PAWTDAWNA THU 12:15 - PATHIAN LEKHABU THIANGTHO (BSI)

¹⁵ Ni sagi thawipanglo vaithum la nêk diu a hia; a ni masa pen ah chun la In ua kipat thawi la sukbei ding uh ahi: a ni masa pen ah kipat in a ni sagi ni tiang ah kuale thawi pang vaithum nekha tapo chu, zia mi ngei chu Israelte lak ah kipat nawdaw ding ahi ngal a.

PAWTDAWNA THU 12:15 ပူးပေါင်းရင်းမြစ်များ

THILSIAM THU 17:14

Pawsal zektanlo, a zekvun phe tanlo ah um chu, zia mi ngei chu a chipite lak ah kipat in hi’mangthai hi’ntin; ama chun ka thuthung botsia ahi,” a ti’n.

2 KHANGTHU 30:21

Jerusalem khua mipi hungkhawmte chun, Thawipanglo Kût chu kipak tak in ni sagi sung a mang tau hi. Chuleh, thiampute tawh Levi chite zosia chun, thilgithei zosia tawh thua in Lalpa choihoina La ngai tak in a sa tau hi.

EZRA 6:22

Kipak tak in thawipanglo Kût chu ni sagi sung a mang tau a; Lalpa‘n amau a sukkipak ziakin leh, Assuria Lengpa chun a lungthim amau ngaisak dingin a hei ziakin, Israelte Pathian chênna In sakna dingin nasa tak in a kithuapisak hi.

PAWTDAWNA THU 12:8

Zia jan ma ma ah chun a sa chu mei ah hai min in, thawipanglo vaithum tawh, lokha tawh la nêk ding uh ahi.

PAWTDAWNA THU 13:3

Mosi’n mipite kiang ah chun, “Aigupta gam ah saltânna In a kipat la hung pawtdawna niu, zia nikhua hi hezing unla: bân thahât ah Lalpa’n zia gam ah kipat chu a hun puidaw la hiziak un, thawi kisaw vaithum la nêk him him lo ding uh ahi.

PAWTDAWNA THU 23:15

Thawipanglo Kût la bawl diu ahi: a hunbî ding ah ka guatna Abib tha leh, thu ka hun piak gual in ni sagi thawipanglo vaithum la nêk diu ahi: zia tha hin Aigupta gam ah kipat hung pawtdok la hiziak un. Kuama khutngawn in ka kiang ah a hung kilat lo ding uh ahi.

PAWTDAWNA THU 30:33

Zia gual hi kuale a bawl a hem, ahiloleh, zia thau hi nu’ tâk lo kua a hem khat nu’khâk ah a um chun, a chipite lak ah kipat himangthai ding ahi, a tia.

PAWTDAWNA THU 30:38

Kuale ama mat ding ah zia gual ah kisiam a um chun, a chipite lak ah kipat nawdaw ding ahi,” a tia.

PAWTDAWNA THU 31:14

Sabbath ni chu la chan zing ding uh ahi, nanghaw â ding ah ni thiangtho ahiziak in: A subuak taphot chu tha ngal ding ahi. Zia ni ah nasêm taphot chu a chipite lak ah kipat paithâk ding ahi.

PAWTDAWNA THU 34:18

Thawipanglo kût la bawl diu ahi. Thu ka hun piaksa gual ah khan, Abib tha sung ah hun ka tep piak dungzui ah khan, ni sagi sung chu thawipanglo vaithum la nêk ding uh ahi; zia Abib tha ah khan Aigupta gam ah kipat ka hun puidaw la hi’ngal un;

PAWTDAWNA THU 34:25

Kei â ding ah kithoina thisan chu thawi pang vaithum tawh la hun lat khawm lo diu a hia; chiakân kût kithoina haw chule a jingkal kit tiang ah la khêk lo ding uh ahi.

THIAMPUTE LEKHABU 17:10

Kuale, Israel Inkuan lak ah mi a hem, gam dang mi la lak ua chêng a hem in, thisan a nêk khak chun, zia mihing chu do ing ka tin, ama chu a mite lak ah kipat in paitha ding ka hi.

THIAMPUTE LEKHABU 17:14

Taksa zosia hinna thu ah chun, thisan chu a hinna ahi ngâl a: Ziaziakchun, Israelte kiang in, bang sa le a thisan la nêk lo ding uh ahi; a ziak chu, a hinna chu thisan ahi ngâl ah, ti’n ka la gen ta ahi; kuale thisan nekha taphot la lak ua kipat paithâk ding ahi.

MALAKI 2:12

Sepai honte Lalpa kiang ah zia gual ah thil lân ah, hetpi leh lemguatpi ah pang taphot chule Lalpa‘n Jakob puanbûk ah kipat in paidok mai hen.

KISIMNA LEKHABU 28:17

Zia tha’ a nisawm leh nga tin ni chu chiakân kût bawl ni ahi; ni sagi sung thawipanglo vaithum la nêk ding uh ahi.

KISIMNA LEKHABU 9:13

Ahi’n la, kuale a thiang hi’ngâl ah, khualzin mang le hidiak lo ah chiakân kût mang lo a um chun, zia mihing chu a hunbî kiguat dungzui ah Lalpa kiang ah thilpiak a lat lo ziakin, a chipite lak ah kipat pai thâk ding ahi. Zia gual mihing chun a maw kipuak in ah.

MATTHAI 16:12

Ziaphatchun, vaithum thawi hilo in, Pharisaite leh Sadukaite thuhilna lak ah kivêng dingin a ti’na ahi zawi ti chu, a hun he tau a.

LUKA 12:1

Zia nung ah chun mipi sim sên lo ding hial tam tak hung khawm in, a kiphu mên mûn ziang tau ah; a nungzuite kiang ah chun: Pharisaite phatlêmna thawi lak ah chun chingthei un.

LUKA 2:43

Kût a matzaw phat un a hung kit tau a; himaleh, naupang Jesu chu Jerusalem in a la um den ta’n; Joseph leh a nu chun a hepuau a.

NASEPTE 12:3

Zia gual ah a bawl chun Judate a kipaksak hi ti a het phat in, Peter chule mat a gua kit ngen a. (Zia chu Thawipanglo Kût hun lai a hin.)

GALATIA 5:12

Nang uh hun subuaite hi paithâk hingal ngal leu ka nuam ahi.

DAN LEKHABU 16:3

Zia sa chu thawi tawh la nêk khawm lo ding uh ahi. Aigupta gam ah kipat kin tak ah la pawt daw niu chu la dam sungsiau ah la het zing theina ding un, thawipanglo, kihigimna an chu ni sagi sung la nêk ding uh ahi.

DAN LEKHABU 16:5

Lalpa la Pathian un a hun piakna gam sung ah la chênnau khua him him ah chiakân kût kithoina la bawl lo ding uh ahi.

DAN LEKHABU 16:8

Ni guk sung thawipanglo anneu inla, a ni sagi ni’ chun Lalpa la Pathian uh â ding ah khawmpi thiangtho bawl unla, zia ni hin la nasep vantang uh bangma la bawl lo ding uh ahi.