PAWTDAWNA THU 12:6 - PATHIAN LEKHABU THIANGTHO (BSI)

⁶ Zia tha ma ma, a ni sawm leh li tin ni tiang in la koi ding a hia; Israel mipite chun zia nitâk thimbut phat chuleh that uh hen.

PAWTDAWNA THU 12:6 ပူးပေါင်းရင်းမြစ်များ

2 KHANGTHU 35:1

Josiah chun Jerusalem khua’n Lalpa â dingin Chiakân Kût a bawl ah; zia Chiakân Kût bawlna ding belam chu a tha khatna, a ni sawm leh li’ ni chun a hun that tau hi.

EZRA 6:19

Tha khatna a ni sawm leh li tin ni chun, saltâng kile’kitte chun Chiakân Kût a mang tau a.

PAWTDAWNA THU 12:14

Zia ni hi nang uh â ding ah het zing ding hita’n a. La suanteu tiang ah Lalpa â ding ah Kût a la mat zing ding ua dan ah siam in, kumtuang ah Kût ah la mat diu ahi.

PAWTDAWNA THU 12:17

Zia ni ah hin la mipite Aigupta gam ah kipat in ka puidaw ziakin, thawipanglo vaithum in Kût la mat ding uh ahi: la khang zosiau in kumtuang ah la mat theina ding un dan ah la siam diu ahi.

PAWTDAWNA THU 12:18

Tha masa pen ah a ni sawm leh li nitâk lam ah kipat a ni sawmni leh khat tin ni nitâk lam tiang in thawipanglo vaithum la nêk ding uh ahi.

PAWTDAWNA THU 12:47

Israel mipi zosia’n zia hi la mat ding uh ahi.

PAWTDAWNA THU 16:1

Israel mipite chu Elim ah kipat in a kipandok ua; chuleh, Israelte chu Aigupta gam ah kipat ah hung pawtdok ua kipat tha ni’na, a ni sawm leh nga tin ni chun Elim tawh Sinai kikâl ah um Sin gamthip a hung tung tau a.

PAWTDAWNA THU 16:12

“Israelte phunchiakna chu ka het tak ziakin, a kiang un: nitâk khawthimbut phat leh sa ne’n la tiu in; jingkal phat leh vaithum ne ding la hiu; ziaphatchuleh, keima hi Lalpa la Pathian uh ka hi ti ei he ta’n lau,” a tia.

PAWTDAWNA THU 19:1

Israelte chu Aigupta gam ah kipat a pawtdawu tha thum tin ni, zia ni ngei ah chun Sinai gamthip a hung tung tau a.

PAWTDAWNA THU 29:39

Belamno khat chu jingkal lam in lân in la tin, belamno khat chu nitâk lam in la hun lân ding uh ahi;

PAWTDAWNA THU 29:41

Chuleh, belamno khat zawk chu nitâk lam a lat ding ahi; zia chu jingkal lam ah nêkthei thillat dan gual leh dawn thei thillat dan gual in gimtui, Lalpa â ding ah mei ah thillat hi dingin la lat ding ahi.

ISAI 53:6

I leng un belam gual in I la vâk mang zo tau ah; eimau nopna lam chiat in I la vâk mang zo tau hi; himaleh, Lalpa‘n I leng ua dukdaklona zosia chu, ama chung in a nga tai.

EZEKIEL 45:21

Tha khatna, a ni sawm leh li tin ni leh, chiakân kût la bawl diu ahi; zia hun ni sagi sung chun thawipanglo vaithum bep la nêk diu ahi.

THIAMPUTE LEKHABU 23:5

Tha khatna, a ni sawm leh li ni, nitâk chu Lalpa Chiakân kithoina hun chu ahi;

KISIMNA LEKHABU 28:16

Chun, kumsin ah a tha khatna, ni sawm leh li tin ni si’n leh, Lalpa â ding ah chiakân thillat la bawl zing ding uh ahi.

KISIMNA LEKHABU 28:18

A ni masa pen hin kikhopna bawl unla, na him him la sep lo ding uh ahi.

KISIMNA LEKHABU 9:11

Tha ni’na, a ni sawm leh li tin ni, nitâk lam thimbut ah kipat in a mat ding uh ahi; zia chu thawipanglo vaithum tawh anche kha tawh a nêk ding uh ahi.

MATTHAI 27:20

Himaleh, thiampu lalte leh upate chun mipi chu a tîlsiau a, Barabba chu thâ dawsak ah, Jesu chu sukmanthai sak tei ding ah don dingin a nawu a.

MATTHAI 27:25

Ziaphatchun, mipi zosia chun a hun dawnhuu a, “A thisan chu keimau leh ka chateu chung in um ta hen,” a tiu a.

MARKA 15:1

Jingkal phatin, thiampu lalte chun lekhazikte, upate leh vaihawm pawlte zosia tawh a kikokhawm tau a. Jesu chu kânsa’n a pui ua Pilat kiang in a pedok ngal tau a.

MARKA 15:11

Himaleh, thiampu lalte chun mipite chu Barabba thâdawsak dingin a tîlsiau a.

MARKA 15:25

Ama a khetden hun uh chu jingkal lam dak kua ahi.

MARKA 15:8

Mipi chu a hung ua, a hi’dan ngai gual ah hi’kit dingin a hung don un.

LUKA 23:1

Mipi zosia chun kithu gual tak in Pilat kiang in Jesu chu a pui tau a.

LUKA 23:18

Ziaphatchun, aw kituak tak in a hung kiko ua, “Zia mi hi himangthai inla, Barabba ei hun thâdaw piak zaw’n,” a hun tiu a.

NASEPTE 2:23

zia pa ngei, Pathian in a gêl zawsa leh a hetlawkna dungzui ah la khut ua piakdaw ah um chu nanghaw’n dan pawlam ah umte khut in kros ah khenden in, la that tau a.

NASEPTE 3:14

Mithiangtho leh dik tak chu doi lo in, tualthat pakhat la kiang ua piak dingin la don zawu a;

NASEPTE 4:27

Zia khawpi sung ah hin, ahi, Herod tawh Pontia Pilat ngei le, Jentelte leh Israel mite chu tawh, la suak thiangtho Jesu, sathau la nu’sa chu dodâl dingin a kikhawm tau a,

JOSHUA 5:10

Chun, Israelte zosia Gilgal ah a châm sung un, Jeriko phâijawl ah chun zia tha, a ni sawm leh li nitâk ah chun Chiakân Kût a mang tau a.