Inchung tiang un la hawkdaw piak tai. (Selah)

HABAKKUK 3:8

Aw Lalpa, luite chun a hun hi’thangtawm la hem? La sakol chung ah chuang ah, la sakol kângtalai gâl zo ding ah la chuan lai ah khan, luite chung ah lungna la hem, ahiloleh, tuisuagiat chung ah lungna la hi tam?

KISIMNA LEKHABU 14:9

Lalpa do in hel dâ phot unla; chuleh, a gam ah chêngte chule lau kiu in; ei uh â ding ah anchâk bep ahi ngâl un; amau venbitna chu lâkdaw a hita’n, Lalpa‘n ei haw ei umpi hi; amau chu lau him him kiu in,” a tiu a.

MATTHAI 28:5

Vansawlchâk chun numeite kiang in, “Nang haw vang lau kiu in, Jesu a khetden uh kha hawl la hiu ti ka hia’i.

DAN LEKHABU 20:3

zia gual hin a gen ding ahi: “Aw Israel, zia thu hi ngai un! Tu’ni hin la gâlteu do ding la hitau ah. Lungthuai lo in, lau kiu inla, patau lo in amau chu launa him him nei kiu in;

1 SAMUEL 11:13

Himaleh, Saul in, “That kiu in, tu’ni hin Lalpa chun Israelte ei hukdaw tâk ziakin, tu’ni hin kuama that kiu in,” ti’n a gen a.

1 SAMUEL 12:16

Ziaziakchun, tu’hin a la um chiat unla, thil lopi tak Lalpa‘n a hun bawl dingte hi a la en un.