NEHEMIAH 9:8 - PATHIAN LEKHABU THIANGTHO (BSI)

⁸ nang in a lungthim chu nang lam ah ginum lasak ziakin, zia Kanaan mite, Hit mite, Amor mite, Periz mite, Jebus mite leh Girgash mite gam hi a suante luasak ding ah piak la la tiam ta’n; chuleh, la diktat ziakin la thutiam chu la guitunsak hi.

NEHEMIAH 9:8 ပူးပေါင်းရင်းမြစ်များ

THILSIAM THU 12:7

Chun, Abram kiang in Lalpa a hung kilâk ah, a kiang in, “Zia gam hi la suante kiang in pia ding ka hi,” a tia. Tichun, zia mun ah chun, a kiang ah kilâk Lalpa â dingin mâichâm a siam tai.

THILSIAM THU 15:6

Ama’n Lalpa chu a taksang ah, zia a taksanna ziak ah chun ama chu midik ah pom a hung hi tai.

THILSIAM THU 22:12

Ama’n, “Naupang chung ah khan la khut tha kin la, ama kha bangma law diak kin; la chapa neisun lei piak ding la îtchâk lo ziakin Pathian la lau hi ti tu’hin ka hechian tai,” a hun tia.

2 SAMUEL 22:31

Zia Pathian hi a dik bukim in; Lalpa thutiam chu a guitung hi; ama bêl zosiate â dingin phaw ahi.

1 KHANGTHU 1:14

Jebus mite, Amor mite, Girgash mite,

1 KHANGTHU 16:16

Abraham kiangah a thuthung leh, Isak kiang ah a thutiam chu,

EZRA 9:15

Aw Lalpa, Israelte Pathian, nang vang la dik in, keihaw vang tu’ni ka um gual un, a suakcha um nalai sunte chu ka hitau hi. La mêl hawl tâk khat chale um talo maleng uh le, ka mawnau pum in, zia tak ah hin la ma-âng in ka hung ui,” ti’n ka pauchap tai.

NEHEMIAH 9:33

ka chung ua la thil hun tunsak zosia ah hin nang chu la dik ah, nang in dik tak in la bawl hi; kei un vang nunsia tak in ka la bawl zo tau hi;

SAM 116:5

Lalpa chu mi hepi thei tak leh dik tak ahi; I Pathian uh hi mi lainat thei tak ahi.

PAWTDAWNA THU 3:17

Aigupta gam ah la thokgimnau ah kipat hun pui dok ing ka tin, Kanaan mite, Hit mite, Amor mite, Periz mite, Hiv mite leh Jebus mite a la chênnau, khuaizu leh bawngnawi luanna gam ah hin hun pui lût ding ka hi, ti ka tiam la hiu, a tii,’ ti’n la.

PAWTDAWNA THU 3:8

Amau chu Aiguptate khut ah kipat hukdok ding leh zia gam ah kipat chu puidok ah, gam hawi leh kiningting, khuaizu leh bawngnawi luanna gam, Kanaan mite, Hit mite, Amor mite, Periz mite, Hiv mite leh Jebus mite chênna gam lua ding ah pui lût ding ah hung suk ka hi.

EZEKIEL 33:24

Mihing, Israel gam nutsia ahi’nung ah chêng nalaite chun, “Abraham bep ahi lai in zia gam pumpi hi a la lua ta’n; tu’hin, ei haw tam tak I hi tâk ziak un, gam pumpi hi I lua ding ua piak hi ngei ding I hiu,” a tiu a.

KISIMNA LEKHABU 13:29

Negeb lam ah chun Amalekte a chêng un, tânggam ah Hitte, Jebuste leh Amorte a chêng un, tuisuagiat pâm leh Jordan dung ah chun Kanaan mite a chêng ui,” a tiu a.

KISIMNA LEKHABU 23:19

Pathian chu mihing gual ah lepchia a hipua’n; eihaw thitheite gual ah a ngaidan theng ngai lo ahi. A mualsua lo dingin a kitiam ngai em?

NASEPTE 13:22

Ama a hun paithâk nung in, David chu a leng ding un a hun pia ta’n. Ama chung thu ah chun, ka lung lam tak, ka doidan hi’piting thei ding mi, Jesse chapa David chu ka mudok tai, a tia.

DAN LEKHABU 26:3

Zia hun ah thiampu kiang ah chun chiau inla, a kiang in, “Lalpa la Pathian kiang ah piak ding ah a la tiamna gam ah chun tu’ni hin ka hung ui ti ka puang hi,” tiu in la.

DAN LEKHABU 32:4

Ama I Suangpiu, a thilbawl ah pha bukim, a lampi zosia dikna ngen ahi. Pathian ginum leh zuau bawlna um lo, thu dik leh dik tak ah bawl ahi’n;

DAN LEKHABU 7:1

Lalpa la Pathian un nam tam tak, nanghaw sâng ah hatzaw leh tamzaw Hitte, Girgashte, Amorte, Kanaante, Perizte, Hivte leh Jebushte, nam sagite hi a naw daw zaw phat ah, la luana ding uh gam ah a hun pui lût ah, la lua phat ua leh,

DAN LEKHABU 9:5

La dikna ziak leh la lungthim uh a dikna ziak ah zia gam hi lua ding la hi puau ah; zia gam ah chêng namte thanhuaina ziak ah hin, Lalpa‘n la suantuteu Abraham, Isak leh Jakob kiang ah a thutep namdet dingin, Lalpa la Pathian un amau chu a hun suan dawsak la hizaw ngâl un.

TITA 1:2

khawvel um masang ah Pathian zuau gen ngailo in a tiam, kumtuang hinna kinem ah um,

HEBRAITE 11:17

Ginna’n Abraham chu patep ah a um lai khan, Isak chu a lân a. Thutiam changpa chun a chapa changkhat chu a lân tai.

HEBRAITE 6:18

Pathian chu zuau gen ding gual a hilona chu, thil danglam theilo pani ziakin ei uh kihumbitna delte’n, I mau ah kinepna a koi chu chang ding ah tilkhona thupi tak I neitheina ding un.

JOSHUA 11:23

Tichun, Mosi kiang ah Lalpa‘n a gen gual tak in Joshua’n gam pumpi chu a la suak ta’n; chuleh, Joshua chun Israelte chu a phung kikhen dungzui chiat ua a gochan ding un a pechiat tai. Tichun, a gam chu gâl muang in a um tai.

JOSHUA 11:3

sualam leh tumlam ah Kanaan mite, tânggam ah Amor mite, Hit mite, Periz mite, Jebus mite leh Mizpah gam ah Hermon tâng nuai ah Hiv mite kiang in mi a sawl a.

JOSHUA 23:14

Chuleh, tu’hin lei chung pumpi dan in chia ding ka hi tai; Lalpa la Pathian un la chung ua tung ding ah thilpha a la tiamsa zosia kha, pakhatle a thawn puai ti la lungthim leh ngaituana zosiau in la hechian ngâl ui.

JOSHUA 9:1

Tu’hin, Jordan gâl langkhat lam ah tâng gam leh phâi, Tuipi Lian gei jul jul ah kipat Lebanon tiang ah leng um zosia: Hit mite, Kanaan mite, Periz mite, Hiv mite leh Jebus mite chun a chanchin uh a la het phat un,

1 JOHAN 1:9

I gitlonau thupha I choi uh chun, I gitlonateu ngaidam ding leh, I dik lona zosiau silthiang dingin ama chu a ginum in a dik hi.