NEHEMIAH 9:10 - PATHIAN LEKHABU THIANGTHO (BSI)

¹⁰ Nang in Pharaoh leh a suakte zosia leh, a mipite zosia’n ka pu leh pateu chung ah kiletsak takah a bawl uh thukna’n, tepte’na leh thilmak tam tak la la bawl khawlaw ta’n. Tichun, tu’ni tiang dai dingin la minthanna la koi tai.

NEHEMIAH 9:10 ပူးပေါင်းရင်းမြစ်များ

NEHEMIAH 9:16

Himaleh, ka pu leh pateu khan, kisathei tak leh lu’lul tak in la thupiakte kha a la mang nuam ta puau a;

NEHEMIAH 9:29

Chuleh, la dan a zuitheina ding un la vauhil ah. A Chutisapi’nle kisathei tak ah um in, la thupiakte chu zui lo in, kua’nle a zui ah a hintheina ding ua thuguatte chu a botsiau ahi kha. A kisulochal ua, a ngawng uh hikhau in a ngaitha nuam puau hi.

SAM 83:18

Nangma bep hi Lalpa min pu, leilung zosia chung ah Chungnung pen la hi ti, a hun hettheina ding un.

PAWTDAWNA THU 18:11

Tu’hin, Lalpa chu pathian dang zosia sâng in a lianzawi ti ka he tai; a chung ua nunsia tak ah thu a nei khum zing lai un, a mipite chu Aigupta mite khut ah kipat in a hukdok ta’ngal in,” a tia.

PAWTDAWNA THU 3:20

Tichun, ka khut hun tha’ng ka tin, thilmak tak tak a gam sung ah ka bawl dingte mang in, Aigupta soisa ding ka hi; ziazaw phat chuleh, hun pawtsak bep ding ahi.

PAWTDAWNA THU 5:2

Himaleh, Pharaoh chun, “Israelte ka chiasak ah, a thu ka ngai ding Lalpa chu kua a hem? Zia Lalpa chu ka hepua’n, Israelte chu le pawt daw sak lo ding ka hi,” a tia.

PAWTDAWNA THU 7:1

Lalpa chun Mosi kiang in, “En in, Pharaoh â ding ah Pathian gual in ka hun siam ah, la u Aron chu la thugenpa hi dingin ka siam hi.

PAWTDAWNA THU 9:16

Himaleh, ka thilhitheina ka hun musak theina ding leh khawvel zosia ah ka min la puanjak theina dingin ka hun hinghoi nalai la hi.

ISAI 42:20

Thil tam tak a la mu ta maleh, a la ngaisak pua’n; a nakhang a vâk ta’n, himaleh, bangma a he diak puai.

ISAI 63:12

A khutbân lopi tak, Mosi khut changlam kitonpi zing a, kumtuang ah a minthanna ding ah, a ma-âng ua tuiliante khên tan a,

ISAI 63:14

Phâijawl ah bawng hon a tat ua a chawldam gual un, Lalpa Thagau chun chawldamna a pia’i. Tichun, la min a lopi theina dingin, la mipite chu nang in la pui zing tai.

JEREMIAH 32:20

Aigupta gam ah tepte’na leh, thilmak tam tak la la etsak ah; tu’ni tiang ah Israelte leh nam dang zosiate lak inle, tu’ni chan ah la min mang lo ah um dingin la bawl hi.

EZEKIEL 20:9

Himaleh, a umnau Aigupta mite zosia het ah amau puidok ding ti ka la kihiatsak tâk ziakin, a mit muu ah ka min gensiat a hilona dingin, a mit mu ngei in amau ka la puidok tai.

DANIAL 4:37

Tichun, keima Nebukadnezar in van ah Lalpa chu pâk ah, chawihoi in ja’na ka pia tai: “A thilbawlte chu a dik in, a lampite le vaihawmna dik ahi ngal a; chuleh, kisathei tak ah umte chu a hi’niam thei hi,” ka ti tai.

DANIAL 5:23

van ah Lalpa kãl in la kikoisang ta’ngal a! A tempul ah ûm leh bêlte chu la kiang in a hun lau ah, nang leh la milian leh lalte, la jite leh la thâikmte’n zu dawnna’n la mang tau a. Dangka leh sana, sum-eng, thîk, thing leh suang ah kisiam, bangma muthei lo, hethei lo pathiante chu la ho zaw tau a; himaleh, la hatna umna leh la lampi zosia kingakna Pathian chu la chawisâng nuam puai.

DANIAL 9:15

Tu’hin, aw Lalpa ka Pathian uh, khut hât tak ah Aigupta gam ah kipat la mite puidok ah, tu’ni tiang ah minthang tak ah umpa ka gilo tau in, nunsia tak in ka la bawl zo tau hi.

NASEPTE 7:36

Ama chun Aigupta gam ah kipat, Tuipi San ah te leh kum sawmli gamthip ah a châm sung ua chun, thilmakte leh tepte’nate etsak pek in, a puidok a.

ROMTE 9:17

Pathian lekha thu chun Pharaoh kiang ah chun, “Nangma ah ka thilhitheina a hung kilat ah, lei chung zosia ka min a hung kitâklat theina dingin, zia thiltup ziak tak ah chun ka hun tundin la hi,” a la ti kit a.

DAN LEKHABU 4:34

Ahiloleh, nam dangte lak ah patepnate, teptênate, thilmakte, kidona ah a khut thahât takte bânjak ah, tizat um tak ah Aiguptate khut ah kipat Lalpa la Pathian un la mit mu ngei ua, ama â ding bîk ah a hun kipui daw gual ah hin, Pathian dang, zia gual bawlthei leh bawl kha hi la he’kha ngai him him awm?

DAN LEKHABU 7:19

patepna nasa tak la mit ngei ua la muu leh, tepte’na leh thilmak a bawlte, a khut ban tha hât leh a bânjak ah Lalpa la Pathian un a hun puidaw dante kha. La mi lau zosia teu chung ah zia gual ma ah chun Lalpa la Pathian un hun bawl ding ahi.

1 PETER 5:5

Zia gual ma chun, khangdawng nalaite haw, upate nuai ah kitulut un. Ahi, la leng un na kiseptua piak chiat dingin thunuaigolna’n kivan unla: “Pathian in kiletsakte chu a dodâl in, kingaitawmte vang hepina a pesek hi,” ti ahi ngal a.