PAWTDAWNA THU 12:14 - PATHIAN LEKHABU THIANGTHO (BSI)

¹⁴ Zia ni hi nang uh â ding ah het zing ding hita’n a. La suanteu tiang ah Lalpa â ding ah Kût a la mat zing ding ua dan ah siam in, kumtuang ah Kût ah la mat diu ahi.

PAWTDAWNA THU 12:14 ပူးပေါင်းရင်းမြစ်များ

2 LENGTE 23:21

Zia lai ah chun, Lengpa chun mipi zosia kiang in thu a pia, “Zia thuthung lekhabu kizik gual gual ah hin, Lalpa la Pathian uh ti dan gual tak in Chiakân Kût dan chu la zui diu ahi,” a tia.

SAM 111:4

A thilbawl danglamte ziakin minthanna a law in; Lalpa chu hepina leh lainatna dim ahi.

SAM 135:13

Aw Lalpa, la min kumtuang in um zing intin; aw Lalpa, la minthanna chunle kumtuang dai in a.

PAWTDAWNA THU 12:17

Zia ni ah hin la mipite Aigupta gam ah kipat in ka puidaw ziakin, thawipanglo vaithum in Kût la mat ding uh ahi: la khang zosiau in kumtuang ah la mat theina ding un dan ah la siam diu ahi.

PAWTDAWNA THU 12:24

Zia thil hi nang uh leh la chateu â ding ah dan gual in la mat zing ding uh ahi.

PAWTDAWNA THU 12:43

Lalpa chun Mosi tawh Aron kiang in, “Zia hi Chiakân Kût la bawl ding dan uh thuthung chu ahi: Malzin mêlhet lo in a nêk lo him him ding ahi.

PAWTDAWNA THU 12:6

Zia tha ma ma, a ni sawm leh li tin ni tiang in la koi ding a hia; Israel mipite chun zia nitâk thimbut phat chuleh that uh hen.

PAWTDAWNA THU 23:15

Thawipanglo Kût la bawl diu ahi: a hunbî ding ah ka guatna Abib tha leh, thu ka hun piak gual in ni sagi thawipanglo vaithum la nêk diu ahi: zia tha hin Aigupta gam ah kipat hung pawtdok la hiziak un. Kuama khutngawn in ka kiang ah a hung kilat lo ding uh ahi.

PAWTDAWNA THU 27:21

Kikhopna biakbûk ah, puanjak pawlam ah thuthung thingkuang âng lam ah chun Aron leh a chapate chun, nitâk ah kipat jingkal kit tiang ah Lalpa âng ah mit lo ah kuang zing dingin a guanggal diu ahi. Zia hi Israel chate â ding ah a khang a khang ua, kumtuang ah a bawl zing ding ua ka thuguat det tak chu ahi, a tia.

PAWTDAWNA THU 5:1

Ziazaw chun, Mosi tawh Aron chu Pharaoh kiang in a chiau ah, a kiang in, “Lalpa, Israel Pathian in: Ka mipite pawt dawsak inla, gamthip ah ka kiang ah Kût a bawltheina ding un, a tii,” a tiu a.

EZEKIEL 46:14

Chuleh, jingkal si’n leh changbuang, Ephah khat mun guk ah khen a mun khat tawh, changbuang helnêm ding sathau Hin khat mun thum ah khen a mun khat tawh, Lalpa kiang ah changbuang thillat ding in a piak zing ding ahi; zia hi chawl lo ah hâlmang thillat bawl ding dan chu ahi.

THIAMPUTE LEKHABU 23:6

zia tha ma ma, a ni sawm leh nga ni chu Lalpa â ding ah Thawi panglo Kût bawlna ding ni chu ahi: Ni sagi sung thawipanglo vaithum la nêk ding uh ahi.

ZEKARIAH 6:14

Chuleh, Lalpa tempul ah hetzingna dingin lallukhuk chu, Zephaniah chapa Heldai leh Tobijah leh Jedaiah leh Joshiahte etkol dingin um ta’n a.

KISIMNA LEKHABU 10:8

Aron chapa thiampute chun pengkul chu a mût ding uh ahi’n; zia gual ah chun la suan zosiau ah tawp lo ah la bawl sek ding uh ahi.

KISIMNA LEKHABU 15:15

Mipi pung khawm zosia lak ah nang uh tawh, la lak ua gam dang mi chêngdente zosia’n, dan zui ding pakhat bep la nei ding uh ahi, zia dan chu la suan zosia tiang un, khang tin in a mat ding uh a hi; nang uh tawh la lak ua gam dang mi chêngdente hile la leng un Lalpa âng ah kibang chiat la hi ding uh ahi ngâl a.

KISIMNA LEKHABU 16:40

Israelte â ding ah tepte zing dingin, Aron suante hilo nam dang him him in, Lalpa ma ah gimtui hâl ding ah a hun nailona ding un; Lalpa chun Mosi kiang ah a la gen tâk gual in, zia gual ah bawl kit a um chun, Korah leh a lawite gual ah a manthailona ding un.

KISIMNA LEKHABU 18:8

Lalpa chun Aron kiang in: Israelte thilpiak thiangtho zosia leh, ka kiang ah a thillat zosiau chu, nangma ka hun piak la hi tai; tichun, nangma tawh la chapate zosia’n la kumkhaw go ding ua thiampu chantum ding ah ka hun piak ahi.

MATTHAI 26:13

Titakzet in ka hil la hiu, khawvel pumpi chanchinpha kigenna taphot in, zia numei thilbawl hi ama hetzingna dingin kigen zing ta’n a, a tia.

LUKA 22:19

Vaithum chule a la, kipak thu a gen zaw in, a hun phelsua ah, a kiang un a pia, “Zia hi ka taksa nang uh â ding ah kipia chu ahi. Lei hetzingna un hun bawl zing sek un,” a tia.

DAN LEKHABU 16:1

Lalpa la Pathian un Aigupta gam ah kipat in, Abib tha ah jan ah a hun puidok uh la hiziak un, Abib tha sung ah hin Lalpa la Pathian uh â dingin chiakân kût mang sek un.

DAN LEKHABU 16:11

Lalpa la Pathian un a min umna ding ah a guatna mun ah chun, nang tawh la chapate, la chanute, la suakpa leh la suaknute, la lak ua um Levite, gam dang mite, nauchagate leh meithâite chu tawh la leng un, Lalpa la Pathian uh ma-âng ah lim tak in la ûm khawm ding uh ahi.

DAN LEKHABU 6:8

Melchikna dingin la khutbân un but unla, la chalkiu inle kop unla;

JOSHUA 4:7

Lalpa thuthung thingkuang ma-âng in Jordan lui tuite a kangtan in; chuleh, Jordan lui a jawn gâlkai lai un Jordan lui chu a kangtan hi, ti hil in la tiu in. Chutichun, zia suangte hi Israelte â ding ah kumtuang ah hetzingna hita’n a,” a tia.

1 SAMUEL 30:25

Zia ni kipat chun Israelte’n a zui ding uh dan thu a pia ta’n; tu’ni tiang hin a zui den tau hi.