PAWTDAWNA THU 13:9 - PATHIAN LEKHABU THIANGTHO (BSI)

⁹ Lalpa dan chu la kam ah a um zing theina dingin, zia hi nang â ding ah la khut ah tepte’na leh la chalkiu ah hetzingna hi’n a; khut thahât tak in Lalpa chun Aigupta ah kipat a puidaw la hi’ngal un.

PAWTDAWNA THU 13:9 ပူးပေါင်းရင်းမြစ်များ

NEHEMIAH 1:10

Amau haw hi la suakte leh la mipi, la thilhitheina lopi tak leh la khutbân thahat tak ah la tatsate ahi ngâl un.

SAM 136:11

Israelte amau lak ah kipat hun puidokpa kiang ah chun, a ngilneina chu kumkhua’n um ding ahi ngal a;

SAM 136:12

khut thahât leh bân jak in, a ngilneina chu kumkhua’n um ding ahi ngal a;

SAM 89:13

Khutbân thahât tak la nei in; la khut a hât in, la changlam khut chu choisa’n in a um hi.

PAWTDAWNA THU 12:14

Zia ni hi nang uh â ding ah het zing ding hita’n a. La suanteu tiang ah Lalpa â ding ah Kût a la mat zing ding ua dan ah siam in, kumtuang ah Kût ah la mat diu ahi.

PAWTDAWNA THU 12:41

Kum za li leh sawmthum a ti’n ni ma ma ah chun, Lalpa’n a mite zosia Aigupta gam ah kipat in a hun puidok tai.

PAWTDAWNA THU 13:14

Tu’nung phat leh la chateu in, “Zia hi bang ding ah kibawl a hem?” ti a hun dot phat ua leh, “Aigupta suak channa In ah kipat Lalpa’n a bân thahat ah ei puidok ziak leh,

PAWTDAWNA THU 13:16

Bân thahat in, Lalpa chun Aigupta gam ah kipat ei puidok hi ti tepte’na dingin, la khut leh la chalkiu in mêlchikna la bawl diu ahi, a tia.

PAWTDAWNA THU 13:3

Mosi’n mipite kiang ah chun, “Aigupta gam ah saltânna In a kipat la hung pawtdawna niu, zia nikhua hi hezing unla: bân thahât ah Lalpa’n zia gam ah kipat chu a hun puidaw la hiziak un, thawi kisaw vaithum la nêk him him lo ding uh ahi.

PAWTDAWNA THU 3:20

Tichun, ka khut hun tha’ng ka tin, thilmak tak tak a gam sung ah ka bawl dingte mang in, Aigupta soisa ding ka hi; ziazaw phat chuleh, hun pawtsak bep ding ahi.

PAWTDAWNA THU 7:4

Pharaoh in la thugen a ngai diak lo ding ziakin, Aigupta chung in ka khut tha’ng ka tin, gawtna huaisia takte mang in ka mipi Israelte chu a hon hon in Aigupta gam ah kipat in puidok ding ka hi.

THUPILTE 1:9

la luchang â dingin pâk khi hoi tak gual hi’ntin, la ngawng â dingin, khivui gual hiding ahi ngal a.

THUPILTE 3:21

Ka cha, ziate hi la mit ah kipat in kikiansak kin la; chitna leh ngaidon thiamna dik tak chu vopdet in,

THUPILTE 7:23

thalpi’n a thin a lung a sutlet ding zuan gual leh, vacha’n a thi’na ding thâng ahi ti helo ah, a zot gual in a zuan tai.

SOLOMON LÂ 8:6

La bânpuam ah tepte’na um gual ah khan, la lungchang ah tepte’na’n ei koi in; thi’na gual tuk in hepina hile a hat in, ûtna hile mithi khua gual khop in a hat hi. Meikuang gual in a diang jak in, gamkâng mei gual in a jam jak hi.

ISAI 27:1

Zia ni phat chuleh, Lalpa chun a chemjam hiam tak, thupi tak leh hat tak chu mang in, gulpi lengthei Leviathan gulpi kikual ngiau nguau chu hun gawt intin; chuleh, tuisuagiat ah dragon chu hun that in a.

ISAI 40:10

En un, Lalpa Pathian chu thilhitheina tawh a hung in, a bân thahât in vai a hawm hi. En un, a kipakman chu a kiang in a um in, a thukna chun a kitonpi zing hi.

ISAI 44:5

Mi khat in, “Lalpa â ka hi,” hun ti’n tin; midang khat chu Jakob min ah ko in hung um in au; midangte chun a khutbân un: “Lalpa â,” ti zik intiu in, Israel chu a nam min dingin hun mang ta’n au.

ISAI 49:16

En tiam in, ka khutpêk sung ah hin, ka hun zik lut la hi tai; la kulbângte chu ka ma-âng in a um zing hi.

ISAI 51:9

Aw, Lalpa khutbân chu hung tho inla, hung thodok in, hatna’n hung kithuam ta’n! Nidang lai ah khangluite hun lai gual ah khan, hung thodok in! Nangma hilo maw Rahab a them them ah âttel ah, dragon sunlum kha?

ISAI 59:21

Chun, kei â dingin vang, zia hi amau tawh ka kikâl ua ka thuthung ding chu ahi, Lalpa‘n a tii: Tu’ ah kipat bangtik chan inle, la chung ah ka thagau um leh, la kam ah ka thu ka koite chu la kam ah kipat pawtdok ta pua’n tin, la chate leh la suan leh pâkte kam ah kipat chunle pawtdok ta pua’n ah, ti’n Lalpa chun a gen hi.

JEREMIAH 22:24

Judai gam ah Jehoiakim chapa Koniah chu leng hi hen la, ka khut changlam ah ka min namna khutsebi hi hial ziang maleh, zia kipat chunle hun botdok tho tho ding ka hi, ti’n Lalpa‘n a hinna sâl in a kihaksial tai;

DANIAL 9:15

Tu’hin, aw Lalpa ka Pathian uh, khut hât tak ah Aigupta gam ah kipat la mite puidok ah, tu’ni tiang ah minthang tak ah umpa ka gilo tau in, nunsia tak in ka la bawl zo tau hi.

JOEL 2:11

Lalpa‘n a galdo mite ma-âng in aw a sua in; a sepai hon a tam nau e! A thupiak zawmte chu simsên gual lo a hiu. Lalpa ni chu a lopi hi; a tizat um na e! Kua a hem thuak zo ding?

KISIMNA LEKHABU 15:39

Zia puanmong kihual chu la bawlphat si’n uh leh, nang uh â ding ah Lalpa‘n thu a hun piak zosia la hetdawna ding uh leh, la zui ding uh a hi’dan la hiattheina ding uh hi’ntin; tichun, la lungthim un a doidan leh la mit un a dawi dan dan chu la bawl ziang lo ding uh ahi.

MATTHAI 23:5

A thil hi’ taphotteu chu mihing mit mu dingin a hi’sek un, a thilbuu leh a dialkopteu chu a hi’lian un, a puanâk mongteu chu a hi’pawm ui.

ROMTE 10:8

Himaleh, bang a hem a gen chu? “Thu chu la kam leh la lungchang ah chun, naicha’n a um hi; zia chu ginna thu, ka gen sek uh hi ahi”. (Zia chu, a thu ka taklat sek uh chu ahi;)

DAN LEKHABU 30:14

A thu la het ua, la zuitheina ding ua zia gual ah chu um hi mai jenlo in, la kam uh leh la lungthim ua naicha um ahi ngâl a.

DAN LEKHABU 5:15

Nanghaw le Aigupta gam ah khan suak leh sal in la la um tau ah; zia’ kipat chun Lalpa la Pathian un, a khut hât tak leh a bânjak in a hun puidok la hiu ti kihe zing un; ziaziakchun, Lalpa la Pathian un sabbath ni chang thiangtho dingin thu a hun piak la hiu.

DAN LEKHABU 6:21

nang un la chateu kiang in: “Aigupta gam ah chun Pharaoh suak in I la um un; himaleh, Lalpa‘n a khut hât tak ah chun ei puidok ta ahi.

DAN LEKHABU 6:6

Zia thute, tu’ni ka hun thupiakte hi la lungthim un vop zing un.

DAN LEKHABU 6:8

Melchikna dingin la khutbân un but unla, la chalkiu inle kop unla;

THUPUAN 18:8

Ziaziakchun, ni khat sung in a gawtna: thina leh lunggimna leh kialna tung intin; ama chu mei ah hâltum hi’n a; a chung ah vaihawm Lalpa Pathian chu a hât ngal a,” ti in.

VAIHAWMTE 2:12

Aigupta gam ah kipat a pu leh pateu a la puidokpa a Pathian uh, Lalpa chu a jamsan tau ah; tichun, pathian dang, a kiang ua chêngte pathian haw chu zui in, ziate chu a ho tau a; tichun, Lalpa chu a cho lungna tau hi.