NEHEMIAH 8:6 - PATHIAN LEKHABU THIANGTHO (BSI)

⁶ Ezra in, Lalpa Pathian lopi tak chu a chawihoi ah, mipite chunle, “Amen, Amen,” ti ah dawnhu in a khut teu a jak ua. Chuleh, a luchang uh kûn in, a maichang ua lei tual si hial hial in Lalpa chu a ho tau a.

NEHEMIAH 8:6 ပူးပေါင်းရင်းမြစ်များ

THILSIAM THU 14:22

Himaleh, Abram in Sodom khua lengpa kiang ah chun, “Lalpa, El Elyon lei leh van siampa kiang in thutiam ka bawl ta’n;

THILSIAM THU 24:26

Suakpa chu a kûn ah, Lalpa chu chibai a bûk ta’n;

1 KHANGTHU 16:36

Israelte Pathian, Lalpa ngei chu, tu leh kumtuang in maljawl in umzing ziang ta hen,” ti in.

1 KHANGTHU 29:10

Ziaphatchun, David chun mipi kikhawm zosia ma-âng ah chun Lalpa a chawihoi ta’n; David in zia gual hin a gen a: “Aw Lalpa, ka suantu bul uh Israel Pathian, nangma chu kumtuang tiang in ka chawihoi hi.

1 KHANGTHU 29:20

Ziaphatchun, David chun mipi kikhawm te kiang ah chun, “Lalpa la Pathian uh chu chawihoi chiat tau in,” a tia. Tichun, mipi kikhawm zosia chun Lalpa, a suantu bulteu Pathian chu chawihoi in, Lalpa leh lengpa ma-âng ah khiangkho leh bokkhup in chibai a bûk tau hi.

2 KHANGTHU 20:18

Ziaphatchun, Lalpa chu ho in Jehoshaphat in lei tual si hial in a bokkhup ah; tichun, Judah mipi zosia leh Jerusalem khua chêngte zosia chule Lalpa âng in a bokkhup chiat tau hi.

2 KHANGTHU 29:10

Tu’hin, Israelte Pathian in I chung ua a lungnatna a lâk mang khâk leh ti’n Lalpa kiang ah thuthung siamthak leu hin ti ka ngaitua hi.

2 KHANGTHU 29:30

Lengpa Hezekiah tawh a milian leh lalte chun, David La phuakte leh thiamgau Asaph La te chu Lalpa pâkna ding ah sa dingin, Levi mite chu thu a piau a. Lim tak in pâkna La te chu a sau ah, Pathian ho in a bokkhup tau hi.

2 KHANGTHU 6:4

a kiang un zia gual hin a gen ah: “Israelte Pathian, Lalpa chu pâk in um hen la, ama’n ka pa David kiang ah a la kikam tiam in:

NEHEMIAH 5:13

Ka kawng ah ka puan lom chên chu tham in ka thing a, “Zia thutiamna dungzui ah bawl lo taphot chu, Pathian in a In leh a nei thil zosia zia gual hin thinthâk piak hen la, a hawm ah siam hiu hen,” ka ti tai. Mipi kikhawm zosia chunle, “Amen,” ti chiat in, Lalpa chu a pakcha tau ah. Tichun, mipite chunle a thutiam gual chiat un a bawl tau hi.

NEHEMIAH 8:7

Mipite a mun chiat ua a um zing lai un, dan thute chu a hiat thiam theina ding un, Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Haman, Pelaiah leh Levite chun a la panpiu a.

SAM 134:2

La khutteu chu mun thiangtho lam in jak unla, Lalpa chu pâk un!

SAM 141:2

Ka pauchapna gimtui gual in la ma’n khu to hen la, ka khut hun jakte hile nitâk lam kithoina gual hi hen.

SAM 28:2

Ka khutte la mun thiangtho pen lam ah hun jak ah, la panpi’na ngai ah ka hung pauchap phat leh, ka dotna ei la ngaithâk piak ta’n.

SAM 41:13

Lalpa, Israel Pathian chu, kumtuang ah kipat kumtuang tiang in, chawihoi in um ta hen. Amen, Amen.

SAM 63:4

Tichun, ka dam sung sia’n hun pâk ing ka tin; ka khut jak in la min hun ko ing ka.

SAM 95:3

Lalpa chu Pathian lopi tak ahi’n, pathian zosia chung ah leng lopi tak ahi ngal a.

PAWTDAWNA THU 12:27

‘Zia hi Aigupta mite a thâ lai ah ei uh Aigupta gam ah um Israelte In chopkânpa Lalpa Chiakân Kût kithoina chu ahi,’ la ti ding uh ahi,” a tia. Chutichun, mipite chun a luchang uh kûn chiat in a ho tau hi.

PAWTDAWNA THU 4:31

Mipite chun a taksang ngal tau ah: Lalpa chun Israel mipite a kantha tai ti leh, a gentheinateu le a mu tai ti a het phat un, a bokkhup ua, Pathian chibai a bûk tau hi.

JEREMIAH 28:6

Jeremiah in zia gual hin a gen a: “Amen, Lalpa‘n zia gual chun hun bawl ngut hen; Lalpa‘n la thu gen gual ah chun hun bawl ngut hen la, Lalpa In ah ûm leh bêl tawh, Babulon lam ah sal ah pui mang ah um zosia kha zia mun ah hin hun tut kit mai ngut leh ka nuam na e!

KÂ LATE 3:41

Van ah Pathian lam in I khutteu jak in, I lungthimteu in nga’to hitiu.

THIAMPUTE LEKHABU 9:24

Lalpa ma ah kipat in meikuang a hung pawtdok ah, mâichâm chung ah hâlmang thillat leh sathaute chu a hun kângtum ta’n; zia chu mipi zosia’n a mu un a kiko ua, a mai ua leisi’n, a khupbok khep khup ziang tau hi.

MATTHAI 26:39

Ama chu a vachia gamla chuam deu ah, bokkhup in a pauchap a, Aw he Pa, a hi’thei leh zia no hin ei pêl mai hen: himaleh, keima thu hilo in, nangma thu thu hizaw hen, a tia.

MATTHAI 6:13

Gilo ding ah thepna hun in ei puilût kin la, gilo lak in ei hukdok zaw’n: Gamte, thil hi’theinate, lopinate, kumtuang in nang â ahi, Amen,” ti in.

1 KORINTH 14:16

Achutiloleh, thagau in kipak thu gen lechinle, a helote chun la kipak thugen helo ah, bangti’n, “Amen,” ti’thei ding a hiu em?

EPHESA 1:3

I Lalpau Jesu Khrista Pa leh Pathian chu pâk in um ta hen. Ama chun van mun ah te’n thagau lam maljawlna chitin in Khrista ah chun ei maljawl a,

1 TIMOTHI 2:8

Chutichun, muntin in pawsalte chun, khut thiangtho jak in, lungna lo leh kinial lo in pauchap leu ka dawi in;

1 PETER 1:3

I Lalpa Jesu Khrista Pathian leh, Pa chu pâk in um ta hen! Ama chun a hepina lopi tak in, mithi lak ah kipat Jesu Khrista thawkitna jal in, kinepna hing mu dingin hinna thak ei pia’n.

THUPUAN 7:11

Chun, vansawlchâk zosia chun, lalchutpha leh upate leh thilhing palite kîmvêl ah ding in, lalchutpha ma ah chun bokkhup in Pathian chu a ho un;