PAWTDAWNA THU 14:12 - PATHIAN LEKHABU THIANGTHO (BSI)

¹² Aiguptate nasêm in um hiat hiat mai hitiu, ka tiu kha zia hin ei sia ahi hilam. Thalêk gamthip ah thi sâng in, Aigupta mite suak ah um den mai chule kei uh â dingin phazaw ma ma ding ahi ngal in,” a tiu a.

PAWTDAWNA THU 14:12 ပူးပေါင်းရင်းမြစ်များ

SAM 106:7

Ka suantuteu in Aigupta gam ah a la um lai ua khan, la thilmak bawlte a la ngaisak puau a; la ngilneina nasa tak kha le a la hezing puau a, Tuipi San ah khan Chungnung Penpa chung in, a la hel zaw tau hi.

PAWTDAWNA THU 13:17

Pharaoh in mipite a pawt daw sak zaw phat ah chun, Pathian in a lampi nai zaw maleh, Philistinte gam lam ah chun a pui nuam pua; Pathian chun, “Mipite hi kua a hem khat in a la doleu a lungthim uh kihei kit in, Aigupta gam lam ah kile’kit ziang kha tawl in au,” a ti ziakin.

PAWTDAWNA THU 3:9

Israel mite kâ thawm chu ka kiang a hung tung ta’n; Aiguptate engbawl dante chule ka muchian ta’ngal in.

PAWTDAWNA THU 5:21

A kiang un, “Lalpa’n hun en hen la, la chung un vaihawm ta hen; Pharaoh leh a suakte mit mu ah huat um tak in lei siam tâk ziak un: a khut ua kei uh thâna ding chemjam la choisak ta’ngal un,” a tiu a.

PAWTDAWNA THU 6:9

Mosi’n zia gual chun Israel mipite kiang in a gen ah; himaleh, a lungthim uh a nat bêk ziak leh a saltânnau a huaisiat bêk ziakin Mosi thugen chu a ngaisak him him puau hi.”

HOSEA 4:17

Ephraim chu milim tawh a kizop un, a um um in, um mai tau hen.

JONAH 4:3

Tu’hin, aw Lalpa, ka hinna ei lâkpiak zaw mai in, kei â dingin hin sâng in thi a phazaw ngal a,” a tia.

JONAH 4:8

Nisa a hung suak phatin, Pathian in sualam hui lum tak a guanggal ah, nisa chun Jonah chu thidang hial in a luchang a hun khaw ta’n; thi’ mai ding chu a don tai: “Kei â dingin hin sâng in thi’ a phazaw tai” a tia.

MARKA 1:24

a hung kikodok a: “Nazareth Jesu, kei haw bang ei law ding la hi em? Ei sumangthai ding ah hung la hi em? Nang, Pathian Mithiangtho la hi ka henai,” ti in.

MARKA 5:7

“Tichun, aw ngai tak in a hung kiko a; Jesu, Chungnung pen Pathian Chapa, bang ei law ding ah hung la hem? Ei sawisa lo ham ham dingin Pathian min in ka don la hi,” a tia.