NEHEMIAH 9:16 - PATHIAN LEKHABU THIANGTHO (BSI)

¹⁶ Himaleh, ka pu leh pateu khan, kisathei tak leh lu’lul tak in la thupiakte kha a la mang nuam ta puau a;

NEHEMIAH 9:16 ပူးပေါင်းရင်းမြစ်များ

2 LENGTE 17:14

Himaleh, a ngaisak nuam diak puau ah, Lalpa a Pathian uh zui lo in, a pu leh pa teu lochal gual gual in a kihilochal tau hi.

2 KHANGTHU 29:6

I pu leh pateu kha a la ginum zaw tâk lo ziak un, Lalpa I Pathian uh mit mu in thil phalo tak a la bawl zo tau hi; ama chu a la nusia in, Lalpa chênna mun chu a la kiheisan in, a la nungngatsan tau a hi.

2 KHANGTHU 30:8

tu’hin vang, la pu leh pateu gual ah genhak in um ta kiu in; Lalpa kiang ah hung kitulut unla, a mun thiangtho ah hin hung un; zia tak mun chu kumtuang dai ding ah a sukthian ahi ta’ngal in; la chung ua a lungnatna a lâkmang thei khâk leh Lalpa la Pathian uh na chu sêm un.

2 KHANGTHU 36:13

Pathian min ah a la kitiamsak, Lengpa Nebukadnezar chung inle a hung hel a; Lalpa, Israelte Pathian lam nga lo dingin a lungthim sutâk in, a ngawng le a hikhau ah, lung det tak in a um hi.

NEHEMIAH 9:10

Nang in Pharaoh leh a suakte zosia leh, a mipite zosia’n ka pu leh pateu chung ah kiletsak takah a bawl uh thukna’n, tepte’na leh thilmak tam tak la la bawl khawlaw ta’n. Tichun, tu’ni tiang dai dingin la minthanna la koi tai.

NEHEMIAH 9:29

Chuleh, la dan a zuitheina ding un la vauhil ah. A Chutisapi’nle kisathei tak ah um in, la thupiakte chu zui lo in, kua’nle a zui ah a hintheina ding ua thuguatte chu a botsiau ahi kha. A kisulochal ua, a ngawng uh hikhau in a ngaitha nuam puau hi.

SAM 106:6

Ka pu leh pateu tawh ka la gilo zo tau in; thil phalo ka la bawl tau in, diklo tak in ka la bawl tau hi.

SAM 81:8

Aw ka mite haw, ka hilna thu hi ngai un; Aw Israel, ka thu ngaitha nuam ta maleu chin uh aw!

PAWTDAWNA THU 15:26

A kiang un, “Lalpa la Pathian aw chu chingthei tak ah la ngai ua, a mit mu ah thil dik chu la bawl ua, a thupiakte la ngaisak ua, a dante la zop ua ahileh, Aigupta mite chung ah a tunsak hiveite haw hi khat chale la chung un hun tunsak lo ding ka hi: keima hi Lalpa, nanghaw hi’dampa chu ka hi’ngal in,” a tia.

PAWTDAWNA THU 32:9

Lalpa chun Mosi kiang in: “Zia mite hi ka hechian tai, mi lu’lul tak a hiu hi;

THUPILTE 29:1

Zilgai ahi zing lai ah ngaisak lo nalai chu, a hetlo kâl in sukdam kit theilo ding khop ah, khetbot in hung um in a.

ISAI 48:18

Ka thupiakte kha a la ngaisak hitama lechin aw! La vangphatna chu luipi luang gual leh, la lawtinna chule tuisuagiat kinawk gual in um ta’n tin;

ISAI 48:4

Nang chu mi lu’lul, la ngâwng chu thîk gual ah khau, la chalki chule sum-eng gual ah tak, ahi ti ka he ngal a,

ISAI 63:10

Himaleh, amau chu a la hel in, a thagau chu a la hilungngai tau hi; ziaphatchun, a mêlmau in a hung pang ta’n, ama ngei chun a le do ta ahi.

JEREMIAH 19:15

Sepai honte Lalpa, Israelte Pathian chun, zia gual hin a gen hi: A lung uh hikhau ah, ka thugen a ngai talo ziak un, zia khawpi leh a khawpel zosia chung ah siatna tung ding ah ka la genlatsa zosia kha, a chung un hun tunsak ding ka hi tai, a tii, ti in.

JEREMIAH 2:31

Nanghaw, tu’khang ah mite haw, Lalpa thugen hi ngaisak tau in: Israelte â dingin gamthip leh, thimna gam ka hi ngai him him em? Bang ding ah ka mite chun, “Ka nop nop ua um thei ka hiu, la kiang ah hung kit ta pua’ng kau,” ti’thei a hiu em?

JEREMIAH 7:26

ahiziak in, ka thu gen ngaisak lo in, a lochal ten nalai ui. A pu leh pateu sâng ah khawk zaw sêm in a um ui.

EZEKIEL 5:6

Himaleh, ka dan leh thuguatte bawtsia’n, a kîmvêl ah nam dangte leh, gam dang mite zosia sâng ah nunsia zaw a um tâk ziak un, ka dan leh thuguatte pâmpai in, ka dan siamte a zui nuam ta puau hi.

NASEPTE 7:51

Nanghaw mi lochal, lungthim leh nakhang zektanlote haw, bangtik lai inle Thagau Thiangtho la dodâl zing un, la pu leh pateu bawl gual in la bawl zing ui.

ROMTE 2:5

La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.

DAN LEKHABU 31:27

La kiphin nop dan uh leh la lochal dan uh ka he ngâl a. Tu’ni la kiang ua dam ah ka um lai ah bawn, Lalpa chung in la hel ua; ka thi’nung vang vang leh bang gual bep ah khawk in la hung hel ta bep ding awm maw!

DAN LEKHABU 32:15

Jakob in a vâ tawk in a ne’n; Jeshurun hung thau in, a hung mom tai. Nang chu la hung thau ah, la hung mom ah, la hung mâm tai! Ama siampa Pathian chu a kiheisan ah, a hukdamna Suangpi chu a hun simmaw tai.

DAN LEKHABU 5:29

Zia gual lungthim chu pu zing hita maleu chu ei lau zing intiu in, ka thupiak zosia chule zawm intiu in; tichun, amau leh a chateu â dingin kumkhua’n pha’n tin, lamzang ding hi ve un aw!

DAN LEKHABU 9:13

Ziazaw chun, Lalpa‘n ka kiang in, “Zia mite hi mi lochal tak a hiu ti ka hechian tai.

DAN LEKHABU 9:27

La suak Abraham, Isak leh Jakob te kha hezing inla; zia mite lochal dan, gitlo dan leh a phat lo dan teu hi limsak kin;

DAN LEKHABU 9:6

Nangmau dikna ziak ah zia gampha hi, Lalpa la Pathian un a hun piak ahi puai, ti he tau in; mi lochal nam la hi’ngâl un.

HEBRAITE 3:13

La lak ua kuale gitlo thepthâk ah lung tâk la um lona ding un, “Tu’ni,” kiti hun chu a um sung in, nisi’n in kitîlhat zing tau in.

HEBRAITE 3:15

“Tu’ni hin a aw la het ua leh, a phengphel lai gual uh khan, la lung uh tâksak kiu in,” a ti sung ah hin.