PAWTDAWNA THU 12:38 - PATHIAN LEKHABU THIANGTHO (BSI)

³⁸ Mi chuam chuam inle amau chu a zui ua; gancha hon tam tak tawh, belamhon tawh kêlcha honle tam tak a hiu a.

PAWTDAWNA THU 12:38 ပူးပေါင်းရင်းမြစ်များ

NEHEMIAH 13:3

Dan thu chu a ngaithâk phat un, Israelte lak ah kipat chun gamdang mi zosia chu a koichuam tau a.

PAWTDAWNA THU 10:9

Mosi’n a dawnhu ah, “Ka chasenteu leh ka têkseteu tawh, ka chapateu leh ka chanuteu tawh, ka belamteu leh ka kêl honteu tawh, ka bawng honteu le chia sik sek ding ka hiu; Lalpa kiang ah luaithe’na siam ding ka hiziak un,” a tia.

PAWTDAWNA THU 17:3

Himaleh, mipite chu tuidu in a dangchâk ta ma mau a; tichun, mipite chu Mosi chung in a phunchiak tau a, a kiang in, “Bang ding ah kei uh leh ka chateu leh ka ganchateu dangchâk ah thi’sak ding ah Aigupta ah kipat lei puidaw a hem?” a tiu a.

THIAMPUTE LEKHABU 24:10

A nu Israel mi numei khat leh a pa Aigupta mi pawsal khat chapa, Israelte lak in a hung pawtdok ah, zia pa chu Israel mi khat tawh giabuk in a kina tau a.

ZEKARIAH 8:23

Sepai honte Lalpa chun zia gual hin a gen hi: Ziaphat chuleh, chitin leh pautin ah kipat pawsal sawmkhat jel in Judah mi pakhat a puanchual ah man in, “Hun zui ing kau, Pathian in a hun umpi hi ti ka he ngal un hun ti ta’n au,” ti hi.

KISIMNA LEKHABU 11:4

Chun, a lak ua nam dang umte chun sa a ducha ta ma mau a; Israelte chule a kap kit tau a: “Sa khatvei bêk kine leh aw!

KISIMNA LEKHABU 20:19

Israelte chun, “Lamlian bep ah um ding ka hiu; la tui uh kei uh leh ka ganchateu in ka dawn uh leh le a man pena’ng kau. Thil dang bangma hilo in, ka keng un ei chia thensak bep in,” ti’n a don un.

KISIMNA LEKHABU 32:1

Chun, Reuben chate leh Gad chate chun gancha a hau ta ma mau ah. Jazer gam leh Gilead gamte chu a mu phât un, ganchate â ding ah gampha ma ma ahi ti a he tau a;

DAN LEKHABU 3:19

Khawpi ka hun piaksate ah hin la jiteu, la chateu leh la gan honteu zosia (gancha hon tam tak la nei uh ka henai) la nutsia ding uh ahi.

JOSHUA 8:35

Mosi thupiak zosia chu Israel pungkhawm zosiate leh numei leh chapang neucha chate leh, gam dang mi a lak ua chêngdente ma-âng ah chun Joshua’n simdok lo him him a nei puai.