PAWTDAWNA THU 13:17 - PATHIAN LEKHABU THIANGTHO (BSI)

¹⁷ Pharaoh in mipite a pawt daw sak zaw phat ah chun, Pathian in a lampi nai zaw maleh, Philistinte gam lam ah chun a pui nuam pua; Pathian chun, “Mipite hi kua a hem khat in a la doleu a lungthim uh kihei kit in, Aigupta gam lam ah kile’kit ziang kha tawl in au,” a ti ziakin.

PAWTDAWNA THU 13:17 ပူးပေါင်းရင်းမြစ်များ

1 LENGTE 8:47

sal ah puiman ahi’na gam ua a hung kihiatdawu ah, a kisik ua, sal ah puite gam ah la kiang ah a hun dot ua, “Ka gilo tau hi; ka hikhial tau ah, gilo tak in thil ka la bawl tau hi,” a hun tiu a;

NEHEMIAH 9:17

la thu nial in, a lak ua la thilbawl mak tak takte khale a la ngaisak puau hi; ahi’n, kihi’ lu’lul in, Aigupta gam ah a suak channau lam ma’n kile’kit a tup tau a. Himaleh, nang chu Pathian ngaidam pei, mi hepi thei, lainatna dim, jaidaw leh chitna hau la hiziak in, amau haw chu la thâthawt puai.

PAWTDAWNA THU 14:10

Pharaoh chun a hun del ah a nai phatin, Israelte chu a vak nung et ua: Aigupta mite chu a nung un a hung kizawt dup dup mai tau a. Israelte chu lau talua in Lalpa kiang in a kap jak ziang tau a.

NASEPTE 15:38

Paul in vang, Pamphulia gam ah amau a la nusia leh nasepna amau a zui lo ziakin ama pui chu pha a sa pua’n.

NASEPTE 7:39

I pu leh pateu chun a thu a la mang nuam puau ah; a la sawn mang un, a lungthim un Aigupta lam a thangai kit tau hi.

DAN LEKHABU 17:16

Ahi’n la, lal chun sakol tampi a neilo ding ahi; chuleh, sakol a hau theina ding ah a mite chu Aigupta gam ah a sawl kit dingle ahi puai; Lalpa‘n ka kiang un, “Zia lam ah chun la chia kit tâk lo ding uh ahi,” a ti ta’ngâl a.

DAN LEKHABU 20:8

Hotute chun sepaite kiang in zia gual hin gen uh hen la: “A lauthawng leh a lungthuai kua la um awm? Ama lungthim gual ah a lawite a hilung-thuailona dingin In lam ah chia kit ziang hen,” ti in.

DAN LEKHABU 28:68

Lalpa‘n Aigupta gam zuan ah long in hun pui intin; ahi’n, la kipatna lam uh chu mu kit talo ding ah thutiam dungzui in; zia gam chun la mêlmateu kiang ah suakpa leh suaknu dingin kizuak maleu chin, a hun chaw ding kuama um ta pua’n ah, ti in.

HEBRAITE 11:27

Ginna’n lengpa lungnatna chu lau lo in, Aigupta chu a taisan ah, mutheilo Pathian chu a mu ziakin a thuak ham ham hi.

VAIHAWMTE 7:3

Tu’hin, sepaite kiang ah gen in, ‘Kuale a lau leh kithing taphot chu chia kit ziang hen,’ ti’n la,” a tia. Tichun, Gideon in a zendok ah; sepai sîng ni leh sang ni a kile’kit ua, sîng khat a um den tau a.