PAWTDAWNA THU 11:1 - PATHIAN LEKHABU THIANGTHO (BSI)

¹ Lalpa chun Mosi kiang in, “Pharaoh tawh Aigupta gam chung in gawtna pakhat hun tunsak nalai ing ka tin, ziazaw chuleh hun pawt dawsak ta’n a: A hun pawt dawsak vânglak tak leh a del in hun del mang thaw ziang ding ahi.

PAWTDAWNA THU 11:1 ပူးပေါင်းရင်းမြစ်များ

THILSIAM THU 15:14

Himaleh, a nau a sep piak uh namte chu keima’n hun vaihawm ing ka tin; ziazaw chuleh, nei leh lam tam tak tawh hung pawtdok in au.

JOB LEKHABU 10:17

Keima ei kãl ah thugen ding hiatpitu la koi tam deu deu ah, ka chung ah soisak dan zat chuam chuam bawl belap in, ei do ding sepai a thak thak la hun sawl hi.

PAWTDAWNA THU 12:29

Jankim lai tak in Lalpa chun Aigupta gam pumpi cha upa pen zosia, lalchutpha ah chu Pharaoh chapa upa pen ah kipat suangkul mun thim ah umpa chapa upa pen tiang leh gancha suak masa pen zosia tiang in a hun that gam ta’n.

PAWTDAWNA THU 3:20

Tichun, ka khut hun tha’ng ka tin, thilmak tak tak a gam sung ah ka bawl dingte mang in, Aigupta soisa ding ka hi; ziazaw phat chuleh, hun pawtsak bep ding ahi.

PAWTDAWNA THU 6:1

Ziaphatchun, Lalpa chun Mosi kiang in, “Tu’hin Pharaoh chung ah bang bang hun bawl ding ka hem ti hun mu’n la: Keima khut thahât tak ziakin amau chu hun pawt dawsak ding ahi ngal ah; ama chun keima khut thahâtna ziakin a gam sung ah kipat in hun nawdok ding ahi,” a tia.

PAWTDAWNA THU 9:14

Tu’chung ah ka hun gawtna ding hi nangma leh la miliante leh la mipite zosia chung ah tunsak ding ka hi; chutichun, keima gual hi lei chung zosia ah hin a dang umlo ahi ti la hettheina dingin.

THIAMPUTE LEKHABU 26:21

Ka doi lo gual ah la umzing ua, ka thu la ngai lo uh chun, la gitlonau chu a le’sagi’n hun thuk ding ka hi.

DAN LEKHABU 4:34

Ahiloleh, nam dangte lak ah patepnate, teptênate, thilmakte, kidona ah a khut thahât takte bânjak ah, tizat um tak ah Aiguptate khut ah kipat Lalpa la Pathian un la mit mu ngei ua, ama â ding bîk ah a hun kipui daw gual ah hin, Pathian dang, zia gual bawlthei leh bawl kha hi la he’kha ngai him him awm?

THUPUAN 16:9

Tichun, mihingte chu satna huaisia tak in a hâlkang ta’n; himaleh, zia gawtna chung ah thilhitheina neipa Pathian min chu chawihoi sâng in, a gensiau ah, a lung uh a hei diak puau hi.

1 SAMUEL 6:4

Mipite chun, “Aleh, gitlo thoina ding ah ka thakkhawm ding un bang pia ding ka hiu em?” ti’n a dong ua. Amau chun, “Philistinte lak ah hausa panga jat tawh kituak in, zia vunnatna lim hi panga tawh, santhîm lim panga ma ma, sana-ah bawl in thotkhawm un; zia hivei chu la lalteu leh mipi vantangte chung inle a tung chiat ngâl a.