PAWTDAWNA THU 13:3 - PATHIAN LEKHABU THIANGTHO (BSI)

³ Mosi’n mipite kiang ah chun, “Aigupta gam ah saltânna In a kipat la hung pawtdawna niu, zia nikhua hi hezing unla: bân thahât ah Lalpa’n zia gam ah kipat chu a hun puidaw la hiziak un, thawi kisaw vaithum la nêk him him lo ding uh ahi.

PAWTDAWNA THU 13:3 ပူးပေါင်းရင်းမြစ်များ

THILSIAM THU 15:16

Amau chule a khang li’na phat leh zia lam ah hin hung kit intiu in: Amor mite gitlona hi a bukim nai deu lo ziakin,” a ti’n.

1 LENGTE 8:42

la min lopi dan, la khut thahât dan leh la khut thâk daw dante hi hun he ngei ding ahi ngâl un; gam dang mi a hung ah, zia mun lam nga’ a hung pauchap phat leh,

1 KHANGTHU 16:12

A thilbawl lamdang takte chu hezing unla, a thilmak bawlte leh a vaihawmna kamsuakte chu hezing un.

NEHEMIAH 1:10

Amau haw hi la suakte leh la mipi, la thilhitheina lopi tak leh la khutbân thahat tak ah la tatsate ahi ngâl un.

NEHEMIAH 9:10

Nang in Pharaoh leh a suakte zosia leh, a mipite zosia’n ka pu leh pateu chung ah kiletsak takah a bawl uh thukna’n, tepte’na leh thilmak tam tak la la bawl khawlaw ta’n. Tichun, tu’ni tiang dai dingin la minthanna la koi tai.

SAM 105:5

A thilbawl lamdang takte chu hawl unla, a thilmak bawlte leh a kamsuak, a vaihawmnate chu hezing un.

SAM 114:1

Israelte Aigupta gam ah kipat a pawtdawu ah, Jakob Inkuante pauchuam mite lak ah, kipat a pawt daw lai un,

SAM 136:11

Israelte amau lak ah kipat hun puidokpa kiang ah chun, a ngilneina chu kumkhua’n um ding ahi ngal a;

SAM 136:12

khut thahât leh bân jak in, a ngilneina chu kumkhua’n um ding ahi ngal a;

SAM 89:14

Dik tatna leh vaihawmna dik, la lalchutpha kingakna ahi’n; ngilneina leh ginumna la ma-âng in a chiau hi.

PAWTDAWNA THU 12:15

Ni sagi thawipanglo vaithum la nêk diu a hia; a ni masa pen ah chun la In ua kipat thawi la sukbei ding uh ahi: a ni masa pen ah kipat in a ni sagi ni tiang ah kuale thawi pang vaithum nekha tapo chu, zia mi ngei chu Israelte lak ah kipat nawdaw ding ahi ngal a.

PAWTDAWNA THU 12:17

Zia ni ah hin la mipite Aigupta gam ah kipat in ka puidaw ziakin, thawipanglo vaithum in Kût la mat ding uh ahi: la khang zosiau in kumtuang ah la mat theina ding un dan ah la siam diu ahi.

PAWTDAWNA THU 12:19

Ni sagi sung chu la In sung un thawi a umlo ding ahi; kuale thawi nekha a um khâk pal chun, zia mihing chu a gam ah chêngsa hileh, khual gam mi hiziang ta leh, Israel mipite lakah kipat naw mang ding ahi ngal a.

PAWTDAWNA THU 12:2

“Zia Abib tha hi nang uh â ding ah kum khat sung ah tha masa pen, hi’ntin; zia chu nang uh â ding ah kumbul ah tha masa pen chu hi’n a.

PAWTDAWNA THU 12:41

Kum za li leh sawmthum a ti’n ni ma ma ah chun, Lalpa’n a mite zosia Aigupta gam ah kipat in a hun puidok tai.

PAWTDAWNA THU 12:42

Zia jan chu Aigupta gam ah kipat amau a puidawna ding ah Lalpa â ding ah janha jan chu ahi, zia jan chu Israelte zosia’n a suan zosiau tiang un Lalpa â ding ah a janha ding uh ahi.

PAWTDAWNA THU 12:8

Zia jan ma ma ah chun a sa chu mei ah hai min in, thawipanglo vaithum tawh, lokha tawh la nêk ding uh ahi.

PAWTDAWNA THU 13:14

Tu’nung phat leh la chateu in, “Zia hi bang ding ah kibawl a hem?” ti a hun dot phat ua leh, “Aigupta suak channa In ah kipat Lalpa’n a bân thahat ah ei puidok ziak leh,

PAWTDAWNA THU 13:9

Lalpa dan chu la kam ah a um zing theina dingin, zia hi nang â ding ah la khut ah tepte’na leh la chalkiu ah hetzingna hi’n a; khut thahât tak in Lalpa chun Aigupta ah kipat a puidaw la hi’ngal un.

PAWTDAWNA THU 20:2

Keima hi Lalpa la Pathian uh, Aigupta gam ah la saltânnau In ah kipat hun puidokpa chu ka hi.

PAWTDAWNA THU 20:8

Sabbath ni thiangtho tak ah mat ding ahi ti hezing in.

PAWTDAWNA THU 23:15

Thawipanglo Kût la bawl diu ahi: a hunbî ding ah ka guatna Abib tha leh, thu ka hun piak gual in ni sagi thawipanglo vaithum la nêk diu ahi: zia tha hin Aigupta gam ah kipat hung pawtdok la hiziak un. Kuama khutngawn in ka kiang ah a hung kilat lo ding uh ahi.

PAWTDAWNA THU 3:20

Tichun, ka khut hun tha’ng ka tin, thilmak tak tak a gam sung ah ka bawl dingte mang in, Aigupta soisa ding ka hi; ziazaw phat chuleh, hun pawtsak bep ding ahi.

PAWTDAWNA THU 34:18

Thawipanglo kût la bawl diu ahi. Thu ka hun piaksa gual ah khan, Abib tha sung ah hun ka tep piak dungzui ah khan, ni sagi sung chu thawipanglo vaithum la nêk ding uh ahi; zia Abib tha ah khan Aigupta gam ah kipat ka hun puidaw la hi’ngal un;

PAWTDAWNA THU 6:1

Ziaphatchun, Lalpa chun Mosi kiang in, “Tu’hin Pharaoh chung ah bang bang hun bawl ding ka hem ti hun mu’n la: Keima khut thahât tak ziakin amau chu hun pawt dawsak ding ahi ngal ah; ama chun keima khut thahâtna ziakin a gam sung ah kipat in hun nawdok ding ahi,” a tia.

PAWTDAWNA THU 6:6

Israel chate kiang ah chun: Kei Lalpa chu ka hi; Aiguptate puakgik nuai ah kipat leh a suak uh la channau ah kipat in hun hukdok ding ka hi; ka khutbân thahât ma ma chu hun thadok in, huaisia tak in amau hun gawt ing ka tin, hun hukdok ding ka hi.

PAWTDAWNA THU 6:7

Chuleh, nang uh ka mipite hi dingin hung kilâk ing ka tin, keile la Pathian uh hi’ng ka tin; tichun, Aigupta puakgik ah kipat hun puidok kha Kei Lalpa la Pathian uh ka hi, ti hun he ta’n lau.

PAWTDAWNA THU 7:4

Pharaoh in la thugen a ngai diak lo ding ziakin, Aigupta chung in ka khut tha’ng ka tin, gawtna huaisia takte mang in ka mipi Israelte chu a hon hon in Aigupta gam ah kipat in puidok ding ka hi.

JEREMIAH 34:13

Israelte Pathian, Lalpa chun zia gual hin a gen a: Aigupta gam ah suak leh sal la tânnau ah kipat ka hun puidaw ah khan, la pu leh pateu kiang in zia gual ah hin gen in, thuthung ka la siam tai:

DANIAL 9:15

Tu’hin, aw Lalpa ka Pathian uh, khut hât tak ah Aigupta gam ah kipat la mite puidok ah, tu’ni tiang ah minthang tak ah umpa ka gilo tau in, nunsia tak in ka la bawl zo tau hi.

MATTHAI 10:12

In ah la lut ding si’n ua leh chibai bûk sek un.

LUKA 22:19

Vaithum chule a la, kipak thu a gen zaw in, a hun phelsua ah, a kiang un a pia, “Zia hi ka taksa nang uh â ding ah kipia chu ahi. Lei hetzingna un hun bawl zing sek un,” a tia.

1 KORINTH 11:24

kipak thu a gen zaw in, a phelsua ah, “Zia hi ka taksa, nang uh â ding ah piak chu ahi. Lei hetzingnau in zia hi bawl sek un,” a ti’n.

1 KORINTH 5:8

Ziaziakchun, thawi lui pang talo in, nunsiatna leh phatlona thawi le pang diak lo in, thutak leh ginumna vaithum, thawipanglo ah chun kût bawl zaw tai tiu.

EPHESA 1:19

chuleh, ama gingcha ei haw ah a thilhitheina te’ gual lo, a hatna lopi sep dan gual jel ah,

DAN LEKHABU 13:10

Aigupta gam ah suak hi’na In ah kipat hun puidokpa, Lalpa la Pathian ua kipat nanghaw hun pui mang gua taphot chu suang in seplum ziang un.

DAN LEKHABU 13:11

Ziaphat chuleh, Israelte zosia’n hun he’n tin uh, lau ta’n au; tichun, zia gual thil phalo chu kuama’n bawl kit ta pua’n au.

DAN LEKHABU 13:5

Zia gual ah jawlnei leh mang nei taphot chu, Aigupta gam ah la suak channau In ah kipat hun puidokpa, Lalpa la Pathian uh thupiakte la pêtsan theina ding ua hun pui mang gua a hiziak un, la thagam ding uh ahi. Zia gual ah chun la lak ua kipat thil phalo chu la sukthian zel ding uh ahi ngâl a.

DAN LEKHABU 13:6

Kua a hem khat, la suapipa ma ma, la pa chapa a hem, la nu chapa a hem khat leh, la chapa a hem, la chanu a hem leh la ângkawi lai la ji hihen la, la gual ngai pen hiziang leh le, nang la hem, la pu la pate het ngai lo pathian dang ho dingin gûkthim ah hun jawl a um chun,

DAN LEKHABU 15:15

Nang hawle Aigupta gam ah suak leh sal tânna kipat, Lalpa la Pathian un a hun tatdaw la hiu ti kha kihe zing tau in;

DAN LEKHABU 16:1

Lalpa la Pathian un Aigupta gam ah kipat in, Abib tha ah jan ah a hun puidok uh la hiziak un, Abib tha sung ah hin Lalpa la Pathian uh â dingin chiakân kût mang sek un.

DAN LEKHABU 16:12

Aigupta gam ah suak ah la um danteu kha hezing unla, zia dan thuguatte hi gunchu tak in la zui ding uh ahi.

DAN LEKHABU 16:3

Zia sa chu thawi tawh la nêk khawm lo ding uh ahi. Aigupta gam ah kipat kin tak ah la pawt daw niu chu la dam sungsiau ah la het zing theina ding un, thawipanglo, kihigimna an chu ni sagi sung la nêk ding uh ahi.

DAN LEKHABU 24:18

Nang hawle Aigupta gam ah khan suak la la hiu a, Lalpa la Pathian un zia tak mun ah kipat khan a hun tatdaw la hiu kha hezing ta un; ziaziakchun, zia thil hi la bawl ding un thu ka hun piak la hiu.

DAN LEKHABU 24:22

Ziate hi la bawl ding ua thu ka hun piak la hiu; Aigupta gam ah khan nang hawle suak ah a la um la hiu ti hezing tau in.

DAN LEKHABU 26:8

Lalpa‘n a khut hat tak chu lâm in, a thilhitheina tizat um takte sua in, thilmak leh tepte’na tam tak te bawl in, Aigupta gam ah kipat in ei la puidok ta’n;

DAN LEKHABU 4:34

Ahiloleh, nam dangte lak ah patepnate, teptênate, thilmakte, kidona ah a khut thahât takte bânjak ah, tizat um tak ah Aiguptate khut ah kipat Lalpa la Pathian un la mit mu ngei ua, ama â ding bîk ah a hun kipui daw gual ah hin, Pathian dang, zia gual bawlthei leh bawl kha hi la he’kha ngai him him awm?

DAN LEKHABU 5:15

Nanghaw le Aigupta gam ah khan suak leh sal in la la um tau ah; zia’ kipat chun Lalpa la Pathian un, a khut hât tak leh a bânjak in a hun puidok la hiu ti kihe zing un; ziaziakchun, Lalpa la Pathian un sabbath ni chang thiangtho dingin thu a hun piak la hiu.

DAN LEKHABU 5:6

Keima hi Lalpa la Pathian uh, Aigupta gam ah suak leh sal ah la tânnau ah kipat hun puidokpa kha ka hi’n;

DAN LEKHABU 6:12

Aigupta gam ah suak leh saltânna In ah kipat nanghaw hun puidokpa, Lalpa la hetmil lona ding un chingthei un.

DAN LEKHABU 6:21

nang un la chateu kiang in: “Aigupta gam ah chun Pharaoh suak in I la um un; himaleh, Lalpa‘n a khut hât tak ah chun ei puidok ta ahi.

DAN LEKHABU 7:8

Lalpa‘n a hun hepi ziakin, la pu leh pateu kiang ah a la kipau tiamna thu chu a vop det ziakin, Aigupta lengpa Pharaoh khut ah kipat leh, la suak channau In sung ah kipat hun hi’thiangtho in, Lalpa‘n a khut hât tak in a hun pui daw la hi zawu hi.

DAN LEKHABU 8:14

hung kingaisâng talua’n, Lalpa la Pathian uh, Aigupta gam ah suak leh sal tânna In ah kipat leh,

DAN LEKHABU 9:12

Ziaphatchun, Lalpa‘n ka kiang in, “Tho inla, kin tak in chia suk in, Aigupta gam ah kipat la mi puidawte chu pawlche tak in a um zo tau hi. Ka thupiakte chu kin tak in a kihei mangsan tau in; a milim ding uh a sung tau hi,” ti’n ei hil a.

JOSHUA 24:17

ei haw leh I pu leh pateu kha Aigupta gam ah suak leh sal ah tânna lak ah kipat ei puidok ah, tepte’na lopi tak tak bawlpa kha Lalpa I Pathian uh hi ahi ngâl ah. Ama’n nam chuam chuam lak I haw lai unle ei vêngbit a;

VAIHAWMTE 2:12

Aigupta gam ah kipat a pu leh pateu a la puidokpa a Pathian uh, Lalpa chu a jamsan tau ah; tichun, pathian dang, a kiang ua chêngte pathian haw chu zui in, ziate chu a ho tau a; tichun, Lalpa chu a cho lungna tau hi.

VAIHAWMTE 6:8

Lalpa‘n Israelte kiang ah jawlnei pakhat a sawl ah; ama chun a kiang un: “Lalpa, Israelte Pathian in hiti hin a gen hi: Aigupta gam ah suak leh sal tânna lak ah kipat in ka hun puidok a;