PAWTDAWNA THU 11:10 - PATHIAN LEKHABU THIANGTHO (BSI)

¹⁰ Mosi tawh Aron in zia thilmak zosia chu Pharaoh ma-âng in a bawl tau a; himaleh, Lalpa chun Pharaoh lungthim a hikhau ah, a gam ah kipat in Israelte chu a pawt dawsak nuam diak puai.

PAWTDAWNA THU 11:10 ပူးပေါင်းရင်းမြစ်များ

JOB LEKHABU 9:4

Ama chu lunggil ah pil leh, thilhitheina hat ahi ngâl ah, ama dodâl ah lawting ding kua a hem um?

PAWTDAWNA THU 10:20

Himaleh, Lalpa chun Pharaoh lungthim chu a hikhau ah; tichun, Israel chate chu a chiasak nuam nai diak puai.

PAWTDAWNA THU 10:27

Himaleh, Lalpa chun Pharaoh lungthim chu a hikhau ah; tichun, a mau chu a pawt dawsak nuam diak puai.

PAWTDAWNA THU 12:1

Lalpa chun, Aigupta gam ah chun Mosi tawh Aron kiang in thu a gen a:

PAWTDAWNA THU 3:19

Ka khut thahat in a cham lo ah a phalsak lo ngal leh Aigupta lengpa chun hun pawt dawsak phal pua’n ah ti ka henai.

PAWTDAWNA THU 4:21

Lalpa chun Mosi kiang in, “Aigupta gam lam ah la chia kit phat leh thilmak la bawlthei ding ah ka hun piak zosia kha Pharaoh ma-âng in la bawl suak na em ti enpha’n la; ahi’n, a lungthim hi’tâk ding ka hi; tichun, mipite chu pawtsak nuam pua’n a.

PAWTDAWNA THU 7:3

Himaleh, Pharaoh lungthim hikhau ing ka tin; tichun, Aigupta gam ah chun ka teptênate leh thilmakte hi’pung ing ka.

PAWTDAWNA THU 9:12

Himaleh, Lalpa’n Pharaoh lungthim chu a hikhau ah; tichun, amau thu chu a limsak nuam diak puai, Mosi kiang ah Lalpa’n a gensa gual ah khan.

ISAI 63:17

Aw Lalpa, bang ding ah la lampi ei haw khialsak a, nangma hun lau lo ding ah bang ding ah ka lungthim uh, ei suktâk piak la hem? La suakte min ziak leh, la gochan namte haw ziak hin, hung kihei kit in.

JOHAN 12:40

“Ama’n a mit uh a hi’thûm ah, a lung uh ahi tâk ah; a mit ua a mu lo ua, a lungthim ua a het thiam lo ua, a lung hei lona ding un, achutiloleh a la hi’dam kha ding ka hi,” a ti kit gual in.

ROMTE 9:18

Ziaziakchun, ja a ngaina ding chung ah chun ja a ngai ah, a nop nople a lung uh a hi’tâk piak sek hi.

ROMTE 9:22

Lungnatna mangthai ding ah kilawmte chung ah, Pathian in a lungnatna leh a thilhitheina latsak nuam ah, a dawzaw ham ham leh bang khawk ding a hem?

DAN LEKHABU 2:30

Himaleh, Heshbon lengpa Sihon chun a gam sung ka hawthen ding uh a phal ta pua’n; Lalpa la Pathian un amau chu la khut ua a hun piak theina dingin a lungthim uh a hikhau piak ah, tu’ni tiang ah la mu gual ngei un, a lungthim uh a hi’lulul ta ahi.

JOSHUA 11:20

Mosi kiang ah Lalpa‘n thu a la piak gual ah a sukchimit sik sek ah, daidawp lo ah a sukmang dik dek theina dingin Lalpa‘n a lungthim uh sutâk in, Israelte chu a dosak sek ahi ngâl a.

1 SAMUEL 6:6

Bang ding ah Pharaoh leh Aiguptate gual ah kilochalsak la hiu em? Pathian in tawtbawlna a mat zaw nung ah, Israel mipite thâdaw sak in, a pawtsak tho tho hilo maw?