NEHEMIAH 7:2 - PATHIAN LEKHABU THIANGTHO (BSI)

² Ka suapipa Hanani chu Jerusalem ah vaihawm ding leh, Hananiah chu mi ginum tak leh, mi tam takte sâng ah le Pathian lau zaw mi a hiziak in, Lal In vêngte lak ah hotu dingin ka guat a.

NEHEMIAH 7:2 ပူးပေါင်းရင်းမြစ်များ

THILSIAM THU 42:18

A nithum ni chun Joseph in a kiang un, “Zia gual hin bawl leu chin hing in lau, Pathian ka lau ngal in:

2 SAMUEL 23:3

Israelte Pathian in thu a gen in, Israelte suangpi chun ka kiang in thu a la gen a; mipite chung ah dik tak ah vaihawm, Pathian lau kawm ah vaihawmpa chu,

1 LENGTE 18:12

La kiangah kipat ka pawt daw phat leh, Lalpa thagau in nang chu ka hetlona mun ah a la paw mang intin; tichun, Ahab kiang ka tun ah ka hil ah ama’n a hun mu zaw lo phat leh, kei la suak hin ka tangval lai ah kipat Lalpa a la lau ta hi malengle, ama’n ei that mai ding ahi.

1 LENGTE 18:3

Ahab in a lal Insung ah vaipawpa Obadiah chu a ko ah. (Zia Obadiah chu Lalpa lau tak mi ahi’n;

NEHEMIAH 1:2

ka suapite lak ah mi pakhat, Hanani chu Judah gam ah kipat kuate a hem tawh a hung un; saltânna pang lo ah suakcha Judate leh Jerusalem chungchâng thu bang gual ahi em ti ka dong a.

NEHEMIAH 10:23

Hoshea, Hananiah, Hasshub,

NEHEMIAH 13:13

Chuleh, thawlawm koikhawmnate enkol dingin thiampu Shelemiah, lekhazikpa Zadok tawh Levite lak ah Pedaiah cheng hi ka guat ah; amau kithuapi dingin Mattaniah tupa Zakkur chapa Hanan chu ka koi ah, amau hi ginum ah kigen a hiziak un; a mawpuaknau chu a seppiteu kiang ah thil hawmdaw ahi.

NEHEMIAH 2:8

chuleh, lengpa gammâng vêngpa Asaph in tempul kotpi bawlna ding, a khawpi kulbâng ding leh ka lua ding Insakna dingte hi thing ei pia ding in lekha ei zik piak in,” ti’n ka don a. Tichun, ka Pathian doisakna ka chung ah a um ziakin, lengpa chun ka thil dotte chu ei bawl piak tai.

NEHEMIAH 5:15

Ka ma-âng ah gam awp ah a la pangsate khan, mipite ah kipat nêk leh dawn, uain a lâkpiak bep uh le hilo in, dangka shekel sawmli a la liausak in, a la sugenthei ma mau a. A suakteu nasan le mipite chung in a la kilalsak ma mau ah; ke’n vang Pathian ka lau ziakin, zia gual chun ka bawl nuam puai.

NEHEMIAH 7:3

A kiang un, “Nisa a sat hial masia chu Jerusalem kul kotkhak chu hon hi ki’hen la, kul kotkhak vêngte’n a vên zing lai un, a kotkhakte chu khâk in kamchak sek un. Chuleh, Jerusalem khua sung ah chêngte lak ah kipat in, gâlvênna mun ah gâlvêng ding leh, khenkhat amau In jawn chiat ah gâlvêng dingte guat chiat hi hen,” ti’n ka hil a.

JOB LEKHABU 1:1

Uz gam ah chun mi pakhat a um ah, a min chu Job ahi. Zia mipa chu demna bei leh mi diktat, Pathian lau leh thil phalo him him bawl ngai lo mi ahi’n.

SAM 101:6

Zia gam ah mi ginumte chu, ka doisakna mit in en ing ka tin, ka kiang ah a chênden theina ding un; demna bei ah um taphot chun ka na sêm in au.

PAWTDAWNA THU 18:21

Chuleh, mipite lak ah kipat mi matthei, Pathian lau, mi thudik, golgûkna doilote chu têldok inla: zia gual mite chu sang khat chung ah te, za khat chung ah te, sawmnga ah chung ah te leh sawm khat chung ah te vaihawm dingin a chung un koi inla;

DANIAL 6:4

Tichun, a seppi te’ni leh gambung tin ah vaihawm pawlte chun, lenggam thu ah Danial demna ding a hawl tau a. Himaleh, ama chu mi ginum, sep leh bawl bangkim ah diktat leh thiangtho ahiziak in, a demna ding leh hêkna ding a mu zo puau a.

KISIMNA LEKHABU 12:7

Ka suak Mosi kiang in vang zia gual chun ka bawl puai; ama chu ka In sung mi zosia chung ah thuneina piak ahi.

MATTHAI 24:45

Suak ginum leh pil tak, a pu’n a hun tak ah an hawm piak sek ding ah, suak dangte Insung ah a koi ding chu kuapen ahi diam?

MATTHAI 25:21

A pu chun a kiang in, la bawlpha na e! Suak pha leh ginum, tawmcha chung ah la ginum ziakin, tam tak chung ah vaihawm dingin hun koi ing ka; la pu kipakna’n lut ta’n, a tia.

1 KORINTH 4:2

Zia enkoltu hi’na ah hin, mi ginum hi a kûl hi.

2 TIMOTHI 2:2

hetpi tam takte lak ah ka kam ah thu la hiatte kha, mi ginum, midang hilsawn thei dingte kiang in pesawn in.