PAWTDAWNA THU 10:3 - PATHIAN LEKHABU THIANGTHO (BSI)

³ Tichun, Mosi tawh Aron chu Pharaoh kiang in a chia tau ah, a kiang in, “Zia gual hin Hebraite Pathian in a gen hi: Ka ma-âng ah hin kingaitawm nuam lo ah bang chan um nalai ding la hem? Ei ho theina ding un ka mite hun thâdok ta’n;

PAWTDAWNA THU 10:3 ပူးပေါင်းရင်းမြစ်များ

1 LENGTE 18:21

Ziaphatchun, Elijah in mipi zosia chu a hun nai ah, “Lung vânglak tak ah bang chan chawm lumlet ding la hiu em? Lalpa chu Pathian ahileh, ama zui unla; Baal chu ahi zawk leh le zui tau in,” a tia. Mipite chun kam khat inle a dawnhu puau hi.

1 LENGTE 21:29

“Ka ma-âng ah Ahab a kingainiam tak dan saw la mu em? Ka ma-âng ah a kingainiam tâk ziakin, ama dam sung sia’n siatna chu hun tung sak lo ding ka hi; himaleh, a chapa dam sung in a Inkuan ah siatna tunsak ding ka hi,” a tii, ti’n a gen tai.

2 LENGTE 22:19

la lungthim chu a nem ziakin leh nangma ngei chu Lalpa ma-âng ah, zia tak leh a mun ah chêngte hânsia khuk leh sukgam ah um dingte chung thu ding ka gen la het phatah, la puante la botthêk ah, ka ma-âng ah la kâ ziak hin, la kingainiam ma ma hi ti ka hia’i; ziaziakchun, la thu hi ka hun ngaithâk piak ahi.

2 KHANGTHU 33:12

Lungngaina huaisia tak a tuak phatin, a pu leh pate Pathian, Lalpa kiang ah kingainiam tak in a doisakna a don tai.

2 KHANGTHU 33:19

A pauchapna, Pathian in a thildot a dawnhu dan, a gitlona zosia leh a ginum lo dante, a thoimual siamna munte, dawikhuam a bawlte leh a milim siamte leh a kingainiam ma’ a thilbawl zosia chu, thiamgau in a thil tepte’na lekhabu chun a la zik lut suak ta ahi.

2 KHANGTHU 34:27

zia mun thu leh a sung ah chêngte chung thu kigen haw la het ah, Pathian âng ah kisik leh kingainiam tak ah la umna ziakin, ka ma-âng ah la puante botthêk ah, la hung kâ tâk ziakin, ke’nle la ni’na chu ka la ngaitha tai, Lalpa‘n a tii.

2 KHANGTHU 7:14

ka min pu ka mipite a hung kingaitawm ua, a hung pauchap ua, ka mêl a hun hawl ua, a nun siatnau lampi a hun kiheisan phat ua leh, van ah kipat hun ngaitha’ng ka tin, a gitlonateu ngaidam in, a gam uh hi’dam kit ding ka hi.

JOB LEKHABU 42:6

Ziaziakchun, kei leh kei ka kiki’dak ta’n, leivui leh vut lak ah kitung in, ka kisîk ta ahi, ti in.

PAWTDAWNA THU 10:4

chutia, ka mipite la hun thâdaw nop lo tei tei nâk lai ahileh ngai in, jing leh la gam sung pumpi ah hin khaubepi hun umsak ding ka hi.

PAWTDAWNA THU 16:28

Lalpa chun Mosi kiang in, “Ka thupiakte leh ka dante hi bang chan a hem jawm lo ah la um ding uh?

PAWTDAWNA THU 4:23

Ka hun ni la hi, ka chapa hun thâdok in ei biak theina ding un. La hun thâdaw nop lo leh, ngaitia la chapa, la chapa upa pen chiat uh hun that ding ka hi,’ a tii, la ti ding ahi,” a tia.

PAWTDAWNA THU 5:1

Ziazaw chun, Mosi tawh Aron chu Pharaoh kiang in a chiau ah, a kiang in, “Lalpa, Israel Pathian in: Ka mipite pawt dawsak inla, gamthip ah ka kiang ah Kût a bawltheina ding un, a tii,” a tiu a.

PAWTDAWNA THU 9:17

Tu’tiang ah hin ka mipite chung ah hin la kichawisâng nalai ah, pawt sak nuam nai diak lo la hi;

THUPILTE 1:22

Nang uh mimawlte haw, bangchan a hem mawlna la ngainat ding uh? Bangchan a hem mi dâi chavaite daichâkvaina la limpiu ah, mingolte’n hiatthiamna a huat ding uh?

THUPILTE 1:24

Ka ko le la lei dawnhu puau a, ka khut ka jak inle, kuama’n lei ngaisak puau hi,

THUPILTE 18:12

Manthaina ma’n lungthim chapona a hung um masa sek in, choisânna ma-âng in kingaitawmna a um masa sek hi.

ISAI 1:5

Jep be hawl nalai la hem? Bang ding ah huhel nalai maw? Luchang a pum in a na hen, lungchang le a pum in a chau tai.

ISAI 2:11

Mi kingaisângte chu hi’niam in um intin uh, mi kisathei zosia chu hi’tawm in um in au; zia hun chuleh Lalpa bep chu, choisa’n ah um ding ahi.

JEREMIAH 13:10

Zia mipi gilote, ka thugen ngai nuam lo, amau nop dan lochal tak ah zui ah, a na sep piak ding ah pathian dang zuan ah vabia te chu, zia dialchên puan gual ah hin, bangma mat theilo ding ah sia gual hin hung um ta’n au.

JEREMIAH 13:18

Lengpa leh lengnu kiang in, “Kingainiamna chutna’n kitung un; la luchang ua kipat lal lukhuk mêlpha tak chu, lâkthâk hiding ahi ta’ngal a,” ti in.

JEREMIAH 50:29

Babulon do dingin thal kap thiam, thalpi chawi zosia chu ko khawm un. Hual kîmvêl unla, khat chale suachâtsak kiu in. Lalpa, Israelte Mithiangtho chu ki-uangsak tak ah a la simmaw ziak un. Ama’n a la bawl tawh kiphutawk in a chung ah bawl tau in.

EZEKIEL 5:6

Himaleh, ka dan leh thuguatte bawtsia’n, a kîmvêl ah nam dangte leh, gam dang mite zosia sâng ah nunsia zaw a um tâk ziak un, ka dan leh thuguatte pâmpai in, ka dan siamte a zui nuam ta puau hi.

DANIAL 5:22

Chun, a chapa, nangma Belshazzar in, zia zosia chu la hiatsapi’n le la lungthim la kheniam nuam nai diak pua’n;

KISIMNA LEKHABU 14:27

Zia tak ah migilo pungkhawmte hi ka chung ah bang chan phunchiak ding a hiu em? Israelte phunchiakna, ka chung ah a phunchiaknau ngei chu ka he ta ngâl a.

ROMTE 2:4

Ahiloleh, Pathian phatna, zaidawna leh thawk-hatna thûk zia chu musit ziang la hem? Pathian phatna chun lungheina dingin a hun pui huai zing hi ti helo la hem?

HEBRAITE 12:25

Zia thugente chu doi lo ah la la um lona ding un chingthei un. Lei ah a kiang ua thugente doilote bawn in gawtna a pumpel lo ua leh, van ah kipat thu hung genpa chu a la kiheimang san leu hin, bangti suachât ding I hiu em!

JAKOB 4:10

Lalpa âng ah kikoi niam un; tichun ama’n hun chawisâng in a.

1 PETER 5:6

Ziaziakchun, a hun tak ah a hun chawihoi theina dingin, Pathian khut hât tak nuai in kikoi niam un.