NEHEMIAH 8:2 - PATHIAN LEKHABU THIANGTHO (BSI)

² A dot dungzui un thiampu Ezra chunle Dan Lekhabu chu mipi kikhawmte, numei leh pawsal zosia, hetna nei zosia’n a het ding un a kiang un a hun chawi a. Zia hun chu a tha sagi’na a ni khat ni ahi.

NEHEMIAH 8:2 ပူးပေါင်းရင်းမြစ်များ

NEHEMIAH 10:29

a unauteu leh a milianteu hun zawm in, Pathian dan, Pathian suak Mosi’n a piakte, I Lalpau thupiakte zawm ah, Lalpa thuguatte leh a vaihawmna dante chu vop ah zui dingin kitiamna chun a pang tau a.

NEHEMIAH 13:1

Zia ni chun Mosi Lekhabu chu mipite het in a simdok un; Pathian mite kikhopna him him ah chun Ammon mite leh Moab mite chu bangtik lai inle a pan lo diu ahi, ti thu kizik chu a simdok tau a.

NEHEMIAH 8:18

A ni masa pen ah kipat a tawp tiang ah, nisi’n in Pathian Dan Lekhabu chu a sim tau a. Kût chu ni sagi sung a bawl un; a ni giat tin ni chun dan dungzui in kikhopna thiangtho a bawl tau hi.

NEHEMIAH 8:9

Mipite chun dan thu kisimdokte chu a het phat un, a lung uh a khoi ma ma ziakin a kap jak ziang tau a. Tichun, gam awppa Nehemiah, thiampu leh lekha zikpa Ezra leh mipite hilchian piak ah pang Levite zosia chun, “Tu’ni hi Lalpa la Pathian uh â ding ah ni thiangtho ahi; thasiatna leh kâna’n mang kiu in,” ti’n mipite chu a hil tau a.

NEHEMIAH 9:1

Zia tha ah a ni sawmni leh li ni chun, Israel mipite chu anngawl ah saidip puan sil in, leivui kibuak khum in a kikhawm tau a.

ISAI 28:9

Hetthiamna chu kua a hil guat a, a thu chu kua kiang ah a hilchian guat a hita diam, nawichep hâi pan pante leh, nawichep lai kikaithate kiang ah maw?

THIAMPUTE LEKHABU 23:24

“Israelte kiang ah zia gual hin gen in: Tha sagi’na, a ni khat ni phat leh, kichawl dam unla, pengkul mûtna hun ah kipat in khawmpi thiangtho la mat ding uh ahi.

MALAKI 2:7

Thiampu chu sepai honte Lalpa tângsampa ahiziak in, a mûkte chun hetna a chintûp ah, mipite’n ama kam ah kipat zilsakna dik chu a hawl sek diu ahi ngal a.

KISIMNA LEKHABU 29:1

Tha sagi’na’ a ni masa pen ah chun, la nisi’n nasep uh cholsan in, kikhopna thiangtho bawl un. Zia ni hi nang uh pengkul mût ni hi’ntin;

NASEPTE 15:21

Mosi Dan thu hi nidang lai ah kipat, khawtin ah sabbath nisi’n leh sunagog tin ah a la kisim sek ahi tangal in,” a hun tia.

DAN LEKHABU 17:18

Chuleh, a lenggam lalchutpha ah a chut phat leh, zia dan lekhabu hi pakhat a kinei zing dingin, levi dan ah thiampute a teidawsak ding ahi.

JOSHUA 8:35

Mosi thupiak zosia chu Israel pungkhawm zosiate leh numei leh chapang neucha chate leh, gam dang mi a lak ua chêngdente ma-âng ah chun Joshua’n simdok lo him him a nei puai.