PAWTDAWNA THU 1:17 - PATHIAN LEKHABU THIANGTHO (BSI)

¹⁷ Himaleh, naulaidomte chun Pathian a lau un; Aigupta lengpa thupiak gual ah bawl lo in, pawsal nausente chule a la hinghoi sek un.

PAWTDAWNA THU 1:17 ပူးပေါင်းရင်းမြစ်များ

THILSIAM THU 20:11

Abraham in, “Zia khua hin Pathian launa um paw ngei intin, ka ji ziak ah hin ei that kha’n au ti ka lau ziakin ka la gen ahi:

THILSIAM THU 42:18

A nithum ni chun Joseph in a kiang un, “Zia gual hin bawl leu chin hing in lau, Pathian ka lau ngal in:

2 SAMUEL 24:4

Himaleh, lengpa chun Joab leh sepaite chu a nial zo ta’n. Tichun, Joab leh sepai hotute chu lengpa âng ah kipat pawtdok in, Israel mipite sim dingin a kuandok tau hi.

NEHEMIAH 5:15

Ka ma-âng ah gam awp ah a la pangsate khan, mipite ah kipat nêk leh dawn, uain a lâkpiak bep uh le hilo in, dangka shekel sawmli a la liausak in, a la sugenthei ma mau a. A suakteu nasan le mipite chung in a la kilalsak ma mau ah; ke’n vang Pathian ka lau ziakin, zia gual chun ka bawl nuam puai.

ESTHER 3:3

Ziaphatchun, lengpa kot bul ah nasêmte chun Mordekai kiang in, “Bang ding ah lengpa thupiak mang nuam lo la hem?” ti’n a dong ua.

SAM 31:19

Aw nangma kichate â ding ah la phatna khol khawm, mi zosia mit mu ah nangma ah, ginna ngate â ding ah la bawl piak ding chu, a thupi na lawm lawm e!

PAWTDAWNA THU 1:18

Tichun, Aigupta lengpa chun naudomte chu a ko khawm ah, a kiang un, “Bang ding ah zia gual ah hi bawl ah, pawsal nausente hawi sek la hiu em?” a tia.

PAWTDAWNA THU 1:21

Naulaidomte’n Pathian a lau ziak un, Pathian in pha tak in a bawl ah, a Inkuan ding uh le a siam piak ta’n.

THUPILTE 16:6

Thu awina leh ginumna chun khawlona a silthiang thei in; Lalpa launa ziakin min gitlona a jamsan thei sek ui.

THUPILTE 8:13

Lalpa launa chu thil phalo huatna ahi. Chapona leh kihisakna leh, thil phalo chîngte leh a kalek ah thugente hi, ka huat lam tak ahi.

THUGENTU 12:13

A bawn ah thu khâkna chu ngaitha’i tiu: Pathian chu lau inla, a thupiak vop zing in; zia chu mitin hi’ ding ah poimaw pen ahi ngal a.

THUGENTU 8:12

Migilo in thil phalo za khat vei bawl hen la, a damsung nikhua hisau in um ziang leh le, Pathian lau mi, a ma-âng ah lau dan thiam tak ah um chu a pha zawi ti ka hia’i;

DANIAL 6:13

Chuleh, lengpa kiang in, “Aw lengpa, Judai gam ah kipat sal ah mat Danial chun, la thupiak a ngaisak pua’n, la thupuan ah la min zikna khale ja’ lo in, ni khat ah thumvei a pauchap zing hi,” a tiu a.

HOSEA 5:11

Ephraim in bangmalo mai a del tâk ziakin, nuaisia in a um ta’n; vaihawmna suksiat in a um tai.

MIKAH 6:16

Omri thuguatte leh Ahab Inkuante thilbawl chu la vop zing in, a lemguatnau chu la zui zing ngal a. Ziaziakchun, a hawm ah nutsia in hun siam ing ka tin, la sung ah chêng sunte chule mi nuizatbûk in siam ding ka hi; tichun, ka mite minsiatna chu paw ta’n la.

MATTHAI 10:28

Taksa bep thatthei, thagau that theilo chu lau kiu inla; taksa leh thagau susia thei ah, gawt mun ah koithei nalai chu lau zawu in.

LUKA 12:5

la lau ding uh chu ka hun hil masa ahi: A hun thalup nung ah le gawtmun ah hun pai lut thei nalai chu la lau diu ahi.

NASEPTE 5:29

Himaleh, Peter leh apostolte chun a dawnhuu a, “Mihing thuneina sâng ah Pathian thu ka mat zawk diu ahi.

1 SAMUEL 22:17

Lengpa chun ama vêng ah pang, a kiang ah dingte kiang ah chun, “Kihei unla, Lalpa thiampute chu that un, David tawh kithukop a hiu; a jam ahi ti he ngâl in ei hil puau hi,” a tia. Himaleh, lengpa sepaite chun Lalpa thiampute chung in a khut uh a tha ngam puau hi.