PAWTDAWNA THU 12:48 - PATHIAN LEKHABU THIANGTHO (BSI)

⁴⁸ La In ah malzin kua a hem khat in zia Lalpa Chiakân Kût luaithe’na hi a pannop chun, pawsal taphot in a zek a tan diu ahi; ziaphat chuleh, hun nai in, luaithe’na chun pang ngal hen: A gam sung mite lak ah pakhat ah simkhawm hi’ngal in a. Himaleh, zektanlo in chu a nêk lo diu ahi.

PAWTDAWNA THU 12:48 ပူးပေါင်းရင်းမြစ်များ

THILSIAM THU 17:11

La zekvun taksau chu la tan ding uh ahi’n; zia chu nang tawh I kikâl ah thuthung tepte’na hiding ahi.

THILSIAM THU 17:12

Chutichun, la lak ua kuale, ni giat ah upa chu, la suante suan sawn tiang inle, la suante hi khel khel lo le, la In sung ah piang a hem, mikhual kua kiang ah kipat hiziang leh le dangka sum ah la chawkte le a zek uh la tan ding ahi;

PAWTDAWNA THU 12:19

Ni sagi sung chu la In sung un thawi a umlo ding ahi; kuale thawi nekha a um khâk pal chun, zia mihing chu a gam ah chêngsa hileh, khual gam mi hiziang ta leh, Israel mipite lakah kipat naw mang ding ahi ngal a.

PAWTDAWNA THU 12:43

Lalpa chun Mosi tawh Aron kiang in, “Zia hi Chiakân Kût la bawl ding dan uh thuthung chu ahi: Malzin mêlhet lo in a nêk lo him him ding ahi.

EZEKIEL 14:7

Kuale, Israel Inkuan lak ah mi hi hen la, gam dang mi Israel gam ah chêng hitaleh, a lungthim ua milim koidet ah, a dukdak lo’nau ah a kipalna ding uh koi zo ta’ngal ah, jawlnei kiang ah thu ei dong ding ah hung taphot chu, Keima, Lalpa hin amau chu dawnhu ing ka.

EZEKIEL 44:9

Ziaziakchun, Lalpa Pathian in zia gual hin a gen hi: Israel chate lak ah um gamdang mi kuale, lunggil leh taksa zektanlo, gamdang mi taphot chu, ka mun thiangtho sung in a lût lo diu ahi.

EZEKIEL 47:22

Nanghaw tawh gam dang mi, la lak ua chêngden ah cha leh naunei ta te kiang in gochan dingin la kihop diu ahi. Amau chu Israelte cha ma ma leh a gam ah piangte gual ah la pom diu ahi; amau le la lak un, Israel phung tin lak ah gam chanvo la guan piak diu ahi.

THIAMPUTE LEKHABU 19:34

Nanghaw le Aigupta gam ah malzin ah um la hi tâk ziak un, la chênkhawmpiu gam dang mite chu, la lak ua piang gual tuk ah a um ua, nangmau la kihepi gual ua la hepi ding uh ahi: Keima hi Lalpa la Pathian uh ka hi.

KISIMNA LEKHABU 9:14

Gam chuam mi la lak ua chêngte lak ah kua a hem khat, Lalpa kiang ah Chiakân Kût mang nuamte chun, a mat ding dan leh a zui dingte dungzui ah a bawl nop chun, Chiakân Kût chu a mang ding uh ahi; gam dang mi la lak ua chêngte tawh nanghaw’n bawl dan kibang khat la zui ding uh ahi.

GALATIA 3:28

Zia tak ah chun Juda mi a um ta pua’n, Grik mi le a um ta puai; zia chun suak a um ta pua’n, suak lo le a um ta puai; chuleh, pawsal leh numeile a um chuam ta puai. Khrista Jesu ah chun la leng un pumkhat la hingal un.

KOLOSSA 3:11

Zia chun, Grik mi leh Juda mi, zektan leh tanlo, pauchuam mite, Skuthi mite, suak leh suaklo le a um diak ta puai; Khrista chu bangkim hi jawn, bangkim in a um hi.