PAWTDAWNA THU 12:16 - PATHIAN LEKHABU THIANGTHO (BSI)

¹⁶ A ni masa pen ah chun kikhopna thiangtho bawl in la tiu in; chuleh, a ni sagi ni chunle nang uh â dingin kikhopna thiangtho bawl in la tiu in; zia nite ah chun mi tin in a bawl lo ua phamaw, an bep chu la nethei ui; zia tilo chu thil dang him him la bawl lo diu ahi.

PAWTDAWNA THU 12:16 ပူးပေါင်းရင်းမြစ်များ

PAWTDAWNA THU 16:23

ama’n a kiang un, “Zia hi Lalpa’n jing hi Lalpa â ding ah sabbath thiangtho chu ahi; la kan ding uh chu tu’ni hin kang unla, la huan ding uh chu tu’ni hin huan un: Chuleh, a bângkhâi cheng chu jingkal kit â dingin koihe un, ti thu a la piak kha ahi,” a tia.

PAWTDAWNA THU 16:29

En in! Lalpa’n sabbath ni a hun pia tai; ziaziakchun, a ni guk ni hin ni ni â ding ah kidai vaithum a hun piak la hiu; mi tin la umnau mun chiat un umden mai unla, ni sagi ni ah hin kuama a umna mun ah kipat in pawtdok kiu hen,” a tia.

PAWTDAWNA THU 16:5

Ni guk ni leh ni dang ah a luak khawm sâng ua ah le’ni a tam zaw in a luak khawm sek ding uh ahi,” a tia.

PAWTDAWNA THU 20:10

Himaleh, a ni sagi ni hi Lalpa la Pathian Sabbath ni ahi: zia ni hin nang, la chapa, la chanu, la suakpa leh la suaknu, la ganchate leh la huang sung ah chêng malzin inle, kuama’n na la sep lo diu ahi.

PAWTDAWNA THU 34:18

Thawipanglo kût la bawl diu ahi. Thu ka hun piaksa gual ah khan, Abib tha sung ah hun ka tep piak dungzui ah khan, ni sagi sung chu thawipanglo vaithum la nêk ding uh ahi; zia Abib tha ah khan Aigupta gam ah kipat ka hun puidaw la hi’ngal un;

ISAI 1:13

La kithoina thil latteu a thawn ahi; la gimtui uh haw le ka chimchâk hi. La thathak leh sabbath niteu leh, gûkkhel kawm ah khawmpi thupi tak ah la bawlteu hi, ka thokda lam tak ahi.

THIAMPUTE LEKHABU 23:21

Zia ni chu khawmpi thiangtho ahi ti ah puang in mang unla, na la sep lo ding uh ahi. Zia hi la chênnau zosia ah la khang zosiau â ding ah dan thu guat chu ahi.

THIAMPUTE LEKHABU 23:27

“Zia tha sagi’na, ni sawm ni’ chu Tatna ni hi’ntin; kihigimthei unla, Lalpa kiang ah mei ah thillat la lat ding uh ahi;

THIAMPUTE LEKHABU 23:35

A ni masa pen chu khawmpi thiangtho hi’ntin: zia ni chun na la sep lo ding uh ahi.

KISIMNA LEKHABU 28:18

A ni masa pen hin kikhopna bawl unla, na him him la sep lo ding uh ahi.

KISIMNA LEKHABU 28:25

A ni sagi tin ni leh kikhopna thiangtho bawl in la tiu in; la nisi’n nasep uh bangma la sep lo ding uh ahi.

KISIMNA LEKHABU 28:26

Chun, buthak lop ni, Hapta Kût matna ni masa pen ah, Lalpa kiang ah buthak la lat niu ah chun, kikhopna thiangtho bawl unla, la nasep vantâng uh bangma la bawl lo diu ahi.

KISIMNA LEKHABU 29:1

Tha sagi’na’ a ni masa pen ah chun, la nisi’n nasep uh cholsan in, kikhopna thiangtho bawl un. Zia ni hi nang uh pengkul mût ni hi’ntin;

KISIMNA LEKHABU 29:12

Tha sagi’na, a ni sawm leh nga tin ni phat leh kikhopna thiangtho la bawl ding uh ahi; la nisi’n nasepteu chu bangma la bawl lo ding uh ahi. Lalpa â dingin ni sagi sung kût la bawl ding uh ahi.

JOHAN 19:31

Zia ni chu Judate Kiginni ahiziak in, a luang chu kros chung ah sabbath ni a um zing chu a dawi puau a; zia sabbath ni chu ni lopi ahi ngal a. A keng uh khet bot ah, a luang uh chu lakthâk dingin Pilat kiang in a vadon tau a.

DAN LEKHABU 16:8

Ni guk sung thawipanglo anneu inla, a ni sagi ni’ chun Lalpa la Pathian uh â ding ah khawmpi thiangtho bawl unla, zia ni hin la nasep vantang uh bangma la bawl lo ding uh ahi.