PAWTDAWNA THU 12:29 - PATHIAN LEKHABU THIANGTHO (BSI)

²⁹ Jankim lai tak in Lalpa chun Aigupta gam pumpi cha upa pen zosia, lalchutpha ah chu Pharaoh chapa upa pen ah kipat suangkul mun thim ah umpa chapa upa pen tiang leh gancha suak masa pen zosia tiang in a hun that gam ta’n.

PAWTDAWNA THU 12:29 ပူးပေါင်းရင်းမြစ်များ

THILSIAM THU 15:14

Himaleh, a nau a sep piak uh namte chu keima’n hun vaihawm ing ka tin; ziazaw chuleh, nei leh lam tam tak tawh hung pawtdok in au.

JOB LEKHABU 34:20

Mitphet kâl sung in a thiu ah; jan kal in mite chu kithing in a mangthai mai un, mihat chule khut thâk khum ngai lo ah, lak mang in a um mai sek ui.

SAM 105:36

A gam ua cha lutîl zosia, a hatnau ga masa penteu chu a that gam tai.

SAM 135:8

Aigupta gam ah nautîl: mihing hileh, gancha hileh, a la thatpa kha ama ahi.

SAM 136:10

A chatîl uh that ah Aiguptate gawtpa kiang ah chun, a ngilneina chu kumkhua’n um ding ahi ngal a;

SAM 78:50

A lungnatna â dingin lampi a bawl piak ah; a hinnau chu thi’na lak ah kipat in a humbit pua’n; a hinnau chu hipi kiang in a pia zaw tai.

SAM 78:51

Aigupta gam pumpi nau lutîl a that ah, Ham puanbûk ah a hatnau ga masa pente chiat chu, a that tai.

PAWTDAWNA THU 11:1

Lalpa chun Mosi kiang in, “Pharaoh tawh Aigupta gam chung in gawtna pakhat hun tunsak nalai ing ka tin, ziazaw chuleh hun pawt dawsak ta’n a: A hun pawt dawsak vânglak tak leh a del in hun del mang thaw ziang ding ahi.

PAWTDAWNA THU 12:12

Zia jan hileh, Aigupta gam pumpi hung vâkvêl ding ka hi’n: tichun, Aigupta gam sung ah a piang masa pen, mihing hileh, gancha hitaleh hun that gam sik sek ding ka hi: chutichun, Aigupta gam ah pathian zosia hun gawt ding ka hi: Keima hi Lalpa chu ka hi.

PAWTDAWNA THU 12:28

Israel upate chu a chiau ah, Lalpa chun Mosi tawh Aron thu a piak dungzui in a vabawl tau hi.

PAWTDAWNA THU 13:15

Pharaoh in ei pawt dawsak nop lo lai ah, Lalpa chun Aigupta gam ah cha lutîl zosia, mihing cha masa pen leh, gancha no masa pen chu a that hen: Ziaziakchun, sulhong masa pen, a chal taphot chu Lalpa kiang ah ka lat ahi; ahi’n la, ka chate lakah a piang masa pen chu ka tat ahi,” ti’n la dawnhu sek diu ahi.

PAWTDAWNA THU 4:23

Ka hun ni la hi, ka chapa hun thâdok in ei biak theina ding un. La hun thâdaw nop lo leh, ngaitia la chapa, la chapa upa pen chiat uh hun that ding ka hi,’ a tii, la ti ding ahi,” a tia.

PAWTDAWNA THU 9:6

A jing ah chun Lalpa’n zia gual chun a hun bawl tai. Aiguptate gancha zosia a thigam zo tau a; Israel chate gancha chu vang pakhatle a thi puai.

ISAI 24:22

Khûkse’kua suangkul ngâkte a khum khawm gual un, amau chu hun hawl khawm intin; suangkul ah kot kam khum intiu in, ni sawt tak zaw nung leh hun gawt ta’n a.

ISAI 41:11

La chung ah hachang thak zosia chu, himualpho leh hi’zachat in um in au; nangma hun dâl tapo chu, bangmalo suak in mangthai in au.

ISAI 51:14

Tawden ah umte chu kin tak ah thâdok in, hung um intiu in; amau chu thi in, mithi khua’n lut suk pua’n tiu in, nêk ding an le tasam ngai pua’n au.

JEREMIAH 38:13

Tichun, khauhual ah chun Jeremiah chu tuikul sung ah kipat chun a khaidok tau a. Tichun, Jeremiah chu gâlvêngte huang sung ah chun a um den tai.

JEREMIAH 38:6

Tichun, Jeremiah chu a man ua, lengpa chapa Malkiah tuikul vêngtute huang sung ah chun, khauhual in Jeremiah chu a khai lut tau a. Zia tuikul sung ah chun tui umlo in, buanthuak ngen a la um nalai ah; Jeremiah chu buanthuak lak in a ketha suk tai.

HABAKKUK 3:5

A ma-âng in huipi a chia ah, pûl in a nung a zui hi.

ZEKARIAH 9:11

Nangma â dinginle la kiang ah, thisan thuthung ka la siam tâk ziakin, tui umlona kawkhûk ah kipat in, la mi tângte chu hun thâ daw piak ing ka.

KISIMNA LEKHABU 3:13

cha lutîl zosia kei â ahi gual in; Aigupta gam ah cha lutîl zosia ka thagam lai ah khan, Israelte lak ah cha lutîl taphot, mihing hileh, gancha hileh, kei â ding ah ka hi’thian a hita ngâl ah; amau chu kei â hita’n au. Kei hi Lalpa ka hi’ngâl a.

KISIMNA LEKHABU 33:4

Aigupta mite zosia chu vang a chapa upa pen chiat uh, Lalpa‘n amau lak ah a thalup zosia vui in a buai ma mau ah. A pathianteu chung natiang in Lalpa‘n vai a hawm a.

KISIMNA LEKHABU 8:17

Israelte lak ah cha lutîl zosia, mihing hileh, gancha hileh, kei â ahi ngâl ah. Aigupta gam ah cha lutîl zosia ka thagam ni kipat khan, kei â ding ah ka hi’thian a hitau a;

HEBRAITE 11:28

Chatil thatpa chun, Israelte chatil haw a sukkhak lona ding in, ginna ziak in Chiakân kût chu mang in thisan a the’ hi.

HEBRAITE 12:23

van ah min kikhum masate kikhopna, mi zosia chung ah vaihawmpa Pathian leh midikte thagau sukbukim ah umte kiang;