PAWTDAWNA THU 12:11 - PATHIAN LEKHABU THIANGTHO (BSI)

¹¹ Zia gual ah hin la ne diu ahi: la kawng uh gâksa, kengtaw butsa, khut ah tiangkhut chawisa’n, an chu kin tak ah la nêk diu ahi; zia hi Lalpa Chiakân Kût chu ahi.

PAWTDAWNA THU 12:11 ပူးပေါင်းရင်းမြစ်များ

2 LENGTE 23:21

Zia lai ah chun, Lengpa chun mipi zosia kiang in thu a pia, “Zia thuthung lekhabu kizik gual gual ah hin, Lalpa la Pathian uh ti dan gual tak in Chiakân Kût dan chu la zui diu ahi,” a tia.

PAWTDAWNA THU 12:13

Gan thisan chu nang uh â dingin la umna chiat ua tepte’na hi’n a: thisan chu ka hun mu phat leh nang uh hun chopkân ing ka tin; chuleh, Aiguptate ka soisak phat leh, nang uh hi’mangthai dingin la chung un hipi chu tung pua’n a,” a tia.

PAWTDAWNA THU 12:21

Ziaphatchun, Mosi chun Israel upate zosia a ko khawm ah a kiang un, “Chia unla, Inkuan tin in belam no pakhat chiat Chiakân Kût matna dingin kithâ un.

PAWTDAWNA THU 12:27

‘Zia hi Aigupta mite a thâ lai ah ei uh Aigupta gam ah um Israelte In chopkânpa Lalpa Chiakân Kût kithoina chu ahi,’ la ti ding uh ahi,” a tia. Chutichun, mipite chun a luchang uh kûn chiat in a ho tau hi.

PAWTDAWNA THU 12:43

Lalpa chun Mosi tawh Aron kiang in, “Zia hi Chiakân Kût la bawl ding dan uh thuthung chu ahi: Malzin mêlhet lo in a nêk lo him him ding ahi.

ISAI 52:12

Kinaw tak ah la chiau ngai pua’n tin, lauthawng ah taidaw le ngai pua’n a; Lalpa chun la mau pui intin, Israelte Pathian chun la nung uh, hun dâl ding ahi ngâl a.

EZEKIEL 45:21

Tha khatna, a ni sawm leh li tin ni leh, chiakân kût la bawl diu ahi; zia hun ni sagi sung chun thawipanglo vaithum bep la nêk diu ahi.

THIAMPUTE LEKHABU 23:5

Tha khatna, a ni sawm leh li ni, nitâk chu Lalpa Chiakân kithoina hun chu ahi;

KISIMNA LEKHABU 28:16

Chun, kumsin ah a tha khatna, ni sawm leh li tin ni si’n leh, Lalpa â ding ah chiakân thillat la bawl zing ding uh ahi.

KISIMNA LEKHABU 9:1

Aigupta gam ah kipat a pawt daw nung uh kum ni a tinna, tha khatna chun Sinai gamthip ah Lalpa chun Mosi kiang in zia gual hin a hun gen ah:

LUKA 12:35

La kawng uh gâk unla, la thaumei uh vâksa’n um un;

LUKA 15:22

Ahi’n, a pa chun a suakte kiang ah, kin tak in, “Puan phapen kha hun la’n silsak un; chuleh, khutsebi busak unla, kengtawdap le hun busak un.

LUKA 2:41

Kum si’n leh Chiakân kût mang ah a nu leh pa chu Jerusalem ah a chia sek un;

LUKA 7:38

A nung ah chun a kengbul ah kap kawm kawm in a ding ah, a mitthitui in a kengpêk chu a hi’top ah, a sam in a thiak ta’n. A kengpêk chu a chawp ah, zia sathau chu a nu’ tai.

1 KORINTH 5:7

Thawipanglo changbuang kimêktang thak la hung hitheina ding un, thawi lui chu zendok tau in. I Chiakân kûtnau Khrista chu eimau â ding ah lat zaw ahi tangal a.

EPHESA 6:15

Chuleh, la kengteu â dingin chamna chanchinpha chu but un.

DAN LEKHABU 16:1

Lalpa la Pathian un Aigupta gam ah kipat in, Abib tha ah jan ah a hun puidok uh la hiziak un, Abib tha sung ah hin Lalpa la Pathian uh â dingin chiakân kût mang sek un.

JOSHUA 5:10

Chun, Israelte zosia Gilgal ah a châm sung un, Jeriko phâijawl ah chun zia tha, a ni sawm leh li nitâk ah chun Chiakân Kût a mang tau a.

1 PETER 1:13

Ziaziakchun, nasem dingin la lungthim uh kisazo unla, kisawizoi un; Jesu Khrista kilâk phat leh hepina hung tung ding chu lungthuai lo in kineppi zing un.