NEHEMIAH 8:12 - PATHIAN LEKHABU THIANGTHO (BSI)

¹² A kiang ua thu kigente chu a hetchian tâk ziak un mipite chu peljak in, ne leh dawn in, midangte le chanvo thot in, kipakna thupi tak a nei tau hi.

NEHEMIAH 8:12 ပူးပေါင်းရင်းမြစ်များ

1 KHANGTHU 29:22

tichun, zia ni chun nasa takah kipak kawm in, Lalpa kiang ah chun ne leh dawn in a um tau hi. David chapa Solomon chu leng dingin a siam kit ua; ama chu Lalpa â ding ah milian hiding leh, Zadok chule thiampu hiding in, sathau a nu’ tau hi.

NEHEMIAH 8:10

Chuleh, a kiang un, “Chiau inla, an tui pen ne’n, uain thum tak chu dawn unla; bangma neilote â dinginle a chanvo ding uh thot piak un; zia ni hi I Lalpau â ding ah ni thiangtho a hi’ngâl in; lungngaina’n mang kiu in, Lalpa kipakna chu la hâtnau ahi ngâl in,” ti’n a gen a.

NEHEMIAH 8:11

Tichun, Levite chun mipite chu a thêmbi tau ah, a kiang un, “Thip un, zia ni hi a thiangtho ngâl ah; lungngaina’n mang kiu in,” a tiu a.

NEHEMIAH 8:13

A jing ah chun, phung tin ah luchangte chu thiampute leh Levite tawh, lekha zikpa Ezra kiang ah Dan thute chu zil dingin a hung khawm tau a.

ESTHER 9:22

Judate’n a mêlmateu ah kipat a suachâtnau leh, zia tha leh nite ah hin a lungngaina pen uh a kipakna niu a hung suak ah, a kâna ni ding uh a limna niu a hung suak tâk ziakin, nêk leh châk kipiaktuana leh genthei leh tasamte kiang ah thilpiak piakna ding ah mat ding ahi, ti in.

JOB LEKHABU 23:12

A thupiakte chu ka pêtsan ngai pua’n, a kamsuakte chu ka âng sung in ka vopdet zing hi.

SAM 119:111

La thu hetsakte chu ka kumkhaw go ahi’n; ziate chu ka thinlung kipakna ahi.

SAM 119:127

La thu piakte hi sana sâng ah, sana thiangtho sâng inle ka ngaina zawi.

SAM 119:130

La thu hilchet hin mite vakna a pia’n; mimawlte hiatthiamna a piai.

SAM 119:14

Hausakna zosia neite kipakna sâng in, la thu hetsakna dungzui ah um in, ka lim zaw ma ma hi.

SAM 119:16

La thuguatte chung ah kipak ing ka tin, la thu chu hemil pua’ng ka.

SAM 119:171

Nang in la thuguatte chu lei hil tâk ziakin, ka mûk in pâkna La tui gual in luangdok ta hen.

SAM 119:174

Aw Lalpa, la hukdamna chu ka thangai hi, la dân chu ka kipakna ahi.

SAM 119:72

Sana leh dangka sâng tam tak sâng in, la kam ah dan pawtte hi kei â dingin a phazawi.

SAM 119:97

Aw, la dan ka ngaina na lawm lawm e! Sun nitum ah ka ngaitua pen chu ahi.

JEREMIAH 15:16

La thute chu mudaw a hita’n, chuleh, ka ne ta hen; tichun, la thute chu kei â ding ah, limna leh ka lungthim kipakna a hung hi. Aw Lalpa, sepai honte Pathian, la min ah ko ah um sek ka hi’ngal a.

LUKA 24:32

Ziaphat chun, amau chu a kiho ua, “Lampi ei holimpi ah, Pathian Lekhathu ei hun hilchian lai ah khan I lungthim uh a hal huai him hilo a hem maw?” a kitiu a.

ROMTE 7:18

Keima ah hin (zia chu ka taksa ah hin ka ti’na ahi,) thilpha chu a um puai ti ka hia’i; keima ah hin thilpha hi’ nopna chu a um ah; himaleh a pha chu ka hi’ thei sek puai.

THUPUAN 11:10

Amau teni chung ah chun lei ah chêngte chu kipak intin uh, limna bawl intin uh, thilpiakte kithot tua intin uh; amau chun lei ah mite a hi’genthei ma ma ngal un.