NEHEMIAH 8:10 - PATHIAN LEKHABU THIANGTHO (BSI)

¹⁰ Chuleh, a kiang un, “Chiau inla, an tui pen ne’n, uain thum tak chu dawn unla; bangma neilote â dinginle a chanvo ding uh thot piak un; zia ni hi I Lalpau â ding ah ni thiangtho a hi’ngâl in; lungngaina’n mang kiu in, Lalpa kipakna chu la hâtnau ahi ngâl in,” ti’n a gen a.

NEHEMIAH 8:10 ပူးပေါင်းရင်းမြစ်များ

1 LENGTE 8:66

A ni giat ni chun mipi chu a pêl sak tai; lengpa chu maljawlna a piau ah, Lalpa‘n a suak David leh a mipi Israelte chung ah phatna a latsak zosiate ziak ah kipak leh lungthim tai tak in a puanbûk lam chiat un a chia kit tau hi.

1 KHANGTHU 16:27

Ja’umna leh choihoina a ma’n a um in; a umna taphot ah hatna leh kipakna a um hi.

NEHEMIAH 8:11

Tichun, Levite chun mipite chu a thêmbi tau ah, a kiang un, “Thip un, zia ni hi a thiangtho ngâl ah; lungngaina’n mang kiu in,” a tiu a.

NEHEMIAH 8:12

A kiang ua thu kigente chu a hetchian tâk ziak un mipite chu peljak in, ne leh dawn in, midangte le chanvo thot in, kipakna thupi tak a nei tau hi.

ESTHER 9:19

Ziaziakchun, khawneu leh khawpi neu kul neilo ah chêngte chun vang, Addar tha ah ni sawm leh li ni chu limna leh luaithe’na ni lopi, nêk leh châk kipiaktuana ummit ni’n a mang tau hi.

ESTHER 9:22

Judate’n a mêlmateu ah kipat a suachâtnau leh, zia tha leh nite ah hin a lungngaina pen uh a kipakna niu a hung suak ah, a kâna ni ding uh a limna niu a hung suak tâk ziakin, nêk leh châk kipiaktuana leh genthei leh tasamte kiang ah thilpiak piakna ding ah mat ding ahi, ti in.

SAM 149:2

Israelte chu amau Siampa chung in kipak uh hen la; Zion chate chu a Lal pen chung un kipak tau hen!

SAM 89:17

A hâtnau lopi tak la hi’ngal a; la doisakna ziakin ka dinmun uh, choisa’n in a um tai.

THUPILTE 17:22

Lungthim kipakna chu damdawi pha tak ahi’n, lungthim thasia chun vang gu leh châng a hikeu hi.

THUGENTU 11:2

La thilneite chu mun sagi a hem, mun giat tiang in hawm jak in; lei chung ah hin bang gual hun phalo in, hun tun khum ding a hem ti, la hepaw ngal a.

THUGENTU 2:24

Mihing â dingin ne leh dawn ah um ah, a sep gimnau ah kipakna a mu khêl ua thil phazaw a um puai. Zia hile Pathian khut ah kipat bep ahi ti chu ka mu ta’n;

THUGENTU 3:13

zia bep chule hilo in, mi tin in nê leh dawn ah, a sep gimnau zosia ah nop a saknau chule Pathian thilthawnpiak ahi.

THUGENTU 5:18

Zia hi ahi thilpha hiding ah ka mu chu: Min khawvel ah a sepgimna man ga pha tak, Pathian in damsung nikhua chomcha a piak sung ah a lâk khawm chu a nêk ah, a dawn ah, a nopchên thei chun, zia chu a chantum ahi mai hi.

THUGENTU 9:7

Chia inla, kipak tak in la vaithum ne’n la; lim tak in la uain dawn in; la thilbawl zosia chu masanglai ah kipat khan Pathian in lem a saksa a la hita ngal a.

SOLOMON LÂ 5:1

Ka huan ah ka hung hi, ka suapinu, ka lawmnu; ka murra tawh gimtuite tawh ka lakhawm ah, ka khuaiphâng ah khuaizute ka ne ta’n, ka uain tawh bawngnawi ka dawn tai. Gualte, hepina la kham hial masia ne’n la, dawn in!

ISAI 49:5

Chuleh, tu’hin, a suak hiding ah, sûl ah ei la siampa Lalpa chun, Jakob a kiang ah puikitna ding leh, Israel a kiang ah pui khawm kit theina dingin, Lalpa mit mu ah lûl tak ka hiziak leh, Pathian chu ka hâtna ahi tâk ziakin, ka kiang ah zia gual hin a gen hi:

ISAI 61:10

Lalpa ah chun nasa tak ah kipak in, ka pumpi’n ka Pathian chawihoi ing ka; ama’n hukdamna puan in ei thuam in, dikna puan ei khû ta’n, pâkkhi vui ah mopa a kithuam gual leh, mo chu sana kijem gual in, ei jem ta’ngal a.

JOEL 2:23

Aw Zion chate haw, Lalpa la Pathian ua chun kipak in lim tau in; ama’n gawtui masa chu a hun takin a pia hen, gawtui kiningting tak in a hun leibua, gawzu masa leh a nunung chu, tu’ma lam gual ah khan a hun peta ngal a.

ZEKARIAH 14:21

Jerusalem khua leh Judai gam ah thil huanna bêl zosia chu, sepai honte Lalpa â ding ah sukthiantho hita’n tin; tichun, kithoina thil lân ding ah hung zosia’n a kithoinau thil latte huanna’n mang ngâl ta’n au. Ziaphat chuleh, sepai honte Lalpa In ah chun sumkawlveite him him um ta pua’n au.

LUKA 11:41

Himaleh, la nei leh lamteu chu migentheite kiang in pia zaw leu chin, nang uh â dingin bangkim a thiang ahi.

2 KORINTH 8:2

haksatna nasa tak a tuak lai un, a chatganau huaisia leh a kipaknau nasa tak chu amau lak ah kiphalna luanglet a hung hi khawlaw dante kha.

PHILIPPI 3:4

Taksa lam ah kisuang ding hi leng suan ding ka nei hi. Kua’nle taksa lam ah suan ding a nei uh chun, keima’n ka nei tam zawi.

THUPUAN 11:10

Amau teni chung ah chun lei ah chêngte chu kipak intin uh, limna bawl intin uh, thilpiakte kithot tua intin uh; amau chun lei ah mite a hi’genthei ma ma ngal un.

1 SAMUEL 25:8

La tangvalte chu a la dong lechin hun hil thei in au. Ziaziakchun, ka tangvalte hi la doisakna hun pia’n, la luaithe ni khel khel ah ka hun sawl a hiu. Lungsiat tak in la suakte leh la chapa David hi la nei lam lam ei hun piau hen, vatiu in,” ti’n a sawl tai.