NEHEMIAH 8:9 - PATHIAN LEKHABU THIANGTHO (BSI)

⁹ Mipite chun dan thu kisimdokte chu a het phat un, a lung uh a khoi ma ma ziakin a kap jak ziang tau a. Tichun, gam awppa Nehemiah, thiampu leh lekha zikpa Ezra leh mipite hilchian piak ah pang Levite zosia chun, “Tu’ni hi Lalpa la Pathian uh â ding ah ni thiangtho ahi; thasiatna leh kâna’n mang kiu in,” ti’n mipite chu a hil tau a.

NEHEMIAH 8:9 ပူးပေါင်းရင်းမြစ်များ

2 LENGTE 22:11

Lengpa chun zia Dan Lekhabu ah thute chu a hun het phat in, a puante chu a botthêk tai.

2 LENGTE 22:19

la lungthim chu a nem ziakin leh nangma ngei chu Lalpa ma-âng ah, zia tak leh a mun ah chêngte hânsia khuk leh sukgam ah um dingte chung thu ding ka gen la het phatah, la puante la botthêk ah, ka ma-âng ah la kâ ziak hin, la kingainiam ma ma hi ti ka hia’i; ziaziakchun, la thu hi ka hun ngaithâk piak ahi.

2 KHANGTHU 15:3

Israelte chu hun sawt tak Pathian dik tak nei lo in, amau thuhil ding thiampu leh dan nei lo in a la um tau a;

2 KHANGTHU 30:22

Hezekiah in Lalpa nasepna thiam tak ah pang Levi chite zosia tîlkhona thu nasa tak in a gen tai. Tichun, mipite chun ni sagi sung chu luaithena an chu a neu ah, a pu leh pateu Lalpa, Pathian kiangah Kichamna thillat lân in, kipak thute a gen tau hi.

2 KHANGTHU 34:19

Lengpa chun Dan thute chu a het phat in a puante chu a botthêk tai.

2 KHANGTHU 34:21

“Zia Dan Lekhabu kizikte hi I pu leh pateu in a la zui tâk lo ziak un, I chung un Lalpa lungnatna huaisia tak chu a la tung ta hen; chiau inla, zia Lekhabu kimudok thute dungzui ah, keima leh Israel leh Judai gam ah um nalai sunte chungchâng hi, Lalpa kiang ah ei vadawp piak tiam un,” ti’n a sawl tai.

2 KHANGTHU 35:3

Israelte zosia hil ah pang Levi mite leh, Lalpa â ding ah kikoi thiangthote kiang in zia gual hin tîlkho’na thu a gen a: “Israelte Lengpa David chapa Solomon in, thuthung thingkuang thiangtho a la bawl kha In sung ah koi lut unla; la liangko un paw zing ta kiu in. Tu’hin, Lalpa la Pathian uh leh a mipi Israelte â dingin sêm tau in.

EZRA 2:63

amau hi thiampu’n Urim leh Thumim ah âi a sân masang sia an thiangtho chu a nêk lo lai ding uh ahi ti’n gamawptu chun a hil tai.

EZRA 7:11

Lengpa Artaxerxes in thiampu, lekhazik mi leh, Lalpa‘n a mi Israelte zui ding ah a thupiak sawmkhatte leh, dan leh mualte ah mi thiam Ezra kiangah a lekhathot thute chu ziate hi ahi’n:

NEHEMIAH 10:1

Zia thuthung kisiam ah suai namte lakah chun Hakaliah chapa Nehemiah, gam awppa tawh Zedekiah;

NEHEMIAH 12:26

Ziate hi Jozadak tupa Jeshua chapa Joiakim dam lai, gam awppa Nehemiah tawh, thiampu leh lekha zikpa Ezra hun lai ah um a hiu a.

NEHEMIAH 7:65

gam awppa chun amau haw â ding ah Urim leh Thumim, thiampu’n a hun nei masang sia chu an zek thiangtho pen chu a nek lo diu ahi, a ti tai.

NEHEMIAH 7:70

Chuleh, a phung tin ah hotute lak ah khenkhat in, nasepna ding a hun tuak khawm un. Gam awppa chun sana thiang daric sangkhat tawh, kuangkang sawmnga tawh, thiampute puan ding za nga leh sawmthum chu thawlawm in a hun tuak a.

NEHEMIAH 8:2

A dot dungzui un thiampu Ezra chunle Dan Lekhabu chu mipi kikhawmte, numei leh pawsal zosia, hetna nei zosia’n a het ding un a kiang un a hun chawi a. Zia hun chu a tha sagi’na a ni khat ni ahi.

THUGENTU 3:4

kâ hun a um ah, nui hun a um hi; lusûn hun a um ah, lâm hun a um hi;

ISAI 61:3

Zion ah lusûnte â ding ah, leivui thasâng ah pakchavui pia ding leh, lusûn ah nguina thasâng ah, kipakna sathau pia ding leh, lungthim ngaituana sawlsam thasâng a, pakchatna puan pia ding in ei sawl ka hi. Tichun, a lopina etsak ding ah dikna gangpi thing, Lalpa thingkung phute ti hung hita’n au.

HOSEA 4:6

Ka mite chu hetna a tâksap ziak un sukmangthai a hiu a; nang in hetna la paithâk ziakin, ka thiampu la hi’na kipat in ka hun paitha tai. La Pathian dan la hetmil tâk ziakin, ke’nle la chate hemil ding ka hi.

THIAMPUTE LEKHABU 23:24

“Israelte kiang ah zia gual hin gen in: Tha sagi’na, a ni khat ni phat leh, kichawl dam unla, pengkul mûtna hun ah kipat in khawmpi thiangtho la mat ding uh ahi.

MALAKI 2:13

Chuleh, zia hile la bawl belap nalai sêt ui: La khut ua kipat thilpiak a lop tâk lo ziak leh a ngaisak tâk lo ziakin, Lalpa mâichâm chu kâna leh mauna mitthi tui in la luan khumsak zo tau a.

ROMTE 3:20

Ziaziakchun, “Dan thil hi ah kuama ama mit mu in thiamchang ding a um pua’n,” dan ziakin gitlo kihiatna um a hibep ngal a.

ROMTE 7:9

Tu’ma lam in Dan lo in ka la hing ah; himaleh, thupiak chu a hung um phat chun gitlona chu chawthaw in a hung um ah, keima chu ka thi ta ahi.

DAN LEKHABU 12:12

Chun, Lalpa la Pathian uh ma âng ah chun, nang uh tawh, la chapa leh chanuteu, la suakpa leh suaknuteu tawh, la In huang sung ua Levite tawh (amau chun nang uh lak ah chanvo chuam a nei paw’ngâl un) lim tak in la chêng khawm ding uh ahi.

DAN LEKHABU 12:7

Chuleh, Lalpa la Pathian un la khut nasep gimnau zosia a hun maljawlna ziak ah lim leh kipak tak in, nang leh la Inkuan un Lalpa la Pathian uh ma-âng ah, zia tak mun ngei ah chun la nêk sek ding uh ahi.

DAN LEKHABU 16:11

Lalpa la Pathian un a min umna ding ah a guatna mun ah chun, nang tawh la chapate, la chanute, la suakpa leh la suaknute, la lak ua um Levite, gam dang mite, nauchagate leh meithâite chu tawh la leng un, Lalpa la Pathian uh ma-âng ah lim tak in la ûm khawm ding uh ahi.

DAN LEKHABU 26:14

ka lusûn hun inle ka ne pua’n, thianglo ah ka um sung inle bangma ka khoilok puai; mithite â dinginle ka pia puai. Lalpa ka Pathian thu bep ka zawm in, la thu ei piak dungzui bep in ka hun bawl hi.

JAKOB 4:9

Lungngai unla, lusûn in kap un. La nuinau chu lungngaina chang hen la, la kipaknau chu nguina chang hen.