NEHEMIAH 8:16 - PATHIAN LEKHABU THIANGTHO (BSI)

¹⁶ Tichun, mipite chu a kuandok ua, ziate chu lakhawm in bawkcha te chu amau â ding chiat in, a In uh tawh kizom a hem, a huang sung chiat uh a hem, Pathian In tualjawl leh Tui Kotpi leh Ephraim Kotpite ah chun a suang chiat tau hi.

NEHEMIAH 8:16 ပူးပေါင်းရင်းမြစ်များ

2 SAMUEL 11:2

Sunnung lam vaigei deu ah chun David chu a jalkhun ah kipat hung thodok in, leng In chung ah a vâk vêl vêl leh numei pakhat kisil lai a gâl mu ah; zia nu chu mi mêlpha tak ahi.

2 LENGTE 14:13

Israel ah Lengpa Jehoash in Beth-shemesh ah chun Ahaziah chapa, Jehoash chapa, Judah ah Lengpa Amaziah chu a man ta’n; Jerusalem ah a hungah, a kulbâng chu Ephraim Kotpi ah kipat a langkhat Kotpi tiang, tong za li kikâl chu a suchim tai.

2 KHANGTHU 20:5

Jehoshaphat chu Jerusalem khua’ Lalpa In ah vaihawmna pindan thak ah chun, Judah mipite zosia mai ah chun a hung dingdokah;

2 KHANGTHU 33:5

Chuleh, Lalpa In huang te ni ah chun van lam thilte hona dingin mâichâm a hun siam a.

NEHEMIAH 12:37

Tuikhuk Kotpi ah kipat chun a ma lam ua, David khawpi kalbite ah kal to in, kulbâng kaltona ah, sualam pang Tui Kotpi lam, David In saklam kâi in a chiau a.

NEHEMIAH 12:39

Ephraim Kotpi chung lam ah kihei in, Kotpi Lui kiang haw ah, Sanga Kotpi kiang ah Hananel Insâng, Zakhatte Insâng haw malam in, Belam Kotpi lam ka zuan un; chuleh, gâlvêngte Kotpi bul ah chun ka chawl tau a.

NEHEMIAH 3:26

Ophel ah chêng tempul ah nasêmte chun, sualam kâi ah um Tui Kotpi mai jawn leh Insâng hung dawkdok tiang chu a la siampha tau a.

NEHEMIAH 8:1

Chun, tha sagi’na a tin phatin, Israel mipi zosia amau khua chiat ah a chên muan zaw phat un, mipite chu Tui Kotpi ah mun thawveng ah chun a kikhawm tau a. Lekhabu zikpa Ezra kiang in, Lalpa chun Israelte â ding ah Mosi kiang ah Dan zikna lekhabu chu hun ladok dingin a don tau a.

NEHEMIAH 8:3

Jingkal vaima tak ah kipat sûnkim tiang, Tui Kotpi lam nga’n, numei leh pawsal hiatthiamna nei zosiate hiat thei dingin a hun sim tha ta’n; tichun, mipi zosiate chun zia Dan Lekhabu thute chu lunglut tak in a ngaitha tau a.

JEREMIAH 19:13

Jerusalem ah In zosia, Judah lengte In zosia leh, van lam thilte ho’na ding ah thilpiakte lân ah, pathian dangte kiang ah dawnchi thillat butthâkna In zosia pum in, Topheth mun gual hial in sukbuak in hung um ta’n a.

JEREMIAH 32:29

Zia khawpi do ah hung kuan Kaldaite chu hung lut in, Baal â ding ah kithoina latna In zosia leh, pathian dang kiang ah dawn chi sungtha ei sulungnate In zosia chu, mei ah hung hâl in, kâng tum in a.

DAN LEKHABU 22:8

Inthak la sak phat leh, a chung ah kipat mi a kiakthâk ah, la In sung ah thisan sua’na ziak ah thiamlo la chan lona dingin, la Inchung chu a dâi la bawl ding ahi.