PAWTDAWNA THU 12:3 - PATHIAN LEKHABU THIANGTHO (BSI)

³ Israel mipite kiang ah chun, zia tha ah ni sawm tin ni hileh amau Inkuan tin in belam pakhat chiat, Inkuan khat in belam pakhat chiat ladok uh hen la;

PAWTDAWNA THU 12:3 ပူးပေါင်းရင်းမြစ်များ

THILSIAM THU 22:8

Abraham chun, “Ka chapa, Pathian in Ama â ding ah hâlmang thillat ding chu hun ngaitua kawm na’n a,” a tia. Tichun, a kiton pek tau a.

THILSIAM THU 4:4

Chuleh, Abel inle a belamte lak ah piang masa pen a sa lak ah a phatna pen pen te chu a hun lân a. Lalpa chu Abel leh a thillat ah chun a kipâk a;

2 KHANGTHU 35:7

Ziaphatchun, Josiah chun mipite â ding leh Chiakân Kût ah pang zosiate thillat ding chu a hun tuakdok ah; a tuakdaw belam leh belamno zosia chu sîng thum leh bawngchal sang thum ahi; zia zosia chu lengpa’n a neisa lak ah kipat a tuakdaw jat chu ahi.

PAWTDAWNA THU 12:2

“Zia Abib tha hi nang uh â ding ah kum khat sung ah tha masa pen, hi’ntin; zia chu nang uh â ding ah kumbul ah tha masa pen chu hi’n a.

PAWTDAWNA THU 12:21

Ziaphatchun, Mosi chun Israel upate zosia a ko khawm ah a kiang un, “Chia unla, Inkuan tin in belam no pakhat chiat Chiakân Kût matna dingin kithâ un.

PAWTDAWNA THU 12:4

Inkuan khat, belam pakhat ne zo lo ding khop ah tawm a um chun, a Invêng nai pente kikopsak inla; mi tin in a nêkkhop ding chiat un belam pakhat chu la kihopsak ding ahi.

PAWTDAWNA THU 12:6

Zia tha ma ma, a ni sawm leh li tin ni tiang in la koi ding a hia; Israel mipite chun zia nitâk thimbut phat chuleh that uh hen.

PAWTDAWNA THU 14:15

Ziaphatchun, Lalpa chun Mosi kiang in, “Bang ding ah kap la hem? Israelte chu ma lam zuan ah chia dingin hil in.

PAWTDAWNA THU 20:19

Mosi kiang in, “Nang in ka kiang un thu gen in, ngai ziang ing kau: Pathian vang ka kiang un thu gensak kin, thi kha’ng kau,” a tiu a.

PAWTDAWNA THU 4:30

Lalpa chun Mosi kiang ah thu a gen zosia chu Aron in a gensawn ah; chuleh, tepte’na thilmak le mipite mit mu ah chun a bawl ta.

PAWTDAWNA THU 6:6

Israel chate kiang ah chun: Kei Lalpa chu ka hi; Aiguptate puakgik nuai ah kipat leh a suak uh la channau ah kipat in hun hukdok ding ka hi; ka khutbân thahât ma ma chu hun thadok in, huaisia tak in amau hun gawt ing ka tin, hun hukdok ding ka hi.

EZEKIEL 40:1

Ka saltânnau kum sawmni leh nga’na, kumbul ah ni sawm tin ni, zia chu Jerusalem khawpi suksiat ah a um nung kum sawm leh li ni chun, Lalpa thilhitheina ka chung in a hung chu’n; chuleh, zia lam ah chun ei pui a;

THIAMPUTE LEKHABU 1:2

Israelte kiang in zia gual hin la gen ding ahi a tia: La lak ua kua a hem khat in gan-gual lak ah kipat Lalpa kiang ah lat ding a hun choi ding leh, bawng hon lak a hem, belam hon lak a hem leh kêl hon lak ah kipat in a hun lâk ding ahi.

THIAMPUTE LEKHABU 5:6

A thil bawlkhialna ziak ah kithoina ding ah lat dingin: gan hon lak ah belampi a hem, kelpi a hem khat Lalpa kiang ah lat dingin a hun kai ding ahi; tichun, thiampu’n a gitlona chung thu ah kitatna hun bawl piak in a.

KISIMNA LEKHABU 15:11

Zia gual chun, bawngchal khat a hem, belamchal khat a hem leh kêlno khat a hem chiat â dingin la bawl ding uh ahi.

JOHAN 1:29

A jing ah chun Johan chun, Jesu ama kiang lam zuan ah hung chu a mu phât in, “En tiam un Pathian Belamno, khawvel gitlo pawmangpa saw!

JOHAN 1:36

Jesu vâk vêl lai chu a la en un, ama chun, “En tiam un, Pathian Belamno saw!” a tia.

JOHAN 12:1

Chiakân Kût hun ding ni guk masang chun, Jesu chu Lazar, a thisa a kaithaw kitna Bethani khua khan a hung kit a.

JOHAN 12:12

A jing ah chun Kûtna hung mipi tam takte chun, Jerusalem ah Jesu a hung hi, ti a hun he tau a.

1 KORINTH 5:7

Thawipanglo changbuang kimêktang thak la hung hitheina ding un, thawi lui chu zendok tau in. I Chiakân kûtnau Khrista chu eimau â ding ah lat zaw ahi tangal a.

JOSHUA 7:14

Jingkal leh a phung a phung in la hung ding uh ahi. Lalpa‘n a mat khâk phungte chu a be’ a be’ in hung uh hen la; chuleh, Lalpa‘n a mat khâk be’te chu a Inkuan kuan un hung uh hen la; a Inkuan uh Lalpa‘n a mat khâkte chu a mi mal mal in a hung ding uh ahi.

THUPUAN 13:8

Khawvel siamtil ah kipat tha’sa, Belamno hinna Lekhabu min kikhum lo tapo leh, lei chung ah um zosia chunle ama chu hun be ta’n au.

1 SAMUEL 7:9

Tichun, Samuel in belamno, nawichep nalai pakhat chu Lalpa kiang ah hâlmang thillat dingin a pia ta’n; Samuel in Lalpa kiang in Israelte â dingin a dot piak ta’n; chuleh, Lalpa‘n a lawtin sak tai.