NEHEMIAH 8:8 - PATHIAN LEKHABU THIANGTHO (BSI)

⁸ Tichun, Pathian Dan Lekhabu chu a hilchianna tawh a simdok tau a. Tichun, a kisimdok haw chu hiat thiamsak in, ngaidan kitup tak a nei sak tau hi.

NEHEMIAH 8:8 ပူးပေါင်းရင်းမြစ်များ

2 LENGTE 23:2

Lengpa chu Lalpa In ah chun a chia to ah; tichun, Judah mipi zosia tawh, Jerusalem ah chêngte zosia chunle a zui ua; thiampute tawh, jawlneite tawh, mipi a lian a neule a pang chiat tau a; tichun, Lalpa In ah lekhabu a mudawu ah kizikte chu aleng alam in mipi zosia nakhang bul ah chun a hun simdok tai.

EZRA 4:18

Tu’hin, lekha lei hun thot uh kha a le’dawna ei simdaw piak tau hi.

NEHEMIAH 8:12

A kiang ua thu kigente chu a hetchian tâk ziak un mipite chu peljak in, ne leh dawn in, midangte le chanvo thot in, kipakna thupi tak a nei tau hi.

NEHEMIAH 8:7

Mipite a mun chiat ua a um zing lai un, dan thute chu a hiat thiam theina ding un, Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Haman, Pelaiah leh Levite chun a la panpiu a.

NEHEMIAH 8:9

Mipite chun dan thu kisimdokte chu a het phat un, a lung uh a khoi ma ma ziakin a kap jak ziang tau a. Tichun, gam awppa Nehemiah, thiampu leh lekha zikpa Ezra leh mipite hilchian piak ah pang Levite zosia chun, “Tu’ni hi Lalpa la Pathian uh â ding ah ni thiangtho ahi; thasiatna leh kâna’n mang kiu in,” ti’n mipite chu a hil tau a.

NEHEMIAH 9:3

Chuleh, a umnau mun chiat ah dingdok in, Lalpa a Pathian uh dan lekhabu chu dakkal thum sung simdaw’na a nei un, a gitlonau thupha choina leh Lalpa a Pathian uh hona’n dakkal thum sung ma a mang tau a.

EZEKIEL 46:10

A hung lût lam un lengpa tawh hung lût khawm intiu in; a pawt daw phat uh leh lengpa le a pawtdok ding ahi.

HABAKKUK 2:2

Ziaphatchun, Lalpa‘n ei dawnhu ta’n: Kilâkna chu zikdok inla, suangpêk ah hun zikdok in; a tai kawm ua le sim ziang thei ding ah, kichian tak in zikdok in.

LUKA 24:27

Tichun, Mosi leh jawlneite lekhabu’n a pan a; Pathian Lekha ama chanchin kizik tapo chu a hilchian piak tai.

LUKA 24:32

Ziaphat chun, amau chu a kiho ua, “Lampi ei holimpi ah, Pathian Lekhathu ei hun hilchian lai ah khan I lungthim uh a hal huai him hilo a hem maw?” a kitiu a.

LUKA 24:45

Ziaphatchun, Pathian Lekhathu chu a hiat thiam theina ding un a lungthim uh chu a sukvak piak tai.

NASEPTE 28:23

Ni a tiam tau ah, zia ni chun a tunna In ah mi tam tak a hungkhawm tau ah. Jingkal ah kipat nitâk tiang in zia thu chu a hilchian ah, Pathian gam thu chu gen in, Mosi Dan leh Jawlneite lekhabu thu ah kipat in, Jesu chungchâng ah thuzaw a gua’n.