PAWTDAWNA THU 10:21 - PATHIAN LEKHABU THIANGTHO (BSI)

²¹ Lalpa chun Mosi kiang in, “La khut chu van lam in vak jak tiam in, Aigupta gam sung ah thimna, khoikhâk thei hial ding ah thim a ji’n theina dingin,” a tia.

PAWTDAWNA THU 10:21 ပူးပေါင်းရင်းမြစ်များ

JOB LEKHABU 5:14

Sun khawvak lai inle khawthimna a tuak un, sûnchang lai tak inle, jan lai gual in a kisui sek ui.

SAM 105:28

Ama’n thimpi a sawl ah, a gam uh a hi’thim ta’n; a thute nial in a huhel ui.

SAM 35:6

A lampiu thim in nâl hen la, Lalpa vansawlchâk in delzui ta hen.

SAM 78:49

A lungnatna nasa tak, siatso’na, thangtawmna leh lungjinna chu tawh, gawt chimit ding vansawlchâk tawh, a chung un a tunsak tai.

PAWTDAWNA THU 7:19

Lalpa chun, Mosi kiang in, “Aron kiang in, la tiang kha la’n la, Aigupta gam sung ah tuite, luite, tuilamte, tuikhukte leh dil zosia chung ah la khut jakdok in; tui zosia chu thisan a hung suak theina dingin: Tichun, Aigupta gam zosia ah chun thing kuangkûmte leh suang bêlte zosia sung ah thisan um ding ahi ngal in, ti’n gen in,” a tia.

PAWTDAWNA THU 9:22

Lalpa chun, Mosi kiang in, “Aigupta gam pumpi’ mihing chung hileh ganchate chung leh anchelohing tincheng chung ah, Aigupta gam pumpi ah gial a kiak theina dingin la khut van lam in jakdok in,” a tia.

THUPILTE 4:19

Mi nunsiate lampi chu, khûk thim tak gual ahi’n; a bang pen ah kisui a hiu le a hethei ngai puau hi.

THUGENTU 2:14

Mipil chun a luchang in mit a nei in; mingol ahileh vang thim lak in a chia hi. Ahi’nla, a chung ua thil tung zosia chu a kibang chiat ahi ti le ka mu tai.

THUGENTU 6:4

Ama chu bangmalo in a hung piang ah, thim lak ah chun a lut ah; a min chu thimna’n a khûmang ta’n;

EZEKIEL 32:7

Nang ka hun gawtmang phat leh, vante khû ing ka tin, aksitele thimsak ing ka; nisa chu sûmpi liasak ing ka tin, thapi le thim ta’n a.

MATTHAI 27:45

Sûn kim ah kipat sunnung dak thum chan in gam pumpi a thim suak tai.

MARKA 15:33

Sûnkim ah kipat in nitâk lam dak thum tiang gam pumpi a hung thim ta’n.

LUKA 23:44

Sûnkim a hung hita’n; zia hun ah kipat chu sunnung lam dak thum tiang, lei chung pumpi chu a hung thim suak ta’n.

DAN LEKHABU 1:30

Lalpa la Pathian nang uh hun puipa chun, Aigupta gam ah la mitmuu ah thil a hun bawl piak gual tho ah khan, la gâlteu chu hun do piak ding ahi;

DAN LEKHABU 28:29

thim lak ah mitthûm ah kimai mai gual un, sûnchang lai tak inle kimai kimai la tiu in, ahi’n la, la lampi ding uh mudok zo diak pua’n lau; tichun, mi dangte daichâkvai leh suam gam in um ta’n la tiu in, kuama a hun panpi ding um pua’n a.

DAN LEKHABU 4:34

Ahiloleh, nam dangte lak ah patepnate, teptênate, thilmakte, kidona ah a khut thahât takte bânjak ah, tizat um tak ah Aiguptate khut ah kipat Lalpa la Pathian un la mit mu ngei ua, ama â ding bîk ah a hun kipui daw gual ah hin, Pathian dang, zia gual bawlthei leh bawl kha hi la he’kha ngai him him awm?

2 PETER 2:17

Ziate chu tuikhuk tui umlo leh, sûm tui paw lo hui in a mut lumlet a hiu ah, amau â dingin thimna sâ pen chu khêk in a um tai.

2 PETER 2:4

Vansawlchâkte’n thil ahi’khial lai un Pathian in a hawi pua’n, gawtmun in a pai a, vaihawm khum dingin thimna thûkpen in a khum tai.

JUDA 1:13

tuisuagiat kinawk phuan gual ah amau mualphona kilang leh, kumtuang ah thim nuai ah um ding ah kikhêk aksi sawmlêngte gual a hiu hi.

JUDA 1:6

Chuleh, vansawlchâkte, amau hi’na zui lo ah, a umna mun uh nusiate chu, ni lopi ah vaihawmna â dingin thim nuai ah kumtuang kolbul in hensa’n a koihe tai.

THUPUAN 8:12

Chun, vansawlchâk palina chun a pengkul chu a mût leh, nisa mun thum ah khen mun khat leh, thapi mun thum ah khen mun khat leh, aksite mun thum ah khen mun khat chu suksiat in a um tau ah; ziate chu mun thum ah khen mun khat a hung thim tâk ziakin, sûn le mun thum ah khen mun khat a thim ta’n, jan le zia gual ma chun a hung um tai.